spot_img
Wednesday, February 1, 2023
spot_img

စစ်ကြောင်းထိုးလာတဲ့ စစ်ကောင်စီတပ် ဘက်တလိန်ကျေးရွာမှာ ကြားဖြတ်တိုက်ခိုက်ခံရ

spot_imgspot_imgspot_imgspot_img

ကန္တာရဝတီတိုင်း( မ် )

ကရင်နီပြည် လွိုင်ကော်မြို့ကနေ စစ်ကြောင်းထိုးလာပြီး တပ်စွဲထားတဲ့ စစ်ကောင်စီတပ်ကို ကရင်နီဒေသခံကာကွယ်ရေးပူးပေါင်းတပ်ဖွဲ့တို့က ဒီးမော့ဆိုမြို့ ဘက်တလိန်ကျေးရွာမှာ ကြားဖြတ်တိုက်ခိုက်ခဲ့တယ်လို့ ကရင်နီတပ်မတော် ( KA ) ဒီးမော့ဆိုမြို့ တာဝန်ရှိသူ တစ်ဦးက ပြောပါတယ်။

ယမန်နေ့ ဩဂုတ်လ ၇ရက်နေ့ မနက် ၁၀နာရီဝန်းကျင်အချိန်မှာ တိုက်ပွဲဖြစ်ပွားခဲ့တာဖြစ်ပြီး တစ်နာရီခွဲကြာ ဖြစ်ပွားခဲ့တယ်လို့ ဆိုပါတယ်။

“စစ်ကောင်စီက လွိုင်ကော်နဲ့ ဒီးမော့ဆိုကြားမှာ ရှိတဲ့ တပ်တွေက စစ်ကြောင်းထိုးလာတဲ့အတွက် ကျနော်တို့ KA နဲ့ KNDF တပ်ရင်း ၉ နဲ့ ဒီးမော့ဆို PDF တပ်ရင်း ( C ) က စုပေါင်းပြီးတော့ ဘက်တလိန်ကျေးရွာမှာ ဝင်ပစ်ကြတယ်။ ၁၀နာရီမှာ စပစ်တယ်။ တိုက်ပွဲဖြစ်တာက တစ်နာရီခွဲကြာတယ်။ ကျနော်တို့ဘက် ထိခိုက်တာတော့ မရှိဘူး။ ဒါပေမယ့် စစ်ကောင်စီဘက်ကတော့ ထိခိုက်တာတွေရှိနိုင်တယ်။ ဘာဖြစ်လို့လဲဆိုတော့ ဒရုန်း၊ ၆၀ မမတွေနဲ့ ပစ်ခတ်တဲ့အတွက် သူတို့ရှိတဲ့နေရာကို ကျတယ်။ ထိခိုက်တာရှိလားတော့ သေချာအတည်မပြုနိုင်ပေမယ့် ထိခိုက်နိုင်ခြေများတယ်။” လို့ သူက ပြောပါတယ်။

တိုက်ပွဲဖြစ်ပွားတဲ့အချိန်အတွင်း ဒီးမော့ဆိုမြို့ အခြေစိုက်စစ်ကောင်စီ ခမရ ၄၂၇ တပ်ကနေ လက်နက်ကြီးတွေနဲ့ ပစ်ခတ်ခဲ့တဲ့အတွက် ဒီးမော့ဆို အရှေ့ဘက်ခြမ်းက ကျေးရွာအတွင်း လက်နက်ကြီး ၃လုံး ကျရောက်ခဲ့ပါတယ်။

လက်နက်ကြီး ကျရောက် ပေါက်ကွဲတဲ့အတွက် လူနေအိမ် နှစ်လုံး စင်ထိမိပြီး ကြက် ၂ကောင်လည်း သေဆုံးသွားတယ်လို့ သိရပါတယ်။ အခုလို စစ်ကောင်စီကနေ ကျေးရွာအတွင်း လက်နက်ကြီးပစ်ခတ်လာတဲ့အတွက် ဒေသခံတွေအနေနဲ့ အသက်အန္တရာယ်စိုးရိမ်မှုရှိတယ်လို့ ဆိုပါတယ်။

“ရွာထဲကို မပစ်လာစေချင်ဘူးပေါ့နော။ ကြောက်တယ်ပေါ့နော။ ကလေးတွေလည်းများတယ်။ သူများတွေလိုလည်း မသွားနိုင် မလာနိုင်။ အိမ်မှာပဲ နေ။ မသွားနိုင်ဘူးလေ။ စဉ်းစားကြည့် ဟိုသွားဒီသွား။ ပိုက်ဆံတွေလည်းမရှိ။ ကိုယ့်ကလေးတွေလည်းများ။ မိသားစုက ၇ယောက် အမေက အသက် ၈၀ကျော်ပြီ။ ကလေးက ငယ်သေးတယ်။” လို့ ဒီးမော့ဆိုအရှေ့ဘက်ခြမ်းက ဒေသခံတစ်ဦးက ပြောပါတယ်။

ဒီးမော့ဆိုအရှေ့ခြမ်းမှာဆိုရင် တိုက်ပွဲဖြစ်ပွားမှုမရှိပေမယ့် လက်နက်ကြီး မကြာခဏကျရောက်ပြီး နေအိမ်၊ တိရိစ္ဆာန်အပြင် အရပ်သားပြည်သူတွေ ထိခိုက်ဒဏ်ရာရတာ သေဆုံးတာ ရှိနေပါတယ်။

ဒီးမော့ဆိုမြို့ ဘက်တလိန်ကျေးရွာမှာ ပြီးခဲ့တဲ့ ဩဂုတ်လ ၅ရက်နေ့က စစ်ကောင်စီတပ်ကနေ နေအိမ်တွေကို မီးရှို့ဖျက်စီးတာတွေ ရှိနေတယ်လို့ ကရင်နီအမျိုးသားများ ကာကွယ်ရေးတပ် ( KNDF ) က ထုတ်ပြန်ထားပါတယ်။

ဩဂုတ်လ ၃ရက်နေ့ကစပြီး စစ်ကောင်စီတပ်က ဒေသခံနေအိမ်တွေကို ဖောက်ထွင်း ဖျက်စီးတာ၊ ဘာသာရေးအဆောက်အအုံတွေမှာ တပ်စွဲထားတာ လူနေအိမ်တွေကိုမီးရှို့တာတွေ ပြုလုပ်နေတဲ့အတွက် KNDF B-09 နဲ့ ဒီးမော့ဆိုပြည်သူ့ကာကွယ်ရေးတပ်ဖွဲ့တွေက ခုခံတိုက်ခိုက်လျက်ရှိတယ်လို့ KNDF က ဩဂုတ်လ ၅ ရက်နေ့မှာ ထုတ်ပြန်ထားပါတယ်။

ဒီးမော့ဆိုမြို့ အရှေ့ဘက်ခြမ်းတစ်နေရာမှာ လက်နက်ကြီး ကျရောက်တဲ့အတွက် နေအိမ်နှစ်လုံးပျက်စီး
ဒီးမော့ဆိုမြို့ အရှေ့ဘက်ခြမ်းတစ်နေရာမှာ လက်နက်ကြီး ကျရောက်တဲ့အတွက် နေအိမ်နှစ်လုံးပျက်စီး
ဒီးမော့ဆိုမြို့ အရှေ့ဘက်ခြမ်းတစ်နေရာမှာ လက်နက်ကြီး ကျရောက်တဲ့အတွက် နေအိမ်နှစ်လုံးပျက်စီး
ဒီးမော့ဆိုမြို့ အရှေ့ဘက်ခြမ်းတစ်နေရာမှာ လက်နက်ကြီး ကျရောက်တဲ့အတွက် နေအိမ်နှစ်လုံးပျက်စီး
spot_imgspot_imgspot_imgspot_img

More from the blog

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...

အရေးပေါ်ရွေ့ပြောင်းလာတဲ့ စစ်ရှောင်တွေကို စာသင်ကျောင်းမှာနေရာချထား၊ ကျောင်းယာယီပိတ်ထားရ

ကေးဒူ ( ကန္တာရဝတီတိုင်း(မ်)) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ ဇန်နဝါရီလ ၂၅ ရက်နေ့က တိုက်ပွဲကြောင့် အရေးပေါ် ထွက်ပြေးတိမ်းရှောင်လာတဲ့ ဒီးမော့ဆိုအရှေ့ခြမ်းက ဒေသခံကျေးရွာ အပါအဝင် တိုက်ပွဲနဲ့ နီးတဲ့ စစ်ရှောင်စခန်းတွေမှာနေထိုင်တဲ့ လူဦးရေ သုံးထောင်ငါးရာ ဝန်းကျင်လောက် အတွက် နေရာထိုင်ခင်းတွေအခက်ခဲဖြစ်နေတယ်လို့ ဒေသခံတွေက ပြောပါတယ်။ လက်ရှိမှာတော့...