spot_img
Wednesday, November 30, 2022
spot_img

စစ်ကောင်စီတပ်စွဲခဲ့တဲ့ နေရာအတွင်း ထောင်ထားခဲ့တဲ့ မိုင်းတွေကို KNDF B-02 ရှင်းလင်း

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည် လွိုင်ကော်မြို့အတွင်းရှိ စစ်ကောင်စီတပ်မှ တစ်လခွဲခန့် တပ်စွဲခဲ့တဲ့ တောင်ကုန်းတစ်ခုမှာ ထောင်ထားတဲ့ မိုင်းတွေကို ကရင်နီအမျိုးသားများကာကွယ်ရေးတပ် KNDF B-02 က မတ်လ ၁၈ ရက်နေ့မှာ သွားရောက်ရှင်းလင်းခဲ့ပါတယ်။

” ကျနော်တို့ဘက်က စနိုက်ပါနဲ့ ပစ်ပစ်ပြီးတော့ သူတို့မနေတော့ပဲ ပြန်ဆုတ်ခွာသွားတယ်ပေါ့။ အဲ့ဒီကုန်းကို ပြန်ဆုတ်ခွာသွားပြီးတော့ အဲ့ဒီဆုတ်ခွာသွားတဲ့ကုန်းကို ကျနော်တို့ B-02 က ရဲဘော်တွေက သွားရှင်းတာပေါ့။ အဲ့ဒီကုန်းမှာ သူတို့မရှိတော့ဘူးဆိုပြီးတော့ သွားရှင်းတဲ့အပေါ်မှာ ကုန်းပေါ်တက်တဲ့အခါကျတော့ သူတို့ ထောင်ထားတဲ့ မိုင်းတွေတွေ့တာ ဒီလိုမျိုးပါပဲ။ ဒါပါပဲ။ “လို့ KNDF ဦးဆောင်ကော်မတီဝင်တစ်ဦးက ကန္တာရဝတီတိုင်း(မ်) ကို ပြောပါတယ်။

၁၆ မိုင်း ၈လုံးနဲ့ ၁၄ မိုင်း ၆လုံးကို တွေ့ရှိခဲ့ပြီး ဖော်ထုတ်ရှင်းလင်းနိုင်ခဲ့တယ်လို့ ၎င်းက ဆက်ပြောပါတယ်။

ကရင်နီပြည်မှာ စစ်ကောင်စီထောင်ထားတဲ့ မြေမြှုပ်မိုင်းကို နင်းမိပြီး အရပ်သားပြည်သူတစ်ဦး သေဆုံးခဲ့သလို ကိုယ်လက်အင်္ဂါဆုံးရှုံးသွားသူ ၅ ဦး အထိ ရှိနေတယ်လို့ ကရင်နီလူ့အခွင့်အရေးအဖွဲ့ ( KnHRG) ကောက်ယူထားတဲ့ စာရင်းအရ သိရပါတယ်။

ကရင်နီပြည်မှာ ၂၀၂၁ ခုနှစ် စက်တင်ဘာလ ၂၉ ရက်နေ့က စစ်ကောင်စီ ဝင်ရောက်စီနှင်း ခဲ့တဲ့ ကျေးရွာ မှာ မြေမြှုပ်မိုင်း အလုံး ( ၃၀ ) ကို တွေ့ရှိခဲ့တယ်လို့ မြေမြှုပ်မိုင်း လေ့လာစောင့်ကြည့်ရေး မြန်မာ/ဗမာ နိုင်ငံ ရဲ့ ၂၀၂၁ ခုနှစ် အစီရင်ခံစာမှာ ဖော်ပြထားပါတယ်။

ဒါ့အပြင် မြန်မာနိုင်ငံမှာရှိတဲ့ မြို့နယ် (၉၇) ခုမှာလည်း မိုင်းပျံ့နှံ့မှုကို အတိုင်းအတာတစ်ခုအထိ ခံစားနေရပြီး အဓိကအားဖြင့် လူတွေကို ပစ်မှတ်ထားထိခိုက်စေတဲ့ မိုင်းတွေဖြစ်တယ်လို့ အစီရင်ခံစာမှာ ဖော်ပြထားပါတယ်။

ဓာတ်ပုံ – RO Man ( KNDF B- 02 )
ဓာတ်ပုံ – RO Man ( KNDF B- 02 )
ဓာတ်ပုံ – RO Man ( KNDF B- 02 )
ဓာတ်ပုံ – RO Man ( KNDF B- 02 )
spot_imgspot_imgspot_imgspot_img

More from the blog

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...

