spot_img
Saturday, December 10, 2022
spot_img

ကျဆုံးသွားတဲ့ တော်လှန်ရေးရဲဘော်တွေအပေါ် မိသားစုတွေ၊ မိတ်ဆွေတွေရဲ့ စကားသံ

spot_imgspot_imgspot_imgspot_img

ကန္တာရဝတီတိုင်း(မ်)

နိုဝင်ဘာလ ၂ ရက်နေ့ဟာ ကက်သလစ်ဘာသာဝင်တွေရဲ့ သင်္ချိုင်းပွဲ နေ့ဖြစ်ပါတယ်။ အဲဒီနေ့မှာ ဒီးမော့ဆိုမြို့နယ်တစ်နေရာက အာဇာနည်သင်္ချိုင်း ကို လာရောက် ဝတ်ပြု ၊ မီးထွန်းပေးကြတဲ့ ဆွေမျိုး၊မိတ်ဆွေတွေရဲ့ စကားသံကို ကန္တာရဝတီတိုင်း(မ်) ကမေးမြန်တင်ဆက်ပေးလိုက်ပါတယ်။

ဂျော့ကင်း

ကျသွားတဲ့ ရဲဘော်တွေရဲ့ အပေါ်မှာကော ကျနော်တို့စိတ်မကောင်းဖြစ်မိတယ်ပေါ့နော။ ကျနော်တို့ထက် အများကြီးအရည်ချင်းရှိတယ်။ အများကြီးတော်တတ်တဲ့ ရဲဘော်တွေဖြစ်တယ်။ အနာဂတ်သားသမီးကောင်းတွေ ဖြစ်တဲ့အတွက် ကျနော်တို့အထက်ကို အရင်ကအသက်ပေးသွားခဲတဲ့ ရဲဘော်အတွက်ကို ကျနော်တို့စိတ်မကောင်းဖြစ်တာ မှန်ပါတယ်။ အခုလို ဒီလိုမျိုးပွဲရှိခါကြတော့ သူတို့ အတွက်ဘာမှထွေထွေထူးထူး မလုပ်ပေးနိုင်တဲ့အတွက် အများကြီးစိတ်မကောင်းဖြစ်မိတယ်ပေါ့နော။ ရဲဘော်တွေလည်း ကောင်းရာမွန်ရာရောက်ပါစေလို့ ဆုတောင်းပေးခဲ့တယ်ပေါ့နော။

မိုးနိုင်

ကျနော်တို့ ရဲဘော်စကျတဲ့ချိန်မှာတော့ ဘဝမှာ တစ်ခါမှမကြုံဖူးတဲ့ ရင်ကျိုးမရတဲ့အဖြစ်ပျက်ကို ကျနော်တို့ကြုံခဲရတာပေါ့နော။ ဘယ်လိုခံစားရလည်းဆိုတော့ တော်တော်လေးကို ခံစားခဲ့ရတယ်။ ဒီနှစ်ဒီချိန်ထိပါပဲ။ ကျနော်တို့ရဲဘော်ကျသွားတယ်ဆို ကျနောသူငယ်ချင်း ကျသွားဆို တစ်နှစ်တောင် ကျော်သွားပြီ။ ဒါပေမယ့် အခုချိန်ထိပဲ သူ့ကြောင့်နဲ့ပဲ တော်လှန်ရေးဆက်လုပ်တယ်ပေါ့။ ပြီးတော့ တော်တော်လေးကို ခံစားခဲရတယ်။ ပြီးတော့ ဆက်လက်ပြောချင်တာက ဘယ်အဖွဲ့အစည်းမဆို ဘယ်ခေါင်းစဉ်အောက်ကအဖွဲ့စည်းပဲဖြစ်ဖြစ် ကျနော်တို့ရဲ့ ဒီကျသွားတဲ့ရဲဘော်တွေကို ကျဆုံးပါ၏ ဝမ်းနည်းကြောင်း စာတစ်စောင်နဲ့ပဲ မပြီးခိုင်းစေချင်ဘူး။ ခုလိုပဲ မြင်တွေ့ရတဲ့အတိုင်းပဲ ကျနော်တို့ ကျသွားတဲ့ ရဲဘော်ဆိုရင် ဒီအုတ်ဂူလေးတော်မလုပ်ပေးနိုင်ဘူးပေါ့။ ပြီးတော့ သူတို့ရဲမိဘတွေရဲ့ အခြေနေကိုလည်း လိုက်ပြီးတော့မကြည့်ပေးဘူး။ မကြည့်ပေးနိုင်ဘူးပေါ့။ ကျနော်တို့တောင်းဆိုချင်တာကတော့ ဒီအုတ်ဂူလေး နည်းနည်းပြန်လုပ်ခိုင်းစေချင်တယ်။ ပြီးတော့ မိဘတွေရဲ့အခြေနေကိုလည်း ကြည့်ခိုင်းစေချင်တယ်။

