spot_img
Friday, March 24, 2023
spot_img

စစ်ကောင်စီရဲ့ ဖမ်းဆီးရိုက်နှက်ခံထားရတဲ့ မွေးရာပါ ဆွံ့အ နေသူ ဟာ ဒဏ်ရာကြောင့် အိပ်ယာထဲလှဲနေရ

spot_imgspot_imgspot_imgspot_img

ကေးဒူ(ကန္တာရဝတီတိုင်း(မ်))

စစ်ကောင်စီတပ်တွေရဲ့ ဖမ်းဆီး ၊ ရိုက်နှက်ခံထားရတဲ့ မွေးရာပါ စကားမပြောနိုင်တဲ့ အသက် ၃၂ နှစ် အရွယ် လူငယ်တစ်ဦးဟာ ဒဏ်ရာတွေကြောင့် တစ်ပတ်ခန့် အိပ်ယာထဲလှဲနေရတယ်လို့ မိခင်ဖြစ်သူကပြောပါတယ်။

“အများကြီး ထိတယ်။သူ့ခေါင်းဆို ၃ နေရာ ၄ နေရာ ထိတယ်။ ရွာလယ်လမ်းက အုတ်ပေါ်မှာ ထိုင်နေရင်း လာရောက်ဖမ်းသွားတာ။ ကြိုးတုတ်ပြီး ရိုက်ထားတယ်။သူ့လက်တွေဆိုလည်း မကောင်းတော့ဘူး။ ညိုပုတ်ပြီး ရောင်ကုန်တယ်။ ၄ရက် ၅ ရက်လောက် အိမ်မာ ရေနွေးနဲ့ တိုက်ပေးရတယ်။”လို့ မိခင်ဖြစ်သူက ပြောပါတယ်။

ပြီးခဲ့တဲ့ နိုဝင်ဘာလ ၁၃ရက်နေ့ လွိုင်ကော်မြို့ လောပိတ ဘီးလူးချောင်းအနီး ရိက္ခာသယ်ပို့သွားလာနေတဲ့ စစ်ကောင်စီတပ်နဲ့ ကရင်နီအမျိုးသား ကာကွယ်ရေးတပ် KNDF B-10 ထိတွေ့တိုက်ပွဲ ဖြစ်ပွားခဲ့ပြီး နောက်တရက်မှာ လောပိတကျေးရွာအုပ်စု ကျေးရွာတစ်ရွာက အဆိုပါ လူငယ်ကို ဖမ်းဆီးရိုက်နှက်ခဲ့တာဖြစ်ပါတယ်။

ဖမ်းဆီးရိုက်နှက်ခံရပြီး နာရီပိုင်းအတွင်းမှာပဲ အဆိုပါ လူငယ်ကို ပြန်လွှတ်ပေးခဲ့ပေမဲ့
ခန္ဓာကိုယ်မှာ ပြတ်ရှဒဏ်ရာ ၄ နေရာရရှိခဲ့တယ်လို့ မိခင်ဖြစ်သူကပြောပါတယ်။

“ပြန်ရောက်စတုန်းက ဘားမှမစားနိုင်ဘူး။ ချော့ပြီးကျွေးရတယ်။ လိမ္မော်သီးလောက်ပဲစားတယ်။” လို့မိခင်ဖြစ်သူကပြောပါတယ်။

စစ်ကောင်စီရဲ့ ရိုက်နှက်ခဲ့တဲ့ ဒဏ်ရာတွေကြောင့် သူကအိပ်ရာထဲမှာ လှဲနေရပြီး ၃ ရက်တစ်ခါ ဆေးခန်းရက်ချိန်းသွားနေရတယ်လို့လည်း သိရပါတယ်။

အဆိုပါ လူငယ်ဟာ မွေးရာပါ စကားမပြောနိင်ပေမယ့် တောင်ယာ အလုပ်ကို ငယ်စဥ်ကတည်းက လုပ်ကိုင်ပြီး မိဘ နှစ်ပါးကို ရှာဖွေ ကျွေးမွေးနေတဲ့ သူတစ်ဦးဖြစ်ပါတယ်။

ပြီးခဲ့တဲ့ အောက်တိုဘာလ ၂၁ရက်နေ့မှာလည်း ဘောလခဲမြို့မှာ နှမ်းစိုက််ခင်းကအပြန် အမျိုးသားနှစ်ဦးကို စစ်ကောင်စီဖမ်းဆီးရိုက်နှက်ပြီး ၃ရက်အကြာမှာ ပြန်လွှတ်ပေးခဲ့ပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို လေကြောင်းတိုက်ခိုက်ပြီး နေအိမ် ( ၁၀၀ ) ဝန်းကျင် မီးလောင်ပျက်စီး

