spot_img
Monday, August 8, 2022
spot_img

စစ်ကောင်စီတပ်ဝင်ရောက်စီးနင်းခဲ့တဲ့ ဂရုဏာဆေးခန်းပိတ်သိမ်းခံရ

spot_imgspot_imgspot_imgspot_img

ကန္တာရဝတီတိုင်း(မ်)

ဒီကနေ့ မနက်ပိုင်းမှာ လွိုင်ကော်မြို့ နောင်ယားရပ်ကွက်ရှိ ခရစ္စတူးဘုရင်ကစ်သလစ်ဘုရားကျောင်းဝန်းကို ရဲ၊ စစ်သား ပူးပေါင်းတဲ့ စစ်ကောင်စီတပ်မှ အင်အားအလုံးအရင်းနဲ့ ဝင်ရောက်ရှာဖွေ စစ်ဆေးခဲ့ပြီးနောက် ကျောင်းဝန်းထဲမှာဖွင့်လှစ်ထားတဲ့ ဂရုဏာဆေးခန်းပိတ်သိမ်းခံလိုက်ရတယ်လို့ တိကျတဲ့ သတင်းရင်းအမြစ်ဆီကနေ သိရပါတယ်။

“ဆေးခန်းကိုတော့ပိတ်လိုက်ပြီ မလုပ်ခိုင်းတော့ဘူး လူနာအားလုံးကို ပြည်သူ့ဆေးရုံနဲ့ စစ်ဆေးရုံမှာ ကုရင်လည်း သွားကုရမယ်ဆိုတဲ့သဘောမျိုးထွက်လာတယ်။ ဂရုဏာဆေးခန်းကိုတော့ပိတ်လိုက်ရပြီပေါ့။” လို့ သတင်းရင်းမြစ်တစ်ဦးက ကန္တာရဝတီတိုင်း(မ်)ကို ပြောပါတယ်။

မနက်ပိုင်းမှာ ဘုရားကျောင်းဝန်းထဲကို အင်အားအလုံးအရင်းနဲ့ ဝင်ရောက်စီးနင်းခဲ့ပြီးနောက် နေ့ခင်းပိုင်းမှာ ဂရုဏာဆေးခန်းမှာတာဝန်ထမ်းဆောင်တဲ့ ဆရာဝန်၊ သူနာပြု၊ စစ်စတာတွေကို ဖမ်းဆီးခေါ်ဆောင်သွားတာဖြစ်ပြီး လက်ရှိမှာ ကျောင်းတိုက်ဘုန်းတော်ကြီးနဲ့ သီလရှင်အကြီးပိုင်းက ဆွေးနွေးညှိနှိုင်းနေတယ်လို့ သိရပါတယ်။ ဖမ်းဆီးခေါ်ဆောင်ခံရတဲ့လူဦးရေ ၁၀ဦးအထက်ရှိနိုင်ပြီး အတည်ပြုနိုင်ခြင်းတော့ မရှိသေးပါဘူး။

“ဘုန်းတော်ကြီးအကြီးပိုင်းနဲ့ သီလရှင်အကြီးပိုင်းကို သူတို့ခေါ်ပြီးစစ်နေတာလား ဆွေးနွေးနေတာလားတော့ မသဲကွဲဘူး။ ကျောင်းထဲမှာလည်း တချို့ရှိသေးတယ် အစောင့်စစ်သားတွေရှိသေးတယ်။ ဘုန်းကြီး၊ သီလရှင်တို့ စစ်ရှောင်တို့ လည်း စုတဲ့နေရာကနေ သူတို့အဆောင်ကိုပြန်မရောက်သေးဘူးလို့ အဲ့လိုတော့ သတင်းနောက်ဆုံးရထားတယ်။ ဘယ်မှာစစ်လဲ ညှိနှိုင်းလဲဆိုတာတော့ အတိအကျတော့ မပြောနိုင်ဘူး။”လို့ အမည်မဖော်လိုတဲ့ သတင်းရင်းမြစ်တစ်ဦးက ပြောပါတယ်။

