spot_img
Monday, August 8, 2022
spot_img

ဂရုဏာဆေးခန်းမှ ဖမ်းဆီးခံရသူအားလုံး ပြန်လည်လွှတ်မြောက်

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ်၊ လွိုင်ကော်မြို့ နောင်ယားရပ်ကွက်ရှိ ခရစ္စတူးဘုရင်ဘုရားကျောင်းဝန်းအတွင်း ဖွင့်လှစ်ထားတဲ့ ဂရုဏာဆေးခန်းမှာ တာဝန်ထမ်းဆောင်လျက်ရှိတဲ့ ဆရာဝန်၊ သူနာပြု၊ စေတနာ့ဝန်ထမ်း စုစုပေါင်း ၁၈ဦး ယမန်နေ့မှာ စစ်ကောင်စီတပ်ရဲ့ ဝင်ရောက်ဖမ်းဆီးခြင်းခံလိုက်ရပြီး ဒီကနေ့ ည ၆နာရီကျော်မှာ ပြန်လည်လွှတ်မြောက်လာတယ်လို့ ဆေးခန်းတဲ့နီးစပ်သူတစ်ဦးက ပြောပါတယ်။

“ ဟုတ်တယ် ဆရာဝန် လေးဦးနဲ့ သူနာပြုဆရာမကြီးတွေ အကုန်လုံး ပြန်လွှတ်လာပြီ ၆နာရီကျော်ကျော်မှာအားလုံးပြန်ရောက်ကြတယ်။ သူတို့ကို မိခင်နဲ့ကလေးစောင့်ရှောက်ရေးဌာနမှာပဲ မနေ့ကတစ်နေကုန်လုံးရယ် ဒီရက်တစ်နေကုန်လုံးပေါ့ အဲမှာပဲရှိတယ် အဲ့မှာပဲ မေးမြန်းတာပေါ့။ ဘုန်းကြီးတော်တစ်ပါးနဲ့ စစ်စတာ ၂ပါးကတော့ အဖော်အဖြစ်လိုက်သွားတာလေ။ ဆရာဝန်တွေ သူနာပြုတွေကို ဒီအတိုင်းလွှတ်လိုက်လို့မဖြစ်ဘူးလေ။ ကိုယ်တိုင်ကိုယ်ကျလိုက်သွားတာပေါ့။” လို့ သူက ပြောပါတယ်။

ယမန်နေ့က ကျောင်းဝန်းအတွင်းကို ရဲ၊ စစ်သား ပူးပေါင်းတဲ့ စစ်ကောင်စီတပ် အင်အား ၂၀၀ဝန်းကျင် ဝင်ရောက်ရှာဖွေ စစ်ဆေးခဲ့ပြီးနောက် ဆရာဝန် ၄ယောက်၊ သူနာပြု၊ စေတနာ့ဝန်ထမ်း စုစုပေါင်း ၁၈ဦးကို စစ်ဆေးမေးမြန်းဖို့ ခေါ်ဆောင်သွားခဲ့ပြီး ဆေးခန်းမှာရှိတဲ့ အတွင်းလူနာတွေကို ပြည်သူ့ဆေးရုံကြီးနဲ့ စစ်ဆေးရုံကို ပို့ဆောင်ခဲ့ပြီးနောက် ဂရုဏာဆေးခန်းကိုလည်းပိတ်သိမ်းခဲ့တာဖြစ်ပါတယ်။

ကျောင်းတိုက်ဘုန်းတော်ကြီးနဲ့ သီလရှင်အကြီးပိုင်းတို့ အပြင် တိုင်ရင်းသားလက်နက်ကိုင်အဖွဲ့အစည်းတချို့ က စစ်ကောင်စီ တာဝန်ရှိသူတွေနဲ့ သွားရောက်ဆွေးနွေးခဲ့ရတယ်လို့ သိရပါတယ်။

လွိုင်ကော်ကတ်သလစ်သာသနာမှ ကြီးမှူးဖွင့်လှစ်ထားတဲ့ ဂရုဏာဆေးခန်းဟာ ၂၃နှစ်တိုင်အောင် ဖွင့်လှစ်လျက်ရှိပြီး ရဟန်း၊ သီလရှင်၊ သံဃာများအလွယ်တကူဆေးကုသမှုခံယူနိုင်ရန်၊ လူမျိုးဘာသာမရွေး ရပ်နီးရပ်ဝေးလူနာတွေကို ကျန်းမာရေးစောင့်ရှောက်မှုခံယူနိုင်ရန် စတဲ့ ရည်ရွယ်ချက်နဲ့ ဖွင့်လှစ်ထားပြီး သက်သာတဲ့ဈေးနှုန်းဝန်ဆောင်မှုနဲ့ လူနာတွေကို ကုသပေးနေတယ်လို့ သိရပါတယ်။

လက်ရှိမှာတော့ ဆေးခန်းခေတ္တပိတ်ထားရပြီး ငွေကြေးမတတ်နိုင်တဲ့ ဒေသခံအများစု အားကိုးရတဲ့ ဆေးခန်းဖြစ်တဲ့အတွက် ဆေးခန်းပြန်လည်ဖွင့်နိုင်ဖို့အတွက် ကြိုးစားဆောင်ရွက်သွားမယ်လို့ သိရပါတယ်။

spot_imgspot_imgspot_imgspot_img

More from the blog

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...