ကန္တာရဝတီ တိုင်း(မ်) ဒီကနေ့ မတ်လ ၂၄ ရက်နေ့ ကရင်နီပြည်၊ ဒီးမော့ဆိုမြို့နယ် အရှေ့ဘက်ခြမ်း တစ်နေရာကို စစ်ကောင်စီတပ်မှ လေကြောင်းဖြင့် တိုက်ခိုက်မှု ပြုလုပ်ခဲ့တယ်လို့ ကန္တာရဝတီတိုင်း(မ်)ရဲ့ မြေပြင်သတင်းထောက်မှ သတင်းပေးပို့ချက်အရ သိရပါတယ်။ ကျေးရွာတစ်ရွာထဲကို ယနေ့ နေ့လည် ၁၂ နာရီ မိနစ် ၄၀ ဝန်းကျင်မှာ...

စစ်ကောင်စီစစ်ကြောင်းထိုးမှုကြောင့် ကရင်နီ စစ်ရှောင်ဦးရေ နှစ်သိန်းခွဲအထိ ရှိလာ

ကန္တာရဝတီတိုင်း(မ်) ကရင်နီပြည်နယ်အတွင်းမှာ စစ်ကောင်စီတပ်ရဲ့ စစ်ကြောင်းထိုးမှုတွေကြောင့် စစ်ရှောင်ပြည်သူ နှစ်သိန်းခွဲအထိ ရှိလာပြီလို့ ကရင်နီပြည်အတိုင်ပင်ခံကောင်စီ(KSCC) ရဲ့ လူသားချင်းစာနာထောက်ထားမှုကော်မတီ တာဝန်ခံ ဦးဗညားက ပြောပါတယ်။ “အနည်းဆုံးကတော့ ၂သိန်းခွဲရှိသွားပြီလို့ ကျနော်တို့က ယတိပြတ်ပြောလို့ရသွားပြီပေါ့နော။ ဘာဖြစ်လို့ အဲ့လိုပြောရတာလဲဆိုရင်တော့ အရင်က ၂ သိန်းဝန်းကျင် ရှိတယ်လို့ ခန့်မှန်းခဲ့ကြတယ်။ ဒီလိုမျိုးခန့်မှန်းချက်ကလည်း မြို့နယ်အလိုက်...

ဒီးမော့ဆိုအရှေ့ဘက် (၂)ပတ်ကျော် တိုက်ပွဲအတွင်း စစ်ကောင်စီတပ်မှ တစ်ရာဝန်းကျင် သေဆုံးပြီး ပူးပေါင်းတပ်မှ (၄)ဦးကျဆုံး

ကန္တာရဝတီတိုင်း(မ်) ဒီးမော့ဆိုအရှေ့ဘက်ခြမ်းမှာ မတ်လ ဒုတိယအပတ်ကနေစပြီး စစ်ကြောင်းထိုးနေတဲ့ စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲဖြစ်ပွားနေတာ ၂ပတ် ကျော် ရှိလာပြီဖြစ်ပါတယ်။ အဲဒီတိုက်ပွဲတွေအတွင်းမှာ နှစ်ဖက် ထိခိုက်ကျဆုံးမှုတွေ ရှိနေပြီး စစ်ကောင်စီဖက် တစ်ရာဝန်းကျင်သေဆုံးပြီး ပူးပေါင်းတပ်မှ (၄)ဦး ကျဆုံးခဲ့တယ်လို့ သိရပါတယ်။ “ အရေအတွက်တော့ မသိဘူး။ ဒါပေမယ့် အကျအဆုံးတော့...

ဒီးမော့ဆိုအရှေ့ဘက်ခြမ်းတိုက်ပွဲအတွင်း KNDF တပ်ရင်း (၁၀)မှ ရဲဘော်နှစ်ဦးကျဆုံး

ကန္တာရဝတီတိုင်း(မ်) တိုက်ပွဲနေ့စဉ်ဖြစ်ပွားနေတဲ့ ကရင်နီပြည် ဒီးမော့ဆိုအရှေ့ဘက်ခြမ်းရှိ ဒေါညေးခူ၊ ဒေါတမကြီးကျေးရွာတိုက်ပွဲအတွင်း ကရင်နီအမျိုးသားများကာကွယ်ရေးတပ် ( KNDF ) တပ်ရင်း (၁၀)မှ ရဲဘော်နှစ်ဦး ကျဆုံးခဲ့တယ်လို့ KNDF တပ်ရင်း (၁၀)က ဒီကနေ့ ( မတ်လ ၂၄ ရက်နေ့) မှာ သတင်းထုတ်ပြန်ပါတယ်။ စစ်ကြောင်းသုံးကြောင်းနဲ့ ထိုးစစ်ဆင်လာတဲ့...