ဒါ့အပြင် ဆေးခန်းက အရေးကြီးလူနာတွေနဲ့ ကိုဗစ်လူနာတွေကို လွိုင်ကော်ပြည်သူ့ဆေးရုံနဲ့ စစ်ဆေးရုံမှာ သွားရောက်ကုသဖို့အတွက် ပရဟိတအသင်းကားနဲ့ ခေါ်ဆောင်သွားခဲ့တယ်လို့ ဒေသခံတွေက ပြောပါတယ်။

ကျောင်းဝန်းအတွင်းမှာဖွင့်လှစ်ထားတဲ့ ဂရုဏာဆေးခန်းက ဆေးခန်းလိုင်စင်ပဲရှိပြီး ဆေးရုံလိုင်စင်မရှိသလို ခွင့်မပြုထားတဲ့အတွက် အတွင်းလူနာထားခွင့်မရှိတဲ့အကြောင်း စစ်ကောင်စီတာဝန်ရှိသူတွေက ပြောဆိုသွားတယ်လို့ သိရပါတယ်။

ဂရုဏာဆေးခန်းမှာ သက်ကြီးရွယ်အို၊ နာတာရှည်ရောဂါရှိသူ အများစုလာရောက်ပြသတာဖြစ်ပြီး မွေးလူနာ၊ ခွဲလူနာလည်း ရှိသလို ကိုဗစ်စင်တာလည်းဖွင့်လှစ်ထားတယ်လို့ သိရပါတယ်။

စစ်ကောင်စီတပ်မှ ဘုရားကျောင်းဝန်းအတွင်း ဂရုဏာဆေးခန်းကို ဝင်ရောက်စီးနင်းပြီး ဆရာဝန်၊ သူနာပြု၊ စစ်စတာ၊ စေတနာ့ဝန်ထမ်းတွေကို ဖမ်းဆီးခေါ်ဆောင်သွားတာနဲ့ပတ်သက်ပြီး ကရင်နီအမျိုးသားများကာကွယ်ရေးတပ်(KNDF) မှ အပြင်းအထန်ရှုံချထားပြီး စစ်ကောင်စီတပ်ကို အမြစ်ပြတ်တဲ့အထိ ဆက်လက်တော်လှန်တိုက်ခိုက်သွားမယ်လို့ ဒီကနေ့ ညပိုင်းမှာ KNDF သတင်းနှင့်ပြန်ကြားရေးဌာနက ထုတ်ပြန်ထားပါတယ်။

spot_imgspot_imgspot_imgspot_img

More from the blog

စစ်အာဏာရှင် အမြစ်ပြတ်ချေမှုန်းရေးအတွက် မဟာမိတ်အဖွဲ့နဲ့ ပူးပေါင်းဆောင်ရွက်သွားမယ်လို့ KNYO ထုတ်ပြန်

ကန္တာရဝတီတိုင်း( မ် ) စစ်အာဏာရှင် အမြစ်ပြတ်ချေမှုန်းရေး၊ အာဏာရှင်ဟူသမျှချုပ်ငြိမ်းရေးနဲ့ ဖယ်ဒရယ်ဒီမိုကရေစီတည်ဆောက်ရာမှာ အခြားသော တိုင်းရင်းသားအဖွဲ့တွေ၊ မဟာမိတ်တွေ၊ နိုင်ငံရေးပါတီတွေနဲ့ ပူးပေါင်းဆောင်ရွက်သွားမယ်လို့ ကရင်နီအမျိုးသားလူငယ်အစည်းအရုံး(KNYO)မှ ဗဟိုအလုပ်အမှုဆောင် ကော်မတီဝင်တစ်ဦးက ပြောပါတယ်။ “ကျနော်တို့ ပူးပေါင်းဆောင်ရွက်မှုတွေ လုပ်နေတာတော့ရှိပါတယ်။ ပြည်တွင်းမှာရှိတဲ့ မဟာမိတ်တွေနဲ့ နောက်ပြီးတော့ ဒီစစ်အာဏာရှင်ကို တွန်းလှန်ကြတဲ့ ပြည်သူတွေအနေနဲ့ကော ကျနော်တို့...

