spot_img
Thursday, February 9, 2023
spot_img

စစ်ကောင်စီတပ်ရှိနေတာကြောင့် ဖရူဆိုမြို့အနီးနားက ဒေသခံတွေ နေရပ်ပြန်စိုက်ပျိုးရေးမလုပ်နိုင်

spot_imgspot_imgspot_imgspot_img

CJ( ကန္တာရဝတီတိုင်း(မ်))

ဖရူဆိုမြို့နဲ့ အနီးနားက ကျေးရွာတွေမှာ နေထိုင်တဲ့ ဒေသခံတောင်သူတွေဟာ စစ်ကောင်စီတပ်တွေရှိနေတာကြောင့် နေရပ်ပြန် စိုက်ပျိုးရေးမလုပ်နိုင်ကြဘူးလို့ သိရပါတယ်။

“တောင်ယာပြန်စိုက်တဲ့ရွာသားတွေကို စစ်သားက ဖမ်းမိဖူးတာကြောင့် တောင်ယာပြန်စိုက်လို့ အဆင်မပြေဘူး၊ စစ်သားနဲ့ တိုးမှာကြောက်တယ်၊ ပြီးတော့ မိုင်းတွေ ထောင်ထားမှာလည်းကြောက်တယ်။” လို့ ဖရူဆိုဒေသခံ အမျိုးသမီးတစ်ဦးကပြောပါတယ်။

ကောက်ပဲသီးနှံစိုက်ပျိုးမှုကိုပဲ အားထားရတဲ့ ဖရူမြို့နယ်က စစ်ရှောင်တွေဟာ နေရပ်ပြန်ပြီး တောင်ယာစိုက်ပျိုးခွင့်မရတာကြောင့် စားဝတ်နေရေးအတွက် စိုးရိမ်နေကြပါတယ်။
ဖရူဆိုမြို့နဲ့ အနီးတဝိုက်မှာ ရှိတဲ့ ကျေးရွာတွေဟာ တိုက်ပွဲတွေကြောင့် နေရာအနှံ့အပြား ပြန့်ကျဲပြီး စစ်ဘေးရှောင်နေရတာပါ။

“တအားခက်ခဲတယ်။ ဘယ်လောက်ပဲ စဉ်းစားစဉ်းစား ၊ မစဉ်းစားတတ်တော့တဲ့ အထိပဲ။ ပြန်လာတဲ့ တနေ့ကျရင် ဘာစားကြမလဲပေါ့။ တချို့ကတော့ ဒီအနီးမှာပဲ တောင်ယာလုပ်စားတာရှိတယ်၊ တစ်ချို့ကတော့ ဟိုးရွာအနီးနားမှာ ခိုးပြီး တောင်ယာပြန်လုပ်နေတာရှိတယ်။” လို့ လက်ရှိ စစ်ရှောင်စခန်းတစ်ခုမှာ နေထိုင်တဲ့ ဖရူဆိုမြို့အနီးနားကျေးရွာက တောင်သူတစ်ဦးကပြောပါတယ်။

ဖရူဆိုမြို့အတွင်းနဲ့ မြို့အဝင်အထွက်မှာ စစ်ကောင်စီအခြေစိုက်တပ်ရင်းတွေဖြစ်တဲ့ ခမရ ၄၂၈ တပ် နဲ့ ၅၃၁ တပ်တွေရှိနေတဲ့အပြင် ဖရူဆိုမြို့တွင်းမှာ သွားလာနေတဲ့ စစ်ကောင်စီတပ်သားတွေ ရှိနေတာကြောင့် တောင်ယာပြန်လုပ်လို့မရတဲ့ အနေအထားဖြစ်တယ်လို့ဆိုပါတယ်။

အချိန်မရွေးတိုက်ပွဲဖြစ်နိုင်တဲ့ အနေအထားဖြစ်တာကြောင့် ပြည်သူတွေအနေနဲ့ မလိုအပ်ဘဲခရီးသွားလာဖို့မပြုဖို့၊ အရေးကြီးကိစ္စရှိပါက သတိထားပြီးသွားလာကြဖို့ KNDF တပ်ရင်းအသီးသီးက မေတ္တာရပ်ခံထားတာရှိပါတယ်။ လတ်တလောမှာလည်း ဖရူဆိုမြို့နယ်အတွင်းမှာ မကြာခဏတိုက်ပွဲဖြစ်ပွားနေပါတယ်။

လက်ရှိဖရူဆိုမြို့နယ်မှာ စစ်ရှောင်ဦးရေ ၄၀၀၀ ကျော်ရှိပြီး အလှူရှင်တွေက လာရောက်ပေးလှူတဲ့ ဆန်၊ ရိက္ခာခြောက်၊ အသုံးအဆောင်ပစ္စည်းကိုပဲ အားထားနေရတယ်လို့ ဒေသခံတွေကပြောပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...