spot_img
Monday, March 27, 2023
spot_img

ကိုယ်ထူကိုယ်ထကျောင်းစာသင်ကျောင်းမှာ အင်္ဂလိပ်စကားပြော သင်တန်းဖွင့်လှစ်

spot_imgspot_imgspot_imgspot_img

ကန္တာရဝတီတိုင်း(မ်)

ဒီးမော့ဆိုမြို့နယ် အနောက်ခြမ်းရှိ ကိုယ်ထူကိုယ်ထ စာသင်ကျောင်းတစ်ကျောင်းမှာ အင်္ဂလိပ်စကားပြော (English speaking) သင်တန်းကို စတင် ဖွင့်လှစ်‌နေတယ်လို့ သိရပါတယ်။ သင်တန်းကာလကြာမြှင့်ချိန် တစ်လဖြစ်ပြီး ကျောင်းသူကျောင်းသား ဦးရေ (၂၀၀)ကျော် တက်ရောက်သင်ကြားနေပါတယ်။

ခုလို အင်္ဂလိပ်စကားပြော သင်တန်းဖွင့်လှစ်ရတာဟာ ကလေးတွေရဲ့ စိတ်လေလွင့်မှုမရှိစေရန်နဲ့ တစ်ဖက်တစ်လှမ်းကနေ မိဘကို ကူညီတဲ့အနေနဲ့ ဖွင့်လှစ်ရတာဖြစ်တယ်လို့ ကျောင်းတာဝန်ခံ ဆရာမတစ်ဦး က ပြောပါတယ်။

” ဖေ‌ဖော်ဝါရီလမှာ ကျောင်းကိုဒုတိယအကြိမ်မြောက် ပြီးဆုံးသွားပြီ ဖြစ်တော့ ဒီကာလမှာပေါ့နော် ဘယ်လိုလုပ်မလဲပေါ့ ဒီကျောင်းပိတ်ရက် နှစ်လသုံးလ အတွင်းမှာ ဘယ်လိုလုပ်မလဲ မိဘ‌နဲ့တိုင်ပင်တဲ့အချိန်မှာ မိဘတွေက သူတို့ကလေးကိုပေါ့နော် မထိန်းသိမ်းနိုင်ဘူးတဲ့။ ဆရာတို့အဓိကကလဲ ကလေးတွေကိုအပြင်ကို အလေလွင့်မှု မရှိအောင်လို့ ဆရာတွေနဲ့ညှိနှိုင်းတိုင်ပင်ပြီး ဘယ်လိုလုပ်ပေးနိုင်လဲ။ ဒါဆို စာကတော့ ဆက်တိုက်ဆက်တိုက် စာပဲသင်မယ်ဆိုရင် ကလေးတွေကတော့ သူတို့ဦးနှောက်ကိုအနားမပေးရာကျတယ်ဆိုတော့ သူတို့ရဲ့ ဒီကာလမှာ သူတို့နားနေတဲ့ကာလမှာ သူတို့အတွက်လဲ စိတ်လေလွင့်မှုမရှိအောင် အပြင်လဲမရောက်အောင် မိဘတွေဖက်ကိုလဲ ကူညီတဲ့သဘောနဲ့ ဒီ ကလေးကိုပေါ့နော် သူတို့ရဲ့အခြေခံအလျောက် ဒီ English speaking ကို ဆရာ၊ ဆရာမတွေနဲ့ မိဘကော်မတီ ညှိနှိုင်းပြီးတော့မှ ဒီသင်တန်းကိုဖွင့်လှစ်ရခြင်းဖြစ်ပါတယ်ပေါ့နော်။” လို့ ဆရာမက ပြောပါတယ်။

သင်တန်းကို အခမဲ့ဖွင့်လှစ်ထားပြီး ကျောင်းသားဦးရေ ၂၀၀ကျော်ကို ဆရာ၊ ဆရာမ ၁၅ ဦးကနေ အင်္ဂလိပ်စကားပြော ( English speaking ) အပြင် ဘဝကျွမ်းကျင်မှု (Life Skill ) တွေကိုလည်း ထည့်သွင်းသင်ကြားပေးမယ်လို့ သူကဆက်ပြောပါတယ်။

