spot_img
Wednesday, December 7, 2022
spot_img

စစ်ဘေးရှောင်စခန်းတွေမှာ လိုအပ်တဲ့ ဆေးဝါး၊ စားနပ်ရိက္ခာ လှူဒါန်းသူမရှိသလောက် နည်းပါးနေ

spot_imgspot_imgspot_imgspot_img

ကန္တာရဝတီတိုင်း(မ်)

KA၊ KNDF ပူးပေါင်းတပ်နဲ့ စစ်ကောင်စီတပ်တို့ နေ့စဉ်တိုက်ပွဲဖြစ်ပွားနေတာကြောင့် စစ်ဘေးရှောင်ပြည်သူတွေ ပိုမိုများပြာလာပြီး ၎င်းတို့အတွက် အရေးပေါ်ဆေးဝါး၊ ရိက္ခာ အရေးတကြီး လိုအပ်နေတယ်လို့ သိရပါတယ်။

စစ်ဘေးရှောင်သူအချို့ ကိုဗစ်ပိုးကူးစက်မှုရှိနေပြီး ကိုယ်ထူကိုယ်ထဖြင့် ကျန်းမာရေးဝန်းထမ်းတွေက ကူညီဆောင်ရွက်ပေးနေရသလို စစ်ရှောင်စခန်းတွေမှာ သက်ကြီးရွယ်အိုနဲ့ ကလေးတွေပိုများနေပြီး လိုအပ်တဲ့ဆေးဝါး၊ ရိက္ခာ၊ မိုးကာ တွေကို လှူဒါန်းသူမရှိတော့ဘူးလို့ သိရပါတယ်။

“စစ်ရှောင်က အရှေ့ဖက်ခြမ်းမှာ တနေ့ထက်တနေ့များလာတယ်။ အဲ့တော့ အခက်အခဲကတော့ ကျန်းမာရေးနဲ့ပတ်သက်တဲ့အဓိကဟာ ကိုဗစ်ပေါ့။ ကိုဗစ်ကူးစက်မှုဖြစ်လာတယ် နောက်တစ်ချက်က စားနပ်ရိက္ခာပြတ်လပ်မှုတွေ ဖြစ်လာတယ် ။ အခုနောက်ပိုင်းက အလှူရှင်တွေမရှိတော့ဘူးပေါ့နော။ ဆေးဝါးတို့ စားနပ်ရိက္ခာတို့ဆိုရင် လှူတဲ့သူမရှိတော့ဘူး။ မရှိသလောက်ပဲ တစ်ယောက်စ နှစ်ယောက်စပဲ ရှိတယ်။ အဲ့ဒီရှိတဲ့ဟာကို သွားသယ်နေရာတာတောင်မှ အသက်အန္တာရာယ်နဲ့ ခြိမ်းခြောက်ခံရတယ်ပေါ့။ အဓိက အခက်အခဲဘာလဲဆိုရင် ဆေးဝါးရယ်၊ စားနပ်ရိက္ခာရယ်ပေါ့။ နောက် ဆရာ၊ ဆရာမတွေပေါ့။ ကျန်းမာရေးပိုင်းဆိုင်ရာကုသမှုအပိုင်း ဆေး ဆရာ၊ ဆရာမတွေလည်း လိုတာပေါ့။” လို့ ဒီမော့ဆိုမြို့နယ်အရှေ့ဖက်ခြမ်းမှာ စစ်ဘေးရှောင်ကူညီပေးနေသူ အမျိုးသားတစ်ဦးက ပြောပါတယ်။

ကရင်နီပြည်နယ်အတွင်းရှိ လွိုင်ကော်မြို့၊ ဒီးမော့ဆိုမြို့၊ ဖရူဆိုမြို့နယ်အတွင်း စစ်ဘေးရှောင်စခန်းတွေမှာ ကျန်းမာရေးစောင့်ရှောက်မှုအပိုင်း အဓိကလိုအပ်လျက်ရှိပြီး ကိုဗစ်ရောဂါပိုးတွေ့ရှိမှုကလည်း ပိုတိုးလာသလို လက်လှမ်းမမှီတဲ့နေရာတွေမှာလည်း စစ်ရှောင်ပြည်သူတွေ သွားရောက်နေထိုင်တာကြောင့် ၎င်းတို့အတွက် စားနပ်ရိက္ခာ ပိုမိုလိုအပ်နေတယ်လို့ သိရပါတယ်။

ကရင်နီပူးပေါင်းတပ်နဲ့ အကြမ်းဖက်စစ်ကောင်စီတပ်တို့ နေ့စဉ် လတိုက်ပွဲဖြစ်ပွားနေတာကြောင့် နေရပ်အိုးအိမ်စွန့်ခွာပြီး ဘေးလွတ်ရာကို ထွက်ပြေးတိမ်းရှောင်နေကြရတဲ့ စစ်ဘေးရှောင်ပြည်သူ တစ်သိန်းကျော်ရှိနေပြီး လက်ရှိအခြေအနေကို သည်းခံပြီး အားတင်ထားကြဖို့ ကရင်နီအမျိုးသားကာကွယ်ရေးတပ် (KNDF)ပြန်ကြားရေးတာဝန်ရှိသူတစ်ဦးက ဆိုပါတယ်။

“စစ်ရှောင်စခန်းတွေမှာတော့ Positive လူနာတွေတွေ့တယ်။ နံပါတ်တစ်ကတော့ ကျန်းမာရေးအထူးကောင်းမွန်တဲ့ စောင့်ရှာက်မှုတွေ ကျနော်တို့လိုအပ်နေတယ်။ စစ်ရှောင်စခန်းတွေမှာလေ။ နံပတ် နှစ် အချက်ကတော့ စစ်ရှောင်စခန်းမှာ အမျိုးသမီးနဲ့ကလေး၊ သက်ကြီးရွယ်အိုတွေရဲ့ ကျန်းမာရေးကိစ္စတွေ လူမှုရေးကိစ္စတွေ ကျနော်တို့ ဖြည့်တင်းဖို့လိုတယ် ဆိုတာ ပြောချင်တယ်။ စစ်ရှောင်တွေနဲ့ပတ်သက်ရင်လည်း ကျနော်က တစ်ခုပဲပြောချင်ပါတယ်။ ခင်ဗျားတို့အားလုံး အားတင်းထားကြပါ ကျနော်တို့တွေအားလုံးက မကြာခင်မှာအောင်ပွဲကို ဖြစ်လာလိမ့်မယ်လို့ ယူဆပါတယ်။ ဆိုတော့ ကျနော်တို့မသည်းခံနိုင်ရင် နောက်နှစ်ပေါင်းများစွာကိုလည်း စစ်ကျွန်တွေအုပ်ချုပ်မှုအောက်ကနေ ရုန်းထွက်နိုင်မယ် မဟုတ်ဘူးဆိုတာကိုလည်း သတင်းစကားပါးချင်ပါတယ်။” လို့ သူကပြောပါတယ်။

အကြမ်းဖက်စစ်ကောင်စီတပ်မှ လွိုင်ကော်မြို့နယ်အတွင်း လမ်းမကြီးတစ်လျှောက်မှာ လမ်းသွားပြည်သူတွေကို စစ်ဆေးမေးမြန်းမှုတွေ ဆက်တိုက်လုပ်ဆောင်နေတာကြောင့် စစ်ဘေးရှောင်ပြည်သူတွေကို ကူညီဆောင်ရွက်ပေးနေတဲ့သူတွေ သွားလာရေးအခက်အခဲတွေနဲ့ ကြုံတွေ့နေကြရပြီး ခရီးသွားလာတဲ့ ယာဉ်အချို့ကိုလည်း မေးမြန်းစစ်ဆေးမှုမရှိဘဲ ပစ်ခတ်မှုလည်း ရှိနေပါတယ်။

spot_imgspot_imgspot_imgspot_img

More from the blog

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...

ဒီးမော့ဆိုအနောက်ခြမ်း စစ်ရှောင်စာသင်ကျောင်းတစ်ခုရဲ့ ကျောင်းဆင်းပွဲ

ကန္တာရဝတီတိုင်း(မ်) ဒီဇင်ဘာလ ၅ရက်နေ့က ဒီးမော့ဆိုအနောက်ဘက်ခြမ်း စစ်ရှောင်ကျောင်းတစ်ကျောင်းမှာ ကျောင်းဆင်းပွဲအခမ်းအနားပြုလုပ်ခဲ့ပါတယ်။ အဲဒီအခမ်းအနားကို ကျောင်းသူ၊ကျောင်းသားတွေ ၊ ကျောင်းသားမိဘတွေနဲ့ ကျောင်သားသမဂ္ဂအဖွဲ့ဝင်တွေ တက်ရောက်ခဲ့ပါတယ်။ အခုလိုကျောင်းဆင်းပွဲ အခမ်းအနားကျင်းပ‌ခွင့်ရတဲ့အတွက် ဝမ်းသာပီတိဖြစ်တဲ့အကြောင်းကို ဆရာမတစ်ဦးက အခုလိုပြောပါတယ်။ "ကျောင်းဆင်းပွဲဆိုကျွန်မ လုံးဝမမျှော်လင့်ဘူး။ အရင်နှစ်ကျမတို့လုပ်တာမိဘ( ၁၀ )ယောက်တောင်မလာဖူးပါဘူး။ ဒီတစ်နှစ်ကျတော့ ကျမဘယ်လိုမှ ပြောမပြနိုင်တဲ့ပီတိကို ကျမခံစားရပါတယ်။ မိဘတွေအများကြီးတက်ရောက်လာတယ်...

လွိုင်ကော် ၅ရက်တာ တိုက်ပွဲအတွင်း စစ်ကောင်စီဘက် တပ်ခွဲမှူးတစ်ဦးအပါအဝင် ၅ဦးသေဆုံး

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ နယ်၊ ပါလောင်းကျေးရွာ နဲ့ ကျေးရွာဝန်းကျင်တွေမှာ နိုဝင်ဘာလ ၂၄ရက်နေ့မှ ၂၉ ရက်နေ့အတွင်း ၅ရက် တိုက်ပွဲပြင်းထန်ဖြစ်ပွားခဲ့ပြီး စစ်ကောင်စီဘက်က တပ်မ ၆၆ လက်အောက်ခံ ခမရ ၁၀၈ တပ်ရင်း တပ်ခွဲမှူးတစ်ဦးအပါအဝင် ၅ဦး သေဆုံးခဲ့တယ်လို့...

လက်နက်ကြီးရန်ကြောင့် စာသင်ကျောင်း ရွေ့ပြောင်းဆောက်လုပ်၊ စာရေးကိရိယာများ လိုအပ်နေ

ကေးဒူ (ကန္တာရဝတီ တိုင်း(မ်)) ကျေးရွာအတွင်းကို လက်နက်ကြီး ကျရောက်လာတာကြောင့် ဒီးမော့ဆိုအရှေ့ဖက်ခြမ်း ကျေးရွာတစ်ခုမှာ ဖွင့်လှစ်နေတဲ့ စာသင်ကျောင်းတစ်ခုဟာ လုံခြုံနိုင်မယ့် တောထဲ တစ်နေရာကို ရွေ့ပြောင်းဆောင်လုပ်နေရပြီး အမိုးအကာ လိုအပ်ချက်တွေလည်းရှိနေတယ်လို့ ကျောင်းမှာ စာသင်ပေးနေတဲ့ စေတနာ့ဝန်ထမ်း ကျောင်းဆရာတစ်ဦးက ပြောပါတယ်။ “ လက်နက်ကြီး ရွာထဲ တစ်ခေါက် နှစ်ခေါက်ကျသွားတယ်။...