စစ်အာဏာရှင် အမြစ်ပြတ်ချေမှုန်းရေးအတွက် မဟာမိတ်အဖွဲ့နဲ့ ပူးပေါင်းဆောင်ရွက်သွားမယ်လို့ KNYO ထုတ်ပြန်

ကန္တာရဝတီတိုင်း( မ် ) စစ်အာဏာရှင် အမြစ်ပြတ်ချေမှုန်းရေး၊ အာဏာရှင်ဟူသမျှချုပ်ငြိမ်းရေးနဲ့ ဖယ်ဒရယ်ဒီမိုကရေစီတည်ဆောက်ရာမှာ အခြားသော တိုင်းရင်းသားအဖွဲ့တွေ၊ မဟာမိတ်တွေ၊ နိုင်ငံရေးပါတီတွေနဲ့ ပူးပေါင်းဆောင်ရွက်သွားမယ်လို့ ကရင်နီအမျိုးသားလူငယ်အစည်းအရုံး(KNYO)မှ ဗဟိုအလုပ်အမှုဆောင် ကော်မတီဝင်တစ်ဦးက ပြောပါတယ်။ “ကျနော်တို့ ပူးပေါင်းဆောင်ရွက်မှုတွေ လုပ်နေတာတော့ရှိပါတယ်။ ပြည်တွင်းမှာရှိတဲ့ မဟာမိတ်တွေနဲ့ နောက်ပြီးတော့ ဒီစစ်အာဏာရှင်ကို တွန်းလှန်ကြတဲ့ ပြည်သူတွေအနေနဲ့ကော ကျနော်တို့...

စစ်ကြောင်းထိုးလာတဲ့ စစ်ကောင်စီတပ် ဘက်တလိန်ကျေးရွာမှာ ကြားဖြတ်တိုက်ခိုက်ခံရ

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ကနေ စစ်ကြောင်းထိုးလာပြီး တပ်စွဲထားတဲ့ စစ်ကောင်စီတပ်ကို ကရင်နီဒေသခံကာကွယ်ရေးပူးပေါင်းတပ်ဖွဲ့တို့က ဒီးမော့ဆိုမြို့ ဘက်တလိန်ကျေးရွာမှာ ကြားဖြတ်တိုက်ခိုက်ခဲ့တယ်လို့ ကရင်နီတပ်မတော် ( KA ) ဒီးမော့ဆိုမြို့ တာဝန်ရှိသူ တစ်ဦးက ပြောပါတယ်။ ယမန်နေ့ ဩဂုတ်လ ၇ရက်နေ့ မနက် ၁၀နာရီဝန်းကျင်အချိန်မှာ တိုက်ပွဲဖြစ်ပွားခဲ့တာဖြစ်ပြီး...

ဒီးမော့ဆိုအရှေ့ခြမ်းမှာ တောင်သူေတွ စိုက်ပျိုးထားတဲ့ စပါးခင်း ပိုးကျ

ကန္တာရဝတီတိုင်း(မ်) ယခုနှစ်စိုက်ပျိုးရာသီမှာ စပါးကို အခြောက်စိုက်စနစ်နဲ့ စိုက်ပျိုးထားတဲ့ ဒီးမော့ဆိုအရှေ့ဖက်ခြမ်း ထီးဖိုးကလိုးကျေးရွာအုပ်စု၊ ဒေါ်ကလော်ဒူကျေးရွာအုပ်စုတွေက တောင်သူတွေရဲ့ စပါးခင်းတွေမှာ ပိုးကျတာတွေ ကြုံတွေ့နေရတယ်လို့ ဒေသခံတောင်သူတွေဆီကနေ သိရပါတယ်။ “ စိုက်ပျိုးထားပြီးတဲ့ စပါးတွေဆိုရင်လည်း ကျနော်တို့ ဒီအချိန်မှာ ပိုးတွေလိုက်နေတယ်။ ရောဂါတွေကျနေတဲ့အချိန်ကျတော့ ကျနော်တို့ တောင်သူတွေအတွက် ကျနော်တို့ ဝမ်းစာအတွက် ကျနော်တို့...