spot_img
Monday, February 6, 2023
spot_img

စစ်ဘေး ဒုက္ခသည်စခန်းမှာ အရေးပေါ် ကျန်းမာရေးစောင့်ရှောက်မှုပြုလုပ်သွားမည်

spot_imgspot_imgspot_imgspot_img
ဖရူဆိုဖက်က ကျေးရွာတစ်ချို့တွေမှာ စေတနာ့ဝန်ထမ်းအဖွဲ့တစ်ဖွဲ့မှ ကျန်းမာရေးစောင့်ရှောက်မှုပေးနေစဉ်။

ကရင်နီပြည်နယ်က စစ်ဘေး ဒုက္ခသည်စခန်းတွေမှာ ကိုဗစ်နဲ့ ကျန်းမာရေးဝန်ဆောင်မှုလိုအပ်ချက် တွေအတွက် အရေးပေါ်ဆောင်ရွက်သွားမယ်လို့ ကရင်နီပြည် အတိုင်ပင်ခံကောင်စီ KSCC ကျန်းမာရေးကော်မတီ တာဝန်ခံ တစ်ဦးက ပြောပါတယ်။

၎င်းက ” စစ်ဘေးရှောင်တဲ့နေရာမှာ ပုန်းခိုနေတဲ့ လူထုတွေရဲ့ ကျန်းမာရေး ေရာ နောက်ဒီကိုဗစ်ကာလပေါ့။ ကိုဗစ်ရောဂါအခြေအနေပေါ်မှာ တုံ့ပြန်ဆောင်ရွက်မှုတစ်ခုကို ပြုလုပ်ဖို့ ကျနော်တို့ ဆုံးဖြတ်လိုက်ပြီး ကျနော်တို့ လူထုတွေရဲ့ ကရင်နီပြည်နယ်မှာ လိုအပ်နေတဲ့ ကျန်းမာရေးဝန်ဆောင်မှုတွေကို ဖြည့်စည်းပေးနိုင်ဖို့ ကျနော်တို့ ချိတ်ဆက်လုပ်ဆောင်ပေးနိုင်ဖို့ ဆိုပြီးတော့ ကျန်းမာရေးကော်မတီတစ်ရပ်ကို ဖွဲ့စည်းလိုက်ရတာပါ။ ” လို့ ပြောပါတယ်။

စစ်ဘေး ဒုက္ခသည်စခန်းတွေမှာ ကိုဗစ်ရောဂါပြန့်ပွားမှုဘပိုများလာတဲ့အတွက် ဆေးဝါးကုသမှုတွေ ကာကွယ်မှုတွေ လိုအပ်ချက်တွေရှိနေသေးတယ်လို့ KSCC ကျန်းမာရေးကော်မတီ တာဝန်ခံ ကပြောပါတယ်။

” အခုကတော့ ဒီစစ်ဘေးရှောင်မှာပေါ့နော။ ဒီကိုဗစ်ပြဿနာက အဆိုးဝါးဆုံးပေါ့လေ။ နောက်ဒီကိုဗစ်ရဲ့ ဒဏ်ကိုပေါ့လေ။ ကိုဗစ်ရဲ့ ကူးစက်ပျံ့ပွားမှုပေါ့နော။ အရမ်းနဲ့ များပြားလာတာကို တွေ့ရတယ်။ အဲ့ဒီဆေးဝါးကုသမှု ဒီကာကွယ်မှုပေါ့နော။ အဲ့ဒီအစီအစဉ်တွေ အများကြီး လိုအပ်နေတာကို ကျနော်တို့ တွေ့ရတယ်။ နောက်ပြီးတော့ ဒီမိခင်နဲ့ ကလေးပေါ့နော။ ပြုစုစောင့်ရှောက်မှု လုပ်ငန်းအပိုင်းမှာ အများကြီးလိုအပ်နေတာကို ကျနော်တို့ တွေ့ရတယ်။ “

ကရင်နီပြည်နယ်မှာ စစ်ကောင်စီကြောင့် သေဆုံးသူ တွေထဲမှာ စစ်ဘေးရှောင်ရင်း ကျန်းမာရေးစောင့်ရှောင့်မှုမခံရလို့ သေဆုံးသူတွေလည်းရှိတယ်လို့ ကရင်နီလူ့အခွင့်အရေး ဒါရိုက်တာ ဦးဗညားက ပြောပါတယ်။

” ဖေဖော်ဝါရီလကနေ အောက်တိုဘာလအထိ ၉၂ယောက်ရှိပြီ ၆၀%က ဖမ်းဆီးသတ်ဖြတ်ခြင်းခံရတဲ့ပုံစံဖြစ်တယ် ဖျားနာသေ၊ လက်နက်ကြီးထိသေ၊ ပျောက်ဆုံးဖမ်းဆီးပြီးသေတဲ့စာရင်းက အများစုဖြစ်တယ်။”

ကရင်နီပြည်နယ်က စစ်ဘေး ဒုက္ခသည်တွေအတွက် ကျန်းမာရေးဝန်ဆောင်မှုတွေကို ဆောင်ရွက်ပေးနိုင်ဖို့အတွက် KSCC က ကျန်းမာရေးကော်မတီကို နိုဝင်ဘာလ ၃ရက်နေ့မှာ ဖွဲ့စည်းလိုက်တာဖြစ်တယ်လို့ ဆိုပါတယ်။

စစ်ဘေးရှောင်တွေကို ကူညီဖို့ အဖွဲ့ဝင် ၇ဦးနဲ့ အောက်တိုဘာလ ၂၃ရက်က ဖွဲ့စည်းထားပြီး လက်ရှိမှာတော့ NUG ရဲ့ အမျိုးသား ကိုဗစ် 19ကာကွယ်ထိန်းချုပ်ရေးကော်မတီနဲ့ ချိတ်ဆက်လုပ်ဆောင်နေတာတွေရှိလို့ သိရပါတယ်။

ကရင်နီပြည်နယ်မှာမေလက စတင်တဲ့ တိုက်ပွဲတွေကြောင့် စစ်ဘေး ဒုက္ခသည်
တစ်သိန်းခွဲဝန်းကျင်ရှိနေပါတယ်။

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...