သင်တန်းလာတက်တဲ့ကျောင်းသားတွေဟာ ခန့်မှန်းထားတာထက်ပိုများနေတာကို တွေ့ရတဲ့အပြင် ကျောင်းသူ ကျောင်းသားတွေ ကိုယ်တိုင်ကလည်း စိတ်ပါဝင်စားကြတယ်လို့ အင်္ဂလိပ်စကားပြော သင်ကြားပေးတဲ့ ဆရာတစ်ဦးက ခုလိုပြောပါတယ်။

“ကျွန်တော် စစချင်းတော့ ဒီလောက်ထိကလေးတွေအများကြီး လာလိမ့်မယ်လို့ ကျွန်တော် တကယ်မထင်ထားဘူး။ ဒါပေမဲ့ ကျွန်တော်သင်ပေးမယ်ဆိုတာကို လဲယုံယုံကြည်ကြည်နဲ့လာအပ်နှံပေးတဲ့ မိဘတွေ အယောက်စီတိုင်းကိုလဲကျေးဇူးတင်တယ်။ ပြီးကျတော့ ယုံကြည်ပေးကြတဲ့ကျောင်းသူကျောင်းသားတွေကိုလဲ ကျေးဇူးအများကြီးတင်တယ်။ သူတို့ကိုယ်၌ ကလဲ လိုချင်တာကိုတွေ့ရတဲ့အတွက်ကြောင့် အတိုင်းမသိကြည်နူးမိတယ်” လို့ ဆိုပါတယ်။

စစ်ရှောင်ကာလခက်ခဲနေတဲ့ကြားက ဒီလိုသင်ကြားရတာ စိတ်ပါဝင်စားသလို နိုင်ငံတကာသုံးဘာသာစကားဖြစ်တဲ့အတွက် ဖြစ်လို့ ကျေနပ်တယ်ဆိုတဲ့အကြောင်းကိုသင်တန်းတက်ရောက်နေတဲ့ ကျောင်းသူတစ်ဦးက ခုလိုပြောပါတယ်။

” ဟုတ်ကဲ့ သမီးတို့ဒီလို English speaking သင်ရတဲ့အချိန်မှာလဲ ပျော်လဲပျော်တယ်။ပြီးတော့ ကမ္ဘာသုံးနေတဲ့စာဖြစ်တဲ့အတွက်ကြောင့် ပိုပြီးတော့ ကျေနပ်မိတယ်ပေါ့ ပျော်လဲပျော်မိပါတယ်” လို့ ဆိုပါတယ်။

အင်္ဂလိပ်စကားပြော သင်တန်းကို မတ်လ(၇)ရက်နေ့နဲ့ (၈)ရက်နေ့နှစ်ရက်မှာ သင်တန်းအပ်လက်ခံပြီး စတင်သင်ကြားနေပြီဖြစ်ပါတယ်။ ရွာအနီးအနားမှ စစ်ရှောင်အပါအဝင် ရပ်ဝေးက စစ်ရှောင်၊ ဒေသခံကျောင်းသားတွေလည်း လာရောက်တက်ရောက်ကြတယ်လို့ သိရပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို စစ်ကောင်စီတပ်မှ လက်နက်ကြီးတွေ အမြောက်အများ ပစ်ခတ်နေ

ကန္တာရဝတီ တိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းကို ဒီးမော့ဆို အခြေစိုက် ခလရ ၁၀၂ တပ်မှ (၁)မိနစ် (၁) လုံးနုန်းနဲ့ လက်နက်ကြီးတွေ အမြောက်အများ ပစ်ခတ်နေတယ်လို့ သိရပါတယ်။ ယနေ့ ( မတ်လ ၂၆ ) ရက်နေ့ မနက် ၉ နာရီလောက်ကစပြီး...