ဒေါ်နန်းအိ

သူတို့က ပညာတတ်တွေလည်း ပါတော့ တူလေးက ပညာတတ်လည်းဖြစ်တယ်။ အရွယ်လည်းငယ်သေးတယ်။ နောက်ပြီးတော့ အဲလိုစောစောစီးစီး ထွက်သွားတော့ မခံစားနိုင်ဘူးပေါ့ ပြောရမယ်ဆိုတော့။ ဒါပေမယ့် တိုင်းပြည်နဲ့ လူမျိုးအတွက် အသက်ပေးရတဲ့တွက် သူတို့ ဝမ်းနည်းတဲ့ကြားကနေ ဂုဏ်ယူပေးပါတယ် သူတို့တွက်။
ဒီသူတို့ ကျဆုံးသွားတဲ့အပေါ်မှာ အကျိုးမဲ့တော့ မဖြစ်စေရဘူးပေါ့နော။ လက်ရှိကျန်တဲ့ကျန်မ အခုလက်ရှိ တူလေးသုံးယောက်လုံး ကျသွားပြီ။ အမျိုးသားလည်း ဒီတော်လှန်ရေးမှာ ရှိသေးတယ်။ သားလည်းတော်လှန်ရေးမှာ ရှိသေးတယ်။ အဆုံးထိတော့ ဝင်သွားမယ်။ တော်လှန်သွားမယ်ပေါ့နော။ အရေးတော်ပုံ မအောင်မချင်းပေါ့။

မောင်ဇားကမိုဂျိမ်း

ကိုယ့်အကျိုးတွက် လုပ်နေတာမဟုတ်ပဲနဲ့ အများသော ပြည်သူ ငြိမ်းချမ်းရေး ရအောင် ကိုယ်ပိုင်လွတ်လပ်ခွင့်ရရှိရေးအတွက် သူတို့အသက်ကို စတေးပြီးတော့မှ ပေးဆပ်သွားခဲ့တဲ့ လူတွေပေ့ါနော။ အဲဒါကို ကျနော်တစ်ယောက်အနေနဲ့တော့ အမြဲတမ်း အစဉ်အမြဲ ထာဝရပေါ့နော ရင်ထဲအသဲထဲထိကို ကျနော်အစဉ်မြဲလေးစားတယ်။ ဂုဏ်ယူတယ်။

