spot_img
Monday, November 28, 2022
spot_img

စကစ ရဲ့ နေ့စဉ် လက်နက်ကြီးပစ်ခတ်မှုအပေါ် ဒေသခံတို့ရဲ့ စိုးရိမ်ချက်

spot_imgspot_imgspot_imgspot_img

ကန္တာရဝတီတိုင်း(မ်)

စစ်ကောင်စီကပစ်ခတ်လိုက်တဲ့ လက်နက်ကြီးတွေက စစ်ရှောင်စခန်းနဲ့ ကျေးရွာထဲ မကြာခဏ ကျရောက်မှုရှိပြီး လူသေဆုံးမှု၊ ထိခိုက်ဒဏ်ရာရမှု၊ နေအိမ်ပျက်စီးဆုံးရှုံးမှုတွေရှိနေပါတယ်။ နေထိုင်တဲ့အနီး လက်နက်ကြီးကျရောက်နေမှုအပေါ် ဒေသခံတွေ ဘယ်လိုစိုးရိမ်ပူပန်နေမှုတွေရှိပါသလဲ။

စစ်ရှောင်အမျိုးသမီးတစ်ဦး

“ကြောက်တာတော့ကြောက်တယ် ဒါပေမယ့် ပြေးဖို့ဆိုလည်းမပြေးနိုင်တော့ဘူး။ ဒါကြောင့်မလို့ ဘယ်မှာပဲပြေးပြေး လက်နက်ကြီးကကျတာပဲကော။ ဒါကြောင့်မလို့ ကံတရားပဲလို့ ဒီဟာနဲ့သေကံပါရင် ပြောလည်း ကံတရားပဲဆိုပြီးတော့မှ ဘယ်မှမသွားတော့ဘဲ ဒီမှာနီးနီးကျတယ် ဒါပေမယ့် ဘယ်မှမပြေးတော့ဘူး ဒီမှာပဲဆက်နေတယ် အဲ့မျိုးပေါ့နော။”

ကျေးရွာဒေသခံအမျိုးသားတစ်ဦး

“နှစ်ခါမကတော့ဘူး သုံးခါ လေးခါလောက်ရှိပြီ။ ဆိုတော့ ကျနော်တို့စိုးရိမ်မှုက ဘယ်လိုမှမပြောတတ်တော့ဘူး။ အတိုင်းထက်အလွန် တကယ်ကြောက်ရတယ် စိုးရိမ်ရတယ်။ ဘာဖြစ်လို့လဲဆိုရင် ကျနော်တို့ရွာထဲမှာနေဖို့တောင်မှ သိပ်မနေရဲတော့ဘူးပေါ့နော။ အထူးသဖြင့် ကလေး၊ မိန်းမ ပြီးတော့မှ မသွားမလာနိုင်တဲ့ အဖိုးအဖွားတွေပေါ့နော။ တအားစိုးရိမ်ရတယ် ကျနော်တို့။ ရွာထဲမှာ အဲ့လိုမျိုး ကျတဲ့အချိန်မှာ သက်ကြီးရွယ်အိုအနေနဲ့ပေါ့နော တော်တော်လန့်ဖြန့်တဲ့ အခြေအနေမျိုးရှိတော့ တစ်ခါတစ်လေ ရှယ်ဖျားတဲ့အနေအထားမှာရှိတယ်။ နောက်ပြီးတော့ ဒီလိုမျိုး ရွာထဲမှာကျတော့ နင်းခါနင်းခါကျတော့ အဝေးကနေ ကျတဲ့ ဗုံးသံ၊ သေနတ်သံတောင်မှ ကျနော်တို့သွေးက ပုံမှန်သွေးမဟုတ်တော့ဘူး။ လန့်တဲ့သွေးမျိုးဖြစ်နေပြီ။ ဆိုတော့ စိုးရိမ်မှုဆိုတဲ့ဟာ တစ်ရွာလုံးပေါ့နော စိုးရိမ်ရတယ်။”