ဖရူဆိုဒေသရဲ့ ရွှေ့ပြောင်းတောင်ယာ စပါးစိုက်ပျိုးမှု ယခုနှစ် အထွက်နှုန်းတစ်ဝက်လျော့ကျ

ကန္တာရဝတီတိုင်း(မ်) ကရင်နီပြည် ဖရူဆိုမြို့မှာ နေထိုင်ကြတဲ့ လူထုတွေဟာ ရွေ့ပြောင်းတောင်ယာ စပါးစိုက်ပျိုးတာကို အဓိကထားလုပ်ကိုင်ကြပြီး ယခုနှစ်မှာဆိုရင် စိုက်ပျိုးချိန် မိုးမရွာတာ၊ အပင်မပေါက်တာ ၊ အပင်သေတာတွေ ကြောင့် စပါးအထွက်နှုန်း တစ်ဝက်လောက် လျော့ကျနေတယ်လို့ တောင်သူတွေက ဆိုကြပါတယ်။ ရွှေ့ပြောင်းတောင်ယာ ပြန်လည်လုပ်ကိုင်တာ ၂နှစ်ရှိပြီဖြစ်တဲ့ ဦးရီဖဲ ကလည်း ယခုနှစ်...

ဖရူဆိုမြို့ အဝင်အထွက် ကရင်နီပြည်အစိုးရ ယာယီပိတ်မည်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်း ဝင်ထွက်သွားလာတာတွေကို လုံးဝခွင့်မပြုဘဲ ယမန်နေ့ နိုဝင်ဘာလ ၂၈ ရက်နေ့ကစပြီး လုံခြုံရေးအရ ယာယီပိတ်လိုက်တယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနလက်အောက်ရှိ ကေးလျားမြို့နယ်အုပ်ချုပ်ရေးက ယမန်နေ့(နိုဝင်ဘာလ ၂၈ ရက်)မှာ ထုတ်ပြန်ထားပါတယ်။ “အခြေအနေကြည့်မယ်။ အကယ်၍ အခြေအနေကောင်းတယ်။ ကျနော်တို့ လူထုတွေ အိမ်ပြန်ကြည့်ဖို့အတွက်...

ဒီးမော့ဆိုအရှေ့ဖက်ခြမ်းမှာ နိုဝင်ဘာလနောက်ဆုံးပတ်အတွင်း စစ်ကောင်စီက လက်နက်ကြီးနဲ့ ပစ်ခတ်မှု ဆက်တိုက်လုပ်ဆောင်နေ

ကန္တာရဝတီတိုင်း (မ်) ကရင်နီပြည် ဒီးမော့ဆို အရှေ့ဘက်ခြမ်းရှိ ကျေးရွာတွေကို စစ်ကောင်စီရဲ့ အခြေစိုက်တပ်တွေက နိုဝင်ဘာလ ၂၃ ရက်နေ့က စတင်ပြီး လက်နက်ကြီးတွေနဲ့ နေ့ရောညပါ ဆက်တိုက် ပစ်ခတ်မှု လုပ်ဆေင် နေတယ်လို့ ဒေသခံတွေက ပြောပါတယ်။ တိုက်ပွဲဖြစ်ပွားမှုမရှိပဲ စစ်ကောင်စီက လက်နက်ကြီးတွေနဲ့ ဆက်တိုက်ပစ်ခတ်လာတဲ့အတွက် ကျေးရွာတွေထဲကျပြီး အရပ်သားထိခိုက်တာတွေ၊...