ဂျူးအောင်

အရိုးသားဆုံးပြောရရင်တော့ အရင်းနှီးဆုံး သူစိမ်းတွေလို့ ပြောရမှာပေါ့။ အဲ့ဒါသူတို့ကျသွားတော့လည်း သူတို့တွက် စိတ်မကောင်းဘူး။ ဒါပေမယ့် စိတ်မကောင်းဖြစ်ပေမဲ့လည်း ကျနော်တို့ ဒီလုပ်စရာရှိတဲ့ အလုပ်ကိုတော့ ဆက်လုပ်ရမှာပဲ။ ဆက်တိုက်ရမှာပဲ။ ကျနော်တော့ တွေဝေတယ်လို့မဖြစ်ဘူး ဒီချိန်မှာ စစ်ကောင်စီကို ကျနော်တို့က အမြစ်ဖြတ်ချေမှုန်းရမှာပဲ။ ဒီတော်လှန်ရေးကိုကြတော့ ဘယ်လိုပြောရမလဲ တကယ်လို့သာ ပြည်သူလူထုရဲ့ ပံ့ပို့မူသာအားကောင်း နေမယ်ဆိုတော့ ကျနော်တို့ ဒီတော်လှန်ရေးက အမြန်ဆုံးပြီးမြောက်မှာပါလို့ ။ တကယ်လို့ ဒီပြည်သူလူထုကလည်း တော်လှန်ရေးအားရုံမစိုက်ဘူး ရင်ပေါ်ဆီတွေကလည်း များနေမယ်ဆို ဒီတော်လှန်ရေးဟာ ကျိန်းသေပေါက် ဆက်ပြီးတော့ ကြာသွားနိုင်ပါတယ်။ နှစ်နဲ့ချီပြီး ကြာသွားနိုင်ပါတယ်။

ချားကနေဒီ

ဒီရဲဘော်တွေကျတဲ့ဟာခါကြတော့ ပထမဆုံးအနေနဲ့တော့ ကျနော်ကဝမ်းနည်းတယ်။ ပူဆွေးတယ်။ ဘာဖြစ်လည်းဆိုရင် သူတို့က ကျနော်တို့ရဲ့ ဒုတိယမိသားစုဖြစ်တယ်။ ကျနော်တို့ ရဲဘော်ရဲ့ ဒုတိယမိသားစုပေါ့။ ဒါပေမယ့် ကျနော်တို့က ဒီလုပ်စရာရှိရင် ဆက်လုပ်ရမှာပဲ။ ဒီအာဏာရှင်ကို ကျနော်တို့ ဆက်တော်လှန်ရမှာပဲ။

ကျနော်တို့က ခုချိန်မှာ သူတို့ထက် အင်အား လူအင်အားက ကျနော်တို့ထက် လူအင်အားက ကျနော်တို့ပိုသာတယ်။ စိတ်ဓါတ်လည်း ကျနော်တို့ ပိုသာတယ်။ နောက်ပြီးမှ ဒီပြည်သူတွေက ထောက်ပံ့ချက်မှာ လောလောဆယ် ခုချိန်မှာပေါ့နော နည်းနည်းတော့ ပိုဆုတ်ရုတ်သွားတယ်။ ဘာဖြစ်လည်းဆို ကျနော်တို့ ကရင်နီပြည်နယ်မှာက အဖွဲ့စည်းတွေက ပိုများတယ်။ အဓိက ကျနော်တို့ ပိုဒီစည်းလုံးဖို့ လိုအပ်မယ် ထင်တာပဲ။ လိုအပ်မယ် နောက်ပြီး ကျနော်တို့တစ်စုတစ်စည်းထဲပိုဖြစ်ရမယ်။ အဖွဲ့အစည်းတွေက ဒါမှ ဒီအာဏာရှင်တွေကို တိုက်ထုတ်တာ ပိုမြန်မယ်။

spot_imgspot_imgspot_imgspot_img

More from the blog

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...

