spot_img
Sunday, February 5, 2023
spot_img

စစ်ကောင်စီ တပ်သား တစ်ဦး ဒီးမော့ဆို PDF ထံ CDM ပြုလုပ်

spot_imgspot_imgspot_imgspot_img

ကန္တာရဝတီတိုင်း( မ် )

လွိုင်ကော်မြို့နယ်မှာ တာဝန်ထမ်းဆောင်နေတဲ့ စစ်ကောင်စီ ခလရ ( ၆၆ ) တပ်သား စောဝေဖြိုးအောင် ဒီးမော့ဆို PDF ထံ မေလ ၂၈ရက်နေ့မှာ CDM ပြုလုပ်လာခဲ့တယ်လို့ ဒီးမော့ဆို PDF တာဝန်ရှိသူ တစ်ဦးက ပြောပါတယ်။

လုပ်သက် ၁၂ရှိပြီဖြစ်တဲ့ တပ်သား စောဝေဖြိုးအောင်ဟာ ကရင်ပြည်နယ် ဘာအံ ဇာတိကဖြစ်တယ်လို့ ဆိုပါတယ်။   ၂၀၂၂ခုနှစ် ဇန်နဝါရီလ ၄ရက်နေ့ကတည်းက လွိုင်ကော်မြို့ ချိကယ်ရပ်ကွက်မှာ နယ်မြေလုံခြုံရေးအရ ရွေ့ပြောင်းလာတာ ဖြစ်တယ်လို့ ဆိုပါတယ်။

photo – DMO PDF

အသက် ၃၀ရှိပြီဖြစ်တဲ့ စောဝေဖြိုးအောင်ဟာ စစ်အာဏာသိမ်းတာနဲ့ ပတ်သက်ပြီး သိရှိထားပေမယ့် အသေးစိတ်သိရှိတာတွေ မရှိဘူးလို့ ဒီးမော့ဆို PDF တာဝန်ရှိသူ တစ်ဦးက ပြောပါတယ်။

“ သူတို့ အောက်ခြေပိုင်းက ဘားမှ မသိရဘူးပြောတယ်။ အဲ့ဒီ အာဏာသိမ်းတာကိုတော့ သူတို့ သိတယ်။ အောက်ခြေပိုင်းမှာတော့ သူတို့ ထွေထွေထူးထူး ကိစ္စတွေကတော့ သိပ်မသိဘူး။ သူတို့က ဒီအဖွဲ့တွေ့ရင်တော့ ပစ်သတ်ရမယ်။ ဒီအဖွဲ့တွေ့ရင်တော့ ပစ်သတ်ရမယ်ဆိုပြီးတော့ ကျနော်တို့ KNDF တံဆိပ်နဲ့ PDF တံဆိပ်တွေကို ပြထားတယ်။ အဲ့တံဆိပ်နှစ်ခုတွေ့ရင်တော့ ပစ်ရမယ်။ ပစ်မိန့်တော့ ပေးထားတယ်။ လို့ သူတို့ပြောတယ်။ PDF တံဆိပ်နဲ့  KNDF တံဆိပ်တို့ကတော့ ကယားပြည်နယ်ရောက်ရင် ဒီတံဆိပ်နှစ်ခုတွေ့ရင် ပစ်သတ်ရမယ်။ သူတို့ အဲ့လိုမျိုး အမိန့်ညွှန်ကြားထားတယ်လို့ သူတို့ ပြောတယ်။ “ လို့ ဒီးမော့ဆို PDF တာဝန်ရှိသူ တစ်ဦးက ပြောပါတယ်။

စောဝေဖြိုးအောင်ရဲ့ ဆန္ဒအရ ပြည်သူ့ရင်ခွင်ကို လွဲအပ်သင့်မသင့် ဆောင်ရွက်သွားမှာဖြစ်ကြောင်းဆိုပါတယ်။

စစ်ကောင်စီတပ်သားတွေအနေနဲ့ CDM ပြုလုပ်ကြဖို့ အပြင် လက်နက်နဲ့ CDM ပြုလုပ်လာသူတွေကိုလည်း ဒီးမော့ဆို PDF ကနေ ချီးမြှင့်ငွေ သိန်း၅၀ ပေးအပ်သွားမယ်လို့ ဒီးမော့ဆို PDF တာဝန်ရှိသူက ဖိတ်ခေါ်ထားပါတယ်။

