spot_img
Thursday, February 9, 2023
spot_img

ကျောင်းသူ/ သား (၁၀၀) ဦးခေါ်ယူ ဖွင့်လှစ်သွားမယ့် ဖယ်ဒရယ်သူနာပြုတက္ကသိုလ်

spot_imgspot_imgspot_imgspot_img
ဓါတ်ပုံ – Karenni Nurses Association

ကန္တာရဝတီတိုင်း(မ်)

၂၀၂၂-၂၃ ခုနှစ်မှာ စတင်ဖွင့်လှစ်သွားမယ့် ဖယ်ဒရယ်သူနာပြုတက္ကသိုလ် (Federal Nursing University of Karenni) ဟာဆိုရင် ကျောင်းသူ/သား ၁၀၀ ဦး ကို ခေါ်ယူသွားမှာဖြစ်ပြီး ကရင်နီပြည်တွင်း က စစ်ရှောင်လူငယ်တွေကို ဦးစားပေး ခေါ်ယူသွားမယ်လို့ Karenni Nurses Association (KNA) တာဝန်ရှိသူဆရာမတစ်ဦးက ပြောပါတယ်။

“ ကျမတို့ ဒီကရင်နီပြည်နယ်အတွင်းမှာမှ စစ်ဘေးရှောင်နေတဲ့ ကလေးတွေ ပညာရေးလမ်းကြောင်း ရပ်တန့်သွားတဲ့ ကလေးတွေကို ဦးစားပေးအနေနဲ့ ကျမတို့ခေါ်မှာပါ။ ပြီးလို့ရှိရင် ကရင်နီပြည်နယ်အတွင်းမှာမှ မြို့ပေါ်က လူတွေက ဒုတိယ ဦးစားပေးဖြစ်မှာပေါ့။ ဒါပေမယ့် ကျမတို့ ကန့်သတ်ထားတဲ့ ဝင်ခွင့်စာမေးပွဲ အောင်ဖို့ လိုတယ်ပေါ့နော။ ပညာအရည်အချင်းက မကန့်သတ်ထားဘူးဆိုပေမယ့် ဝင်ခွင့် စာမေးပွဲမှာတော့ စစ်ဆေးသွားမှာပေါ့ “ လို့ (KNA) တာဝန်ရှိသူဆရာမတစ်ဦးက ပြောပါတယ်။

ကရင်နီပြည်အတွင်းက အသက် ၁၇နှစ်ကနေ ၃၅ နှစ်အတွင်း လူငယ် (ကျား၊ မ ) တွေ ဝင်ခွင့်လျှောက်နိုင်ပြီး ဇူလိုင်လ ၂၅ရက်နေ့ ကနေ ဩဂုတ်လ ၁၅ ရက်နေ့အတွင်း ဝင်ခွင့် လျောက်ထားရမှာ ဖြစ်ပါတယ်။

Karenni Nurses Association (KNA) ကနေပြီးတော့ ပြင်ပ nurse ၊ NUG ကျန်းမာရေးဝန်ကြီးဌာန (MOH) နဲ့ ကရင်နီပြည်အတိုင်ပင်ခံကောင်စီ (KSCC) တို့နဲ့ ပူးပေါင်း ချိတ်ဆက်တာတွေ ရှိတယ်လို့ သိရပါတယ်။

“ ပြင်ပက nurseတွေနဲ့ ချိတ်ဆက်ပြီးတော့မှ အခု curriculum(သင်ရိုးညွှန်းတမ်း) အသစ်တွေ ရေးဆွဲနေကြတယ်။ ပြည်တွင်းက volunteer လုပ်ပေးမယ့် စာသင်ပေးမယ့် ဆရာ၊ ဆရာမ တော့ လောလောဆယ် ခန့်မှန်းခြေကတော့ ၆ဦးပေါ့နော။ “ လို့ (KNA) တာဝန်ရှိသူတစ်ဦးက ပြောပါတယ်။

တက္ကသိုလ် ၄နှစ် တက်ရောက်ရမှာ ဖြစ်ပြီး နိုင်ငံတကာအသိအမှတ်ပြု သူနာပြုဘွဲ့ကို ရရှိမှာဖြစ်ပါတယ်။ ကျောင်းပြီးရင်တော့ ကရင်နီပြည်တွင်းက ကျန်းမာရေး ပြုစုစောင့်ရှောက်မှု လိုအပ်တဲ့ နေရာတွေမှာ အနည်းဆုံး ၂နှစ် ပြန်လည် တာဝန်ထမ်းဆောင် ရမှာဖြစ်ပါတယ်။

လက်ရှိမှာဆိုရင် တိုက်ပွဲ ဖြစ်ပွားနေတဲ့ ကာလဖြစ်တဲ့အတွက် အခက်ခဲ စိန်ခေါ်မှုတွေလည်း ရှိတယ်လို့ ဆိုပါတယ်။ စစ်ဒဏ်ကြောင့် စစ်ရှောင်နေရတဲ့သူတွေ ပညာရေးလမ်းကြောင်း ရပ်တန့်နေတဲ့လူငယ်တွေ ပညာသင်ကြားခွင့်ရရှိအောင်၊ လူထုရဲ့ ကျန်းမာရေး စောင့်ရှောက်မှု ပိုပြီး မြှင့်တက်လာဖို့အတွက် ရည်ရွယ်ပြီး ဖွင့်လှစ်ရခြင်း ဖြစ်တယ်လို့ တာဝန်ရှိသူက ပြောပါတယ်။

Karenni Nurses Association (KNA) ကရင်နီပြည်တွင်းက CDMသူနာပြုတွေနဲ့ ဖွဲ့စည်းထားတဲ့ ကျန်းမာရေးအဖွဲ့ ဖြစ်ပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...