ကိုယ်ထူကိုယ်ထဖွင့်လှစ်ထားတဲ့ စာသင်ကျောင်းအတွက် သင်ထောက်ကူပစ္စည်းလိုအပ်

ကန္တာရဝတီတိုင်း(မ်)

ဒီးမော့ဆိုမြို့နယ် အနောက်ဘက်ခြမ်းမှာ ကိုယ်ထူကိုယ်ထဖွင့်လှစ်ထားတဲ့ စစ်ရှောင် စာသင်ကျောင်းအတွက် ကျောင်းအသုံးအဆောင်ပစ္စည်းတွေ နဲ့ သင်ထောက်ကူပစ္စည်းလိုအပ်နေတယ်လို့ ကျောင်းဆရာမတွေက ပြောပါတယ်။

အဲ့ဒီစာသင်ကျောင်းကို ဖွင့်လှစ်တာ တစ်လဝန်းကျင်သာ ရှိပါသေးတယ်။ KG တန်းကနေ ၅တန်းအထိ ဖွင့်လှစ်ထားပြီး ကျောင်းသားကျောင်းသူဦးရေ ၅၀ ရှိတယ်လို့ သိရပါတယ်။ ပြီးခဲ့တဲ့နှစ်တွေက အခြားစစ်ရှောင်စာသင်ကျောင်းတွေမှာ သွားရောက်ပညာသင်ကြားတဲ့အခါ အခက်အခဲရှိခဲ့တယ်လို့ ပြောပါတယ်။

လိုအပ်နေတဲ့ ကျောင်းအသုံးအဆောင်ပစ္စည်းတွေကို ထောက်ပံ့လှူဒါန်းပေးကြဖို့ကိုလည်း တောင်းဆိုထားပါတယ်။