စစ်ရှောင်ပြည်သူတွေကို ရိက္ခာဝေမယ်လို့ပြောဆိုပြီး ဓါတ်ပုံရိုက်ပြီးနောက် ဝေထားတဲ့ရိက္ခာတွေကို ပြန်သိမ်းယူသွား

ကန္တာရဝတီတိုင်း(မ်) လွိုင်ကော်မြို့ နမ့်ဘော်ဝမ် ရပ်ကွက်အတွင်းရှိ စစ်ဘေးရှောင်ပြည်သူတွေကို စစ်ကောင်စီ က ရိက္ခာဝေပေးမယ်လို့ပြောဆိုကာ ဒီကနေ့ (မတ်လ ၂၅ ရက်နေ့ ) မှာ စုရုံးခေါ်ဆောင်ပြီး ဓါတ်ပုံမှတ်တမ်းရယူခဲ့ပေမဲ့ ဝေငှထားတဲ့ ရိက္ခာထုပ်တွေကို ပြန်လည်တောင်းယူခဲ့တယ်လို့ စစ်ရှောင်တွေဆီကနေ သိရပါတယ်။ နမ့်ဘော်ဝမ်ရပ်ကွက်အတွင်းမှာ ရှိတဲ့ဘုရားကျောင်းမှာ စစ်ဘေးရှောင်တွေကို ခေါ်ယူစုရုံးပြီး ကုလားပဲထုပ်...

ဒီးမော့ဆိုအနောက်ဘက်ခြမ်းမှာ လက်နက်ကြီးကျပြီး ဒေသခံထိခိုက်မှုရှိခဲ့၊ ဖရဲသီးစိုက်ခင်းလည်းပျက်စီး

ကန္တာရဝတီတိုင်း( မ် ) ယမန်နေ့ မတ်လ ၂၄ရက်နေ့ မနက် ၁၀နာရီကျော်အချိန်မှာ ကရင်နီပြည် ဒီးမော့ဆိုမြို့နယ်အနောက်ဘက်ခြမ်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့တဲ့အတွက် ဒေသခံတချို့ ထိခိုက်ခဲ့သလို ဖရဲသီးစိုက်ခင်းလည်း ပျက်စီးခဲ့တယ်လို့ ဒီးမော့ဆိုအနောက်ဘက်ခြမ်းမှာ နေထိုင်သူတစ်ဦးက ပြောပါတယ်။ "အိမ်ကတော့ လူနေအိမ်ပဲ မိန်းက‌လေးထိတယ်ပြောတယ်။ မိန်းကလေးနှစ်ယောက်။ ဒီကျတာက ဖရဲသီးခြံစိုက်ခင်းထဲမှာက...

ဒီမော့ဆို အရှေ့ဘက်ခြမ်းမှ ဆွေမျိုးများထံ ယာယီ ပြောင်းရွေ့လာတဲ့ စစ်ရှောင်ကလေးအချို့ ဝမ်းပျက်ဝမ်းလျောဖြစ်နေ

CJ (ကန္တာရဝတီတိုင်း(မ်)) ကရင်နီပြည် ဒီမော့ဆိုမြို့နယ် အရှေ့ဘက်ခြမ်းမှာ မတ်လ ၁၀ ရက်နေ့ ကတည်းက ဖြစ်ပွားတဲ့ တိုက်ပွဲတွေကြောင့် အနောက်ဘက်ခြမ်းက ဆွေမျိုးတွေဆီကို ယာယီ ပြောင်းရွေ့လာတဲ့ စစ်ရှောင်တွေအထဲက ကလေးတွေဟာ ဝမ်းပျက်ဝမ်းလျောဖြစ်နေတယ်လို့ စစ်ရှောင်အမျိုးသမီးတစ်ဦးက ပြောပါတယ်။ "အကြောင်းရင်းက ဘာလဲ မသိဘူး၊ ရေရှားတဲ့ နေရာလဲ မဟုတ်ဘူး၊...