spot_img
Monday, August 8, 2022
spot_img

စစ်မြေပြင်ထဲက တောင်သူတွေရဲ့ ရိတ်သိမ်းချိန်

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီအမျိုးသားကာကွယ်ရေးတပ် (KNDF)တပ်ရင်းက ရဲဘော်တွေ ပြည်သူတွေ စပါးရိတ်သိမ်းချိန် တစ်ဖက်တစ်လမ်း ပါဝင်ကူညီနေကြတာဖြစ်ပါတယ်။

အခုလို တိုက်ပွဲကာလအတွင်းမှာ တောင်သူတွေ အမြန်ဆုံး ရိတ်သိမ်းနိုင်အောင် ကူညီပေးနေတာ ဖြစ်တယ်လို့ ပြည်သူတွေစပါးရိတ်သိမ်းချိန် ပါဝင်ကူညီရိတ်သိမ်းပေးခဲ့သူ KNDF တပ်သားတစ်ဦးက ပြောပါတယ်။

” ကျနော်တို့ ရဲဘော်တွေတော့ ဒီ ဒီးမော့ဆိုဘက်ခြမ်းမှာတော့ နည်းနည်းငြိမ်နေသေးတယ်လို့ ပြောလို့ရတာပေါ့နော။ ခုချိန်မှာ ကျနော်တို့ ကင်းစောင့်တာ တစ်ချို့ရှိမယ် ရပ်ရွာမှာ လုံခြုံရေး စောင့်ပေးတာ တစ်ချို့ရှိမယ်ပေါ့နော။ တစ်ချို့ရဲဘော်တွေ နောက်တန်းမှာရှိတဲ့ ရဲဘော်တွေကို အားမနေခိုင်းနဲ့ပေါ့။ ဆွေမျိုးတွေ ကိုယ့်ဆွေမျိုးတွေဆီမှာ ရှိတဲ့ လယ်ယာတွေ ကိုယ့်ရပ်ရွာမှာရှိတဲ့ လယ်ယာစပါးတွေကို ရိတ်သိမ်းဖို့ ကူညီဖို့ လုပ်ကြတာပေါ့နော။ အခုကလည်း အခြေအနေက သိပ်မကောင်းတဲ့အတွက်လည်း ဆင်ပြေနေတဲ့အချိန်ကို အခွင့်ကောင်းယူပြီးတော့မှ မြန်မြန်ရိတ်ဖို့အတွက် ကျနော်တို့က အမြန်ဆုံး ကူညီနေတာပါ။ “

အခုလို စပါးရိတ်သိမ်းကာလ အချိန်မှာ စပါးစိုက်ပျိုးကြတဲ့ တောင်သူတွေအနေနဲ့ တစ်နှစ်ပတ်လုံး ရင်းနှီးမြှပ်နှံထားရတဲ့ အရာတွေကို ပြန်ရဖို့ KNDF တပ်သားတွေက တချို့နေရာမှာ ရိတ်သိမ်းကူနေကြပါတယ်။

တချို့နေရာတွေမှာကတော့ တိုက်ပွဲတွေကြောင့် မရိတ်သိမ်းနိုင်တဲ့ တောင်သူတွေရှိသလို၊ ဝမ်းစာအတွက် တိုက်ပွဲကြားမှာ အသက်နဲ့ရင်းပြီး မဖြစ်မနေ ရိတ်သိမ်းနေရတဲ့တောင်သူတွေရှိပါတယ်။

အထူးသဖြင့် တိုက်ပွဲဖြစ်ပွားတဲ့ လွိုင်ကော်၊ ဒီးမော့ဆို၊ ဖရူဆို၊ ဖယ်ခုံ၊ မိုးဗြဲ စတဲ့နေရာတွေမှာ သီးနှံရိတ်သိမ်းဖို့ အခက်အခဲတွေ ရှိနေကြပါတယ်။

အောက်တိုဘာ ၃၀ နေ့က မိုးဗြဲမြို့ကို သွားတဲ့ အကြမ်းဖက် စစ်ကောင်စီတပ်ဖွဲ့တွေ စစ်ကြောင်းထိုးရာလမ်းတစ်လျှောက် စပါးခင်းကိုနှင်းဖြတ်ပြီး ပုံထားတဲ့ တောင်သူတွေရဲ့ စပါးပုံကိုလည်း မီးရှို့ဖျက်ဆီးတာခံခဲ့ရတာတွေလည်းရှိခဲ့ပါတယ်။