စစ်ကြောင်းထိုးလာတဲ့ စစ်ကောင်စီတပ် ဘက်တလိန်ကျေးရွာမှာ ကြားဖြတ်တိုက်ခိုက်ခံရ

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ကနေ စစ်ကြောင်းထိုးလာပြီး တပ်စွဲထားတဲ့ စစ်ကောင်စီတပ်ကို ကရင်နီဒေသခံကာကွယ်ရေးပူးပေါင်းတပ်ဖွဲ့တို့က ဒီးမော့ဆိုမြို့ ဘက်တလိန်ကျေးရွာမှာ ကြားဖြတ်တိုက်ခိုက်ခဲ့တယ်လို့ ကရင်နီတပ်မတော် ( KA ) ဒီးမော့ဆိုမြို့ တာဝန်ရှိသူ တစ်ဦးက ပြောပါတယ်။ ယမန်နေ့ ဩဂုတ်လ ၇ရက်နေ့ မနက် ၁၀နာရီဝန်းကျင်အချိန်မှာ တိုက်ပွဲဖြစ်ပွားခဲ့တာဖြစ်ပြီး...

ဒီးမော့ဆိုအရှေ့ခြမ်းမှာ တောင်သူေတွ စိုက်ပျိုးထားတဲ့ စပါးခင်း ပိုးကျ

ကန္တာရဝတီတိုင်း(မ်) ယခုနှစ်စိုက်ပျိုးရာသီမှာ စပါးကို အခြောက်စိုက်စနစ်နဲ့ စိုက်ပျိုးထားတဲ့ ဒီးမော့ဆိုအရှေ့ဖက်ခြမ်း ထီးဖိုးကလိုးကျေးရွာအုပ်စု၊ ဒေါ်ကလော်ဒူကျေးရွာအုပ်စုတွေက တောင်သူတွေရဲ့ စပါးခင်းတွေမှာ ပိုးကျတာတွေ ကြုံတွေ့နေရတယ်လို့ ဒေသခံတောင်သူတွေဆီကနေ သိရပါတယ်။ “ စိုက်ပျိုးထားပြီးတဲ့ စပါးတွေဆိုရင်လည်း ကျနော်တို့ ဒီအချိန်မှာ ပိုးတွေလိုက်နေတယ်။ ရောဂါတွေကျနေတဲ့အချိန်ကျတော့ ကျနော်တို့ တောင်သူတွေအတွက် ကျနော်တို့ ဝမ်းစာအတွက် ကျနော်တို့...

ဇနီးသည်ရဲ့ အသုဘပြုလုပ်နေစဉ် လက်နက်ကြီးကျရောက်ပြီး ခင်ပွန်းဖြစ်သူပါ သေဆုံး

ကန္တာရဝတီတိုင်း ( မ် ) ဖယ်ခုံအင်းအရှေ့ဘက်ခြမ်း ကျေးရွာတစ်ရွာအတွင်း လူကြီးရောဂါနဲ့ ဆုံးပါးသွားတဲ့ ဇနီးဖြစ်သူရဲ့ အသုဘပြုလုပ်နေစဉ် ည ၉နာရီအချိန်မှာ လက်နက်ကြီးကျရောက်ခဲ့ပြီး ခင်ပွန်းဖြစ်သူ ထိမှန်သေဆုံးခဲ့တယ်လို့ ယမန်နေ့ ( ဩဂုတ်လ ၅ ရက်နေ့ ) မှာ ဖယ်ခုံ PDF ကထုတ်ပြန်ထားပါတယ်။ “အဲ့ဒီရွာမှာ...