spot_img
Wednesday, November 30, 2022
spot_img

ကိုဗစ်ကာကွယ်ဆေးထိုးပြီးနောက် ကာကွယ်ဆေးရဲ့ ဘေးထွက်ဆိုးကျိုးများ

spot_imgspot_imgspot_imgspot_img

ကန္တာရဝတီတိုင်း(မ်)

လက်နိုင်ငံရေးအခြေအနေအရ အာဏာပိုင်တွေရဲ့ ကိုဗစ်ကာကွယ်ဆေးထိုးနှံရေး အစီအစဉ်တွေ၊ ကိုယ်ထူကိုထ ကာကွယ်ဆေးထိုးတဲ့ အစီအစဉ်တွေနဲ့ တခြားသော အဖွဲ့အစည်းတွေက လုပ်ဆောင်ပေးနေတဲ့ အစီအစဉ်တွေကနေ ပြည်သူတွေက ကာကွယ်ဆေး အသီးသီးထိုးနှံလာနေကြပါပြီ။

ကာကွယ်ဆေးထိုးနှံပြီးတဲ့ အချိန်မှာ တချို့သောသူတွေက ကာကွယ်ဆေးရဲ့ ဘေးထွက်ဆိုးကျိုးတွေကို ခံစားရတဲ့သူရှိသလို တချို့တွေက မခံစားရတာတွေရှိနေတာ ဘာကြောင့်ပါလဲ?

ကာကွယ်ဆေးထုတ်လုပ်တဲ့နေရာမှာ သေနေတဲ့ ကိုဗစ် ဗိုင်းရပ်စ် ဒါမှမဟုတ် အားပျော့တဲ့ ဗိုင်းရပ်စ်ကို အသုံးပြုထားတာဖြစ်ပါတယ်။ ကာကွယ်ဆေးတွေကို သေသေချာချာ လေ့လာစမ်းသပ်မှုတွေလုပ်ဆောင်ပြီး လူတွေကို ရောဂါမကူးစက်အောင်နဲ့ ကူးစက်လာခဲ့ရင်တောင်မှ ပြင်းပြင်းထန်ထန် မခံစားရအောင် ရည်ရွယ်ထုတ်လုပ်ထားတာဖြစ်ပါတယ်။

ကာကွယ်ဆေးထိုးပြီးနောက်ပိုင်းမှာ တချို့သူတွေဟာ ကိုယ်ပူတာ၊ အဖျားတက်တာ၊ ခန္ဓာကိုယ် ကိုက်ခဲတာ၊ ပင်ပန်းနွမ်းနယ်တာတွေ၊ ချမ်းတုန်တာတွေအပြင် ဆေးထိုးတဲ့နေရာမှာ ရောင်ယမ်းတာတွေကို ခံစားရတတ်ပါတယ်။ ဒါပေမဲ့ တချို့သူတွေကတော့ ဒီလိုမျိုးခံစားရတာတွေမရှိပါဘူး။

ကာကွယ်ဆေးမှာပါတဲ့ အားပျော့တဲ့ ဗိုင်းရပ်စ်ဟာ ထိုးနှံသူရဲ့ ခန္ဓာကိုယ်ထဲဝင်ရောက်သွားပြီဆိုတာနဲ့ ခန္ဓာကိုယ်ထဲက antibody လို့ခေါ်တဲ့ ခန္ဓာကိုယ် ခုခံကာကွယ်ရေးစနစ်တွေကိုလှုံ့ဆော်ပေးတာဖြစ်ပါတယ်။

ဒါကြောင့် ထိုးနှံသူရဲ့ ခန္ဓာကိုယ် တုန့်ပြန်မှု အပေါ်မူတည်ပြီးတော့ လက္ခဏာတွေဟာ ကွာခြားပါတယ်။ တချို့သူတွေကတော့ ရောဂါပြင်းထန်နိုင်ပြီး တချို့သူတွေမှာတော့ မသိသာပါဘူး။ အကြောင်းရင်းကတော့ ကိုယ်ခံအားကွာခြားကြတာကြောင့်ပါ။ ကိုယ်ခံအားကောင်းသူတွေမှာ လက္ခဏာပြသာမသိသာပါဘူး။
ဒါတွေကစိုးရိမ်စရာမဟုတ်တဲ့ ကာကွယ်ဆေးထိုးပြီးတဲ့အချိန် ဖြစ်တဲ့တတ်တဲ့ အခြေအနေမျိုးဖြစ်ပါတယ်။

အသက်အရွယ်နဲ့ ကျား၊မ အပြင် ခန္ဓကိုယ်ကိုယ်ခံအားတုန့်ပြန်မှုအပေါ်မူတည်ပြီး ကာကွယ်ဆေးရဲ့ ဘေးထွက်ဆိုးကျိုးတွေက ကွဲပြားတတ်ပါသေးတယ်။

စစ်တမ်းတွေအရတော့ ကာကွယ်ဆေးရဲ့ ဘေးထွက်ဆိုးကျိုးတွေကို အမျိုးသားတွေထက် အမျိုးသမီးတွေမှာ ပိုခံစားရတတ်တယ်လို့ဆိုပါတယ်။

အကြောင်းကတော့ ကိုယ်ခံအားစနစ်မှာ ပါဝင်ဖွဲ့စည်းထားတဲ့ ဟော်မှုန်းတွေရဲ့ ကွားခြားမှုနဲ့ တုံ့ပြန်ပုံ ကွာခြားတာကြောင့်ပါ။ အီစထရိုဂျင် ဟော်မုန်း ပိုမြင့်လေလေ ကာကွယ်ဆေးကြောင့် ရောင်ရမ်းမှုကို ခံစားရနိုင်ခြေ များလေလေ ဖြစ်သလို side effectခံစားရတဲ့ ကာလ ကြာလေလေပါ လို့ hello sayawon ရဲ့ ဆောင်းပါးမှာဖော်ပြထားပါတယ်။ ဒါကြောင့် အမျိုးသမီးတွေမှာ ဘေးထွက်ဆိုးကျိုးပိုပြီးတော့ ခံရတာတာပါ။

မှတ်ချက် – ဒီဆောင်းပါးကို hellosayawon ဝက်ဆိုဒ်က ဆောင်းပါမှ ကောက်နုတ်ဖော်ပြထားခြင်းဖြစ်ပါတယ်။

spot_imgspot_imgspot_imgspot_img

More from the blog

ကျန်းမာရေးအသိနဲ့ စောင့်ရှောက်မှု အားနည်းနေတဲ့ ဖရူဆိုမြို့နယ်အနောက်ဘက်ခြမ်းက ကယောဒေသ

ကန္တာရဝတီတိုင်း( မ် ) ကရင်နီပြည် ဖရူဆိုမြို့နယ် အနောက်ဘက်ခြမ်း ဒေသဖြစ်တဲ့ ကယောမျိုးနွယ်စုတွေ အများစုနေထိုင်ရာ ဒေသ ဟာ လမ်းပန်းဆက်သွယ်ရေး ခက်ခဲတဲ့ဒေသဖြစ်ပါတယ်။ ဝေးလံခေါင်ဖျားတဲ့ ဒေသဖြစ်တဲ့အလျောက် ကျန်းမာရေး နဲ့ ပါတ်သက်တဲ့ အသိပညာ၊ ကျန်းမာရေး စောင့်ရှောက်မှုတွေ အားနည်းပါတယ်။ ပြီးခဲ့တဲ့ နိုဝင်ဘာလ တတိယအပတ်မှာ ဆေးကုသမှု...

ပျောက်ဆုံးနေတဲ့ သား ၂ယောက်အိမ်အပြန်ကို ဆက်စောင့်နေတဲ့ စစ်ရှောင် မိခင်

ကန္တာရဝတီတိုင်း(မ်) "အဒေါ်တို့ ကယန်းမှာဆိုရင် သူ့လိပ်ပြာ တွေပြန်လာတယ်။ အဲ့လိုအယူအဆရှိတယ်ပေါ့နော်။ အဲ့တာကြောင့်မို့ သူတို့အသက်ရှင်နေသေးတယ်လို့ ယုံကြည်တယ်" ၈လ ကြာပျောက်ဆုံးနေတဲ့ သား၂ယောက်ရဲ့ သတင်းအစအန ကို အခုထိ မကြားရတော့ပေမယ့် အသက်ရှင်နေဆဲပဲလို့ ယုံကြည်နေတဲ့ စစ်ရှောင်မိခင်တစ်ဦးဖြစ်တဲ့ မူကယန်း(အမည်လွဲ) က ပြောပြသွားတာဖြစ်ပါတယ်။ မူကယန်းဟာ ဒီးမော့ဆိုမြို့နယ် ဆောင်ဒူရွာသစ်မှာနေထိုင်ပေမယ့် လက်ရှိမှာတော့ ချယ်ရီကုန်း...

လွိုင်ကော်မြို့ဟာ အမျိုးသမီးတွေရဲ့လုံခြုံရေး စိုးရိမ်မကင်းဖြစ်နေပြီလား…

လေးမြာ/ကန္တာရ၀တီတိုင်း(မ်) ဒေသခံပြည်သူတွေအပြင် ခရီးသွားပြည်သူတွေပါ စည်စည်ကားကားနဲ့ လည်ပတ်လို့ကောင်းတဲ့ ကရင်နီပြည်ရဲ့ လွိုင်ကော်မြို့လေးဟာ ခုတော့ စိတ်ခြောက်ခြားစရာကောင်းတဲ့ မြို့လေးတစ်မြို့လို့ဆိုရတော့မှာပါ။ မြို့ရဲ့ အချက်အချာကျတဲ့နေရာတွေမှာ စစ်ကောင်စီတပ်တွေရဲ့ တင်းကျပ်တဲ့ စစ်ဆေးမှုတွေ ကြောင့် လူထုတွေဟာ မလုံခြုံမှုတွေကြား ကြောက်ရွံ့စွာနဲ့ သွားလာနေကြရပါတယ်။ အဲ့လို စစ်ကောင်စီရဲ့ တင်းကြပ်တဲ့ စစ်ဆေးမှုတွေကြောင့် ဖမ်းဆီးခံရတဲ့ သူတွေလည်း ရှိနေပါတယ်။...

မိုင်းကြောင့် ဘယ်ခြေဆုံးရှုံးခဲ့ရပေမယ့် ဘဝကို အရှုံးမပေးသူ ဆေးတပ်သား ရဲဘော် မောင်ဂျူးအောင်

အသက် ၁၈ နှစ် အရွယ်သာရှိသေးပြီး ကရင်နီအမျိုးသားများကာကွယ်ရေးတပ် တပ်ရင်း (၁) တပ်ခွဲ(၃) မှာ ဆေးတပ်သားအဖြစ်တာဝန်ထမ်းဆောင်နေတဲ့ ရဲဘော် မောင်ဂျုးအောင်တစ်ယောက် မိုင်းကြောင့် ဘယ်ခြေတစ်ဖက်ကို ဆုံးရှုံးခဲ့ရပါတယ်။ “ ထိတဲ့နေ့ကတော့ ၂လပိုင်း ၁၀ရက်နေ့ တုန်းက ဒီးမော့ဆိုတိုက်ပွဲ တစ်နေရာမှာ အဲ့မှာ ကျနော် ခြေထောက်ထိခဲ့တယ်ပေါ့နော။...