ဒီးမော့ဆိုအနောက်ခြမ်း စစ်ရှောင်စာသင်ကျောင်းတစ်ခုရဲ့ ကျောင်းဆင်းပွဲ

ကန္တာရဝတီတိုင်း(မ်) ဒီဇင်ဘာလ ၅ရက်နေ့က ဒီးမော့ဆိုအနောက်ဘက်ခြမ်း စစ်ရှောင်ကျောင်းတစ်ကျောင်းမှာ ကျောင်းဆင်းပွဲအခမ်းအနားပြုလုပ်ခဲ့ပါတယ်။ အဲဒီအခမ်းအနားကို ကျောင်းသူ၊ကျောင်းသားတွေ ၊ ကျောင်းသားမိဘတွေနဲ့ ကျောင်သားသမဂ္ဂအဖွဲ့ဝင်တွေ တက်ရောက်ခဲ့ပါတယ်။ အခုလိုကျောင်းဆင်းပွဲ အခမ်းအနားကျင်းပ‌ခွင့်ရတဲ့အတွက် ဝမ်းသာပီတိဖြစ်တဲ့အကြောင်းကို ဆရာမတစ်ဦးက အခုလိုပြောပါတယ်။ "ကျောင်းဆင်းပွဲဆိုကျွန်မ လုံးဝမမျှော်လင့်ဘူး။ အရင်နှစ်ကျမတို့လုပ်တာမိဘ( ၁၀ )ယောက်တောင်မလာဖူးပါဘူး။ ဒီတစ်နှစ်ကျတော့ ကျမဘယ်လိုမှ ပြောမပြနိုင်တဲ့ပီတိကို ကျမခံစားရပါတယ်။ မိဘတွေအများကြီးတက်ရောက်လာတယ်...

တနီးလာလဲ ကျေးရွာရဲ့ လာတုံခူ ခေါ် ရိုးရာကြက်ရိုးထိုး ပူဇော်ပွဲ

ကေးဒူ (ကန္တာရဝတီ တိုင်း(မ်)) ကရင်နီပြည် ဒီးမော့ဆိုမြို့ အရှေ့ဘက် တနီးလာလဲကျေးရွာမှာ မနေ့က ဒီဇင်ဘာလ ၄ ရက်နေ့တွင် ကယားရိုးရာ (လာတုံခူ) နတ်ပူဇော်ပွဲ ကျင်းပ ပြုလုပ်ခဲ့ပါတယ်။ နတ်ပူဇော်ပွဲ ကျင်းပ ပြုလုပ်ခဲ့တဲ့နေရာဟာ တနီးလာလဲကျေးရွာဆိုတဲ့အမည် စတင်ပေါ်ပေါက်လာခဲ့တဲ့နေရာ ဖြစ်ပြီး ဒီဇင်ဘာလ ရောက်တိုင်း တစ်နှစ်ကိုတစ်ကြိမ် ကြက်ဖြူတစ်ကောင်နဲ့...

ပျက်စီးသွားတဲ့ ပန်းပု အိမ်မက်

ကန္တာရဝတီတိုင်း(မ်) ဒီးမော့ဆိုမြို့နယ် ငူးပလော့ရပ်ကွက်မှာနေထိုင်တဲ့ အသက် ၂၈ နှစ်အရွယ် ဒေါမိနစ်က အများနဲ့မတူပဲ ပန်းပုပညာကို ထူးထူးခြားခြား စိတ်၀င်စားရူးသွပ်နေသူတစ်ယောက်ပါ။ သူက အသက် ၁၈နှစ်အရွယ်လောက်မှာ ပန်းပုစထုခဲ့ပြီး ပန်းပုပညာကို သီးသန့်သင်ကြားခဲ့တာရယ်လို့မရှိခဲ့ဘူး။ ကိုယ်တိုင်ပန်းပုထုရင်း ထုရင်းနဲ့ပဲ အလုပ်က လူကိုသင်သွားတယ်ဆိုတဲ့အတိုင်း အချိန်တွေကြာလာတာနဲ့ ဒေါမိနစ်ကလည်း ပန်းပုထုကျွမ်းကျင်လာ လက်ရာသေသပ်လှလာခဲ့တာ လို့သူကပြောပါတယ်။ "ပန်းပုထုတာကတော့ အာရုံထဲမှာတော့ရှိနေ။...