နိုဝင်ဘာလ ၁၅ ရက် ည ၉ နာရီခွဲအချိန်မှာလည်း
အကြမ်းဖက်စစ်ကောင်စီတပ်က လက်နက်ကြီးတွေနဲ့ ရမ်းသမ်းပစ်ခတ်မှုကြောင့် ဒီးမော့ဆို မြို့နယ် ဘုရားဖြူကျေးရွာ အနီးရှိ လယ်ကွင်းများသို့ လက်နက်ကြီးများ ကျရောက်ပေါက်ကွဲခဲ့ပါတယ်။

ပြီးခဲ့တဲ့ အောက်တိုဘာလ ၂၉ ရက်နေ့မှာလည်း မိုးဗြဲအခြေစိုက် ခလရ ၄၂၂တပ်ရင်းက လက်နက်ကြီးတွေနဲ့ ရမ်းသမ်းပစ်ခတ်တဲ့အတွက် တောင်ယာအတွင်းသီးနှံရိတ်သိမ်းနေတဲ့ အမျိုးသားတစ်ဦး၊ အမျိုးသမီးတစ်ဦး လက်နက်ကြီးထိမှန်သေဆုံးခဲ့ရပါတယ်။

တောင်သူ တွေကတော့ စပါးတွေ ရိတ်သိမ်းနိုင်ဖို့ကို တိုက်ပွဲတွေကြားမှာ အသက်ကို စတေးပြီး ရိတ်သိမ်းနေကြရပါတယ်။

spot_imgspot_imgspot_imgspot_img

More from the blog

မယ်စဲ့မြို့နယ်မှာ ကြားကာလပညာရေးကျောင်းဆင်းပွဲပြုလုပ်

https://youtu.be/U1fvMhEDt1U ကန္တာရဝတီတိုင်း(မ်) ကရင်နီပြည် မယ်စဲ့မြို့နယ်တွင်းတစ်နေရာမှာ ကြားကာလပြည်သူ့အခြေပြု ပညာရေးကျောင်းဆင်းပွဲ တစ်ခုကို ပြုလုပ်ခဲ့တယ်လို့ ကယားပြည်နယ်လုံးဆိုင်ရာအခြေခံ ဆရာများသမဂ္ဂမှ ဩဂုတ်လ ၃ ရက်နေ့ရက်စွဲနဲ့ ထုတ်ပြန်ထားပါတယ်။ ကျောင်းသား ၁၀၀ ဝန်းကျင် တက်ရောက်ခဲ့တဲ့ ကြားကာလ ကိုယ်ထူကိုယ်ထပညာရေးကျောင်း တစ်နှစ်တာပြီးဆုံးကြောင်း ကျောင်းဆင်းပွဲ နဲ့ ယာယီအတန်းကူးပြောင်းလက်မှတ်ပေးအပ်ပွဲကို ဇူလိုင်လ ၂၉ရက်နေ့မှာ ပြုလုပ်ခဲ့တာဖြစ်ပါတယ်။ CDM...

အမေရိကန်ရောက်ကရင်နီလူငယ်များမှ စစ်ရှောင်တွေအတွက် ချစ်ကြည်ရေးဘောလုံးပွဲ ကျင်းပပေးခဲ့

https://youtu.be/rVqQv1LhXhs ကန္တာရဝတီတိုင်း(မ်) ကရင်နီအမျိုးသားတိုးတက်ရေးပါတီ (KNPP)ထိန်းချုပ်နယ်မြေထဲက စစ်ရှောင်စခန်းတစ်ခုမှာ အမေရိကန်ရောက်ကရင်နီလူငယ်တွေကနေပြီး စစ်ရှောင်တွေအတွက် ချစ်ကြည်ရေး ဘောလုံးပြိုင်ပွဲ ကျင်းပပြုလုပ်ပေးခဲ့ပါတယ်။ ဘောလုံးပြိုင်ပွဲမှာ အဖွဲ့ပေါင်း ၁၀ ဖွဲ့ဝင်ရောက်ယှဉ်ပြိုင်ခဲ့ကြပြီး ဇူလိုင် ၂၉ရက်နေ့ကနေ ဩဂုတ် ၁ရက်နေ့အထိ လေးရက်တာ ကျင်းပပြုလုပ်ခဲ့ကြပါတယ်။ လူငယ်တွေ၊ ကျောင်းသားတွေ စိတ်ဓါတ်မြှင့်တင်ဖို့အတွက်နဲ့ ချစ်