ကရင်နီပြည်မှာ စစ်အာဏာသိမ်းပြီးနောက်ပိုင်း CDM ပြုလုပ်လာတဲ့ ရဲနဲ့ စစ်သားအများအပြားရှိနေပြီး ဒီးမော့ဆို PDF တစ်ဆင့် CDM ပြုလုပ်လာသူ ၄ဦးရှိနေကာ ပြည်သူ့ရင်ခွင်ထံ ၃ဦးကို ပြည်သူ့ရင်ခွင်ထံ လွဲအပ်ပေးလိုက်ပြီးဖြစ်တယ်လို့ သိရပါတယ်။

spot_imgspot_imgspot_imgspot_img

More from the blog

လွိုင်ကော်တိုက်ပွဲအတွင်း စစ်ကောင်စီ (၁၅)ဦး ထက်မနည်းသေဆုံး၊ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် နေအိမ်ပျက်စီးမှုရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ်တစ်နေရာမှာ ယမန်နေ့ (ဖေဖော်ဝါရီ ၄ရက်) ည အချိန် စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲပြင်းထန်ခဲ့ပြီး နှစ်ဖက်ထိခိုက်ကျဆုံးမှုရှိခဲ့တယ်လို့ ကရင်နီတပ်မတော် စစ်ရေးချုပ် ဗိုလ်မှူးကြီး ဘုန်းနိုင် ကပြောပါတယ်။ “ ရန်သူဖက် ၁၅ယောက်သေတယ်လို့ ပြောတယ်။ ကျနော်တို့ဖက် KNDFက တစ်ယောက် ဒဏ်ရာရတယ်။ PDFဖက်က...

မိုးဗြဲစျေးမှာ အမျိုးသားတစ်ဦး သေနတ်ပစ်ခတ်ခံရ၊ ဈေးပိတ်သိမ်းခဲ့

ကန္တာရဝတီတိုင်း( မ် ) ဒီကနေ့ ဖေဖော်ဝါရီလ ၄ ရက်နေ့ နေ့ လည် ၁၂ နာရီ ဝန်းကျင်အချိန်မှာ ရှမ်း- ကရင်နီနယ်စပ် မိုးဗြဲမြို့ စျေးထဲ အမျိုးသားတစ်ဦး သေနတ်နဲ့ ပစ်ခတ်ခံရတယ်လို့ မျက်မြင်ဒေသခံတွေဆီကနေ သိရပါတယ်။ “စျေးထဲမှာ လူတစ်ယောက် သေနတ်နဲ့ ပစ်ခံရတယ်လေ။ နောက်ကျနော်ကြည့်တဲ့အခါတော့...

လွိုင်ကော်အရှေ့ဘက်ခြမ်းရှိ စစ်ရှောင်ဆေးခန်းတစ်ခု လေကြောင်းတိုက်ခိုက်ခံရ

ကန္တာရဝတီတိုင်း( မ် ) ယမန်နေ့ (ဖေဖော်ဝါရီလ ၃ရက်) က ကရင်နီပြည် လွိုင်ကော်မြို့ အရှေ့ဘက်ခြမ်းမှာ တိုက်ပွဲဖြစ်ပွားခြင်းမရှိဘဲ လေကြောင်းနဲ့ ဗုံးကျဲတိုက်ခိုက်ခံရမှုကြောင့် စစ်ဘေးရှောင်ဆေးခန်းတစ်ခု မီးလောင်ပျက်စီးသွားတယ်လို့ ကရင်နီပြည်ထဲရေးဝန်ကြီးဌာနမှ ပြည်ထဲရေးဝန်ကြီး ခူညေးရယ်က ပြောပါတယ်။ “ မနေ့ည ၆နာရီ ခွဲပေါ့ အဲ့မှာ လေယာဉ်တစ်စင်းနဲ့ လာပစ်တယ်။...

ကရင်နီပြည်မှာ ဇန်နဝါရီလ တစ်လအတွင်း တိုက်ပွဲ (၃၆)ကြိမ်ဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိခဲ့

ကန္တာရဝတီတိုင်း(မ်) ကရင်နီပြည်မှာ ဇန်နဝါရီတစ်လအတွင်း စစ်ကောင်စီတပ်နဲ့ ထိတွေ့တိုက်ပွဲပေါင်း (၃၆)ကြိမ်ဖြစ်ပွားခဲ့ပြီး စစ်ကော်စီဖက် (၂၂)ဦး သေဆုံးခဲ့သလို KNDFမှရဲဘော် ၅ဦး ကျဆုံးခဲ့တယ်လို့ ကရင်နီအမျိုးသားများကာကွယ်ရေးတပ် (KNDF)က ဒီကနေ့ (ဖေဖော်ဝါရီ ၃ရက်နေ့ ) မှာ သတင်းထုတ်ပြန်ပါတယ်။ တိုက်ပွဲအတွင်း နှစ်ဖက်အကျအဆုံးရှိခဲ့သလို လက်ရှိအချိန်ထိ ဒီးမော့ဆိုအရှေ့ဖက်ခြမ်းမှာ ဇန်နဝါရီလ ဒုတိယအပတ်ကတည်းက...