spot_img
Sunday, January 29, 2023
spot_img

ကရင်နီမှာ Save the Children ဝန်ထမ်း ၂ ဦးပျောက်ဆုံးနေပြီး ကားမီးရှို့ခံထားရ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ် ဖရူဆိုမြို့နယ် မိုဆိုကျေးရွာအနီး စစ်ကောင်စီတပ်က တိုက်ပွဲကြောင့် ထွက်ပြေးတိမ်းရှောင်လာတဲ့ ပြည်သူ (၃၅)ဦးကို ဖမ်းဆီးခဲ့ပြီး မီးရှို့သတ်ဖြတ်ခံခဲ့ရတဲ့နေ့မှာပဲ Save the Children ဝန်ထမ်း ၂ဦးလည်း ပျောက်ဆုံးနေပြီး ကားတစ်စီး မီးရှို့ခံထားတဲ့အထဲ ပါဝင်ကြောင်း ဒီဇင်ဘာလ ၂၆ ရက်နေ့မှာ Save the Children in Myanmar က ထုတ်ပြန်ထားပါတယ်။

အဆိုပါ ဝန်ထမ်း ၂ ဦးဟာ အနီးအနားကျေးရွာမှာ လူသားချင်းစာနာထောက်ထားမှုဆိုင်ရာ လုပ်ငန်းများ ဆောင်ရွက်မှုအပြီး တာဝန်ထမ်းဆောင်ရာရုံးကို ပြန်လာစဉ် ပျောက်ဆုံးခဲ့သလို ၎င်းတို့စီးနင်းလာတဲ့ မော်တော်ယာဉ်မှာလည်း မီးရှို့ဖျက်ဆီးခံခဲ့ရကြောင်း အတည်ပြုထားပြီး ဝန်ထမ်းရဲ့အသက်အန္တာရယ်မှာ လွန်စွာစိုးရိမ်နေရတယ်လို့ ဖော်ပြထားပါတယ်။

ပြီးခဲ့တဲ့ ဒီဇင်ဘာလ ၂၄ ရက်နေ့မှာ ဖရူဆိုလူထုကို မီးရှို့သတ်ဖြတ်မှုထဲ အမျိုးသမီး၊ ကလေးများအပါအဝင် အရပ်သားပြည်သူ ၃၈ ဦးထက်မနည်း သတ်ဖြတ်ခံရမှုကို Save the Children အနေနဲ့ ပြစ်တင်ရှုတ်ချထားပါတယ်။

Save the Children ရဲ့ အမှုဆောင်ချုပ် (Chief Executive) ဖြစ်တဲ့ Inger Ashing က
“နိုင်ငံတကာလူသားချင်း စာနာထောက်ထားမှုဆိုင်ရာ ဥပဒေကို ပေါ်ပေါ်ထင်ထင် ချိုးဖောက်သည့် ဤအကြမ်းဖက်လုပ်ရပ်ကို ကျွန်မတို့အနေဖြင့် ပြင်းထန်စွာရှုတ်ချကြောင်း ထပ်လောင်းအသိပေးလိုပါတယ်။

အပြစ်မဲ့ ပြည်သူများနှင့် မြန်မာနိုင်ငံတစ်ဝန်း အကူအညီလိုအပ်လျက်ရှိသည့် သန်းပေါင်းများစွာသော ကလေးသူငယ်များအား ကူညီပံ့ပိုးရေးနှင့် လူသားချင်းစာနာထောက်ထားမှုဆိုင်ရာ လုပ်ငန်းများ လုပ်ဆောင်လျက်ရှိသည့် ကျွန်မတို့ ဝန်ထမ်းများအား ဤသို့အကြမ်းဖက်ကျူးလွန်မှုအပေါ် လွန်စွာမှ ထိတ်လန့်အံ့ဩတုန်လှုပ်မိပါတယ်။ ယင်းဖြစ်စဉ်နှင့် ပတ်သက်၍ အသေးစိတ်စုံစမ်းစစ်ဆေးလျက် ရှိနေပြီး အကူအညီပေးရေးဝန်ထမ်းများအား တိုက်ခိုက်ခြင်းသည် မည်သို့မျှလက်ခံနိုင်ဖွယ်မဟုတ်ပါ။” လို့ ရေးသားဖော်ပြထားပါတယ်။
Save the Children က မြန်မာနိုင်ငံမှာ ၁၉၉၅ ခုနှစ်မှစတင်ကာ ကျန်းမာရေး၊အာဟာရ၊ ပညာရေးနှင့် ကလေးသူငယ်ကာကွယ်စောင့်ရှောက်ရေး စီမံချက်လုပ်ငန်းတွေကို မိတ်ဖက်အဖွဲ့အစည်းပေါင်း ၅၀ ကျော်နဲ့ ဝန်ထမ်းပေါင်း ၉၀၀ကျော်တို့ဖြင့် နိုင်ငံအဝှမ်းမှာ လုပ်ကိုင်လျက်ရှိပါတယ်။
ယခုအဖြစ်အပျက်ကြောင့် ကယားပြည်နယ်၊ ချင်းပြည်နယ်၊ မကွေးတိုင်းဒေသကြီးရှိ ဒေသအချို့ နဲ့ ကရင်ပြည်နယ်ရှိ စီမံကိန်းများကို ယာယီရပ်ဆိုင်ထားကြောင်း ထုတ်ပြန်ကြေညာထားပါတယ်။ သို့ပေမယ့် ယခုကဲ့သို့ တိုက်ပွဲနဲ့ အကြပ်အတည်းကာလမှာ ကလေးသူငယ်များအတွက် အကူအညီပေးရေးကတိကဝတ်ကို ဆက်လက်ထိန်းသိမ်းရန် လုပ်ဆောင်သွားမယ်လို့ ထုတ်ပြန်ထားပါတယ်။

spot_imgspot_imgspot_imgspot_img

More from the blog

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...

စစ်ကြောင်းထိုးပြီး လက်နက်ကြီးတွေ ပစ်ခတ်တဲ့ စစ်ကောင်စီကြောင့် တိုက်ပွဲဖြစ်ပွါးရာမှ IDP စခန်း (၃) ခု ထပ်မံပြောင်းရွေ့ရ

ကေးဒူ ( ကန္တာရဝတီတိုင်း(မ်)) ကရင်နီပြည်၊ ဒီးမော့ဆို အရှေ့ဘက်ခြမ်းရှိ ခြောက်မိုင်အုပ်စုအတွင်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေးတပ်ဖွဲ့တို့ တိုက်ပွဲပြင်းထန်ပြီး လက်နက်ကြီးတွေ အဆက်မပြတ် ပစ်ခတ်မှုကြောင့် လူဦးရေ တစ်ထောင်ကျော်ရှိတဲ့ စစ်ရှောင်စခန်း (၃)ခု ထပ်မံ ရွေ့ပြောင်းကြရတယ်လို့ သိရပါတယ်။ "ကျနော်တို့သိရသလောက်ပေါ့နော်။ အဓိက စခန်း (၃)...