စစ်ရှောင်အမျိုးသမီးတစ်ဦး

“အသံတွေစလာတယ် လာတဲ့အချိန် ဝူး….ဆိုပြီးတော့လေ ဘာသံလဲဆိုပြီးတော့ ထွက်ကြည့်တာပေါ့နော။ ဒုန်း..ဆို ကိုယ့်တဲဘေးမှာကျလာတော့ ငါ့သမီးကော ငါ့သားကော အဲ့ချိန်ဆို ပြာယာတွေခတ် ငါ့ကလေးကော ဆိုပြီးတော့ လိုက်ရှာတယ် ကလေးတွေ့ပြီဆိုတာနဲ့ ကလေးတွေကိုချီ ပြေးလာပြီ ဂူထဲမှာ။ တအောင့်နေတော့ ထပ်ကြားရ ဂူထဲမှာပုန်းနေတယ် အသံတောင်မထွက်ရဲဘူးလေ။ အဲ့ဒီအချိန် ဘယ်လောက်ထိကြောက်ရလဲဆိုရင် ကိုယ့်ကိုယ်ကို သေများသေနေပြီလားပေါ့နော။ ကိုယ့်ကလေးကိုကြည့်တယ်ဆိုရင်လည်း အေပေါ့ သူတို့ခမျာလည်း ကြောက်ကြောက်နဲ့ ငိုတယ်။ သူတို့လည်း ငို ကိုယ်လည်းငိုချင်တယ်ပေါ့နော။ ကိုယ်လည်းပင်ပန်းတယ် သူတို့ကိုကြည့်တာ။”

ကျေးရွာဒေသခံအမျိုးသားတစ်ဦး

“အကြောင်းမဲ့တိုက်ခိုက်တာလို့ ပြောလို့ရတယ်ပေါ့နော။ တကယ်တမ်းလက်နက်ကြီးကျတယ်ဆိုတာ စစ်မြေပြင် ပစ်ကွင်းမှာပဲပစ်ရမှာပေါ့။ အခုဟာက ပြည်သူနေတဲ့နေရာကို သက်သက်မဲ့အကြောင်းမဲ့ ရက်ရက်စက်စက် ပစ်ချတာ လုပ်ခံရခါကျတော့ ကျနော်တို့ ပြည်သူတွေအနေနဲ့ အင်မတန်မှခံပြင်းတယ်လို့ပြောချင်တယ်။ အမှန်တရားတိုက်ခိုက်မှုလို့လည်း ကျနော်တို့မဆိုလိုနိုင်ဘူးပေါ့။ ရက်စက်ယုတ်မာတဲ့ရက်စက်မှုမျိုးလို့ အဲ့လိုပြောချင်ပါတယ်။ ဘယ်သူမဆို စိတ်ဒဏ်ရာရတာပေါ့ ဘယ်လိုပြောမလဲ ဒေသခံတွေက အများအားဖြင့် အသံကြားတာနဲ့ စိတ်ဒဏ်ရာတို့ တချို့ နှလုံးရောဂါတို့ဖြစ်နိုင်ခြေ ဖြစ်တာများတာပေါ့ ဒီဒဏ်ကိုမခံနိုင်ကြဘူးပေါ့။ အထူးသဖြင့် ဒီသန်းခေါင်အချိန် လက်နက်ကြီးကျတာက ပိုပြီးစိုးရိမ်ရတာပေါ့။ ဘာလို့လဲဆိုရင်တော့ ဒီအချိန်မှာ လူတွေက အိပ်ပျော်နေတဲ့အချိန် အိပ်မောကျနေတဲ့အချိန်ဆိုတော့ အင်မတန်မှစိုးရိမ်ရပါတယ်။”

spot_imgspot_imgspot_imgspot_img

More from the blog

စစ်ရှောင်မိသားစုတစ်ခုရဲ့ မနက်စာ

မနက် ၅နာရီခွဲအချိန်မှာ စစ်ရှောင် အိမ်ရဲ့ မီးဖိုချောင်ထဲ ဒေါ်ဂျူးလိယက်ဟာ မိသားစု မနက်စာအတွက် စတင်ချက်ပြုတ်နေတာဖြစ်ပါတယ်။ ဒေါ်ဂျူးလိယက်ကတော့ မနက်စာအတွက် တခြားသူတွေ မျှဝေထားတဲ့ ကျောက်ဖရုံသီးကို ချက်ပြီး သိမ်းထားတဲ့ မုန်ညင်းချဉ်ခြောက်ကို အထောင်းလုပ်ပြီး မနက်စာအတွက် ပြင်ဆင်နေတာဖြစ်ပါတယ်။ သူတို့ဟာ ဒီးမော့ဆိုအနောက်ဖက်ခြမ်း စစ်ရှောင်စခန်း တစ်နေရာမှာ မိသားစု ၅ယောက်နေထိုင်ကြတာဖြစ်ပါတယ်။ စစ်ရှောင်တွေဟာ...

ကယန်းနှစ်သစ်ကူးပွဲကို ကြိုဆိုတဲ့အနေနဲ့ ကျေးရွာတချို့မှာ စစ်ရှောင်တွေနဲ့အတူ ပြိုင်ပွဲတွေ ကျင်းပပြုလုပ်

ကန္တာရဝတီတိုင်း( မ် ) နိုဝင်ဘာလ ( ၂၃ ) ရက်နေ့မှာ ကျရောက်မယ့် ၂၇၆၂ခုနှစ် ကယန်းနှစ်သစ်ကူးနေ့ အကြိုပွဲအနေနဲ့ ကျေးရွာဒေသတချို့မှာ ဆိုရင် စစ်ရှောင်တွေနဲ့အတူ ပြိုင်ပွဲတွေ ကျင်းပ ပြုလုပ်ခဲ့ကြပါတယ်။ ဖယ်ခုံမြို့ ကိုယ်ထူကိုယ်ထကျောင်းတစ်ကျောင်းမှာ ကလေးငယ်တွေအတွက် ပန်းချီ၊ ကဗျာ၊ စာစီစာကုံး၊ စာဖတ်ပြိုင်ပွဲ နဲ့...

စစ်ကောင်စီရွေးကောက်ပွဲလုပ်ဖို့ ပြင်ဆင်နေတဲ့အပေါ် ကရင်နီလူထုတွေရဲ့ ပြောဆိုချက်

လာမယ့် ၂၀၂၃ခုနှစ်မှာဆိုရင် အာဏာသိမ်းစစ်ကောင်စီကနေ ရွေးကောက်ပွဲ လုပ်ဖို့အတွက် ပြင်ဆင်နေတဲ့အပေါ်မှာ ကရင်နီပြည်တွင်း ပြည်သူလူထုတချို့ရဲ့ သဘောထားအမြင်ဘယ်လိုရှိနေလဲ ဆိုတာနဲ့ ပတ်သက်ပြီး မေးမြန်းထားတာဖြစ်ပါတယ်။ CDM ပညာရေးဝန်ထမ်းတစ်ဦး “ ကျမသဘောထားနဲ့ အမြင်ကတော့ပေါ့နော သူတို့ကို ယုံကြည်မှုမရှိနိုင်သေးဘူး။ ဘာလို့လည်းဆိုရင် ၂၀၂၀ ရွေးကောက်ပွဲတုန်းကတောင်မှ ပွင့်လင်းမြင်သာမှုရှိအောင်နဲ့ လူတိုင်းလက်ခံနိုင်အောင် လုပ်ထားခဲ့တဲ့ ရွေးကောက်ပွဲတောင်...

စစ်ရှောင်စခန်း (၆)ခု စုပေါင်းပြီး ပြုလုပ်ခဲ့ကြတဲ့ ကမ္ဘာကလေး များနေ့ အခမ်းအနား

ကန္တာရဝတီတိုင်း(မ်) ဒီးမော့ဆို အနောက်ဖက်ခြမ်းစစ်ရှောင်စခန်း (၆)ခု စုပေါင်းကြပြီး နိုဝင်ဘာလ ၂၀ရက်နေ့မှာ ကျရောက်မယ့် ကမ္ဘာ့ကလေးသူငယ်များနေ့ အခမ်းအနားကို စုပေါင်းပြီး ကျင်းပခဲ့ကြပါတယ်။ အခမ်းအနားကို ကလေးသူငယ်တွေ၊ မိဘတွေ ပါဝင်တက်ရောက်ခဲ့ကြပါတယ်။ အခုလို ကျင်းပပြုလုပ်ခြင်းကတော့ ကလေးသူငယ်တွေရဲ့ အခွင့်အရေးတွေကို လျစ်လျူမရှုဖို့အတွက် မိဘနဲ့ အစိုးရတွေကို အသိပေးတာလည်း ဖြစ်သလို ပြန်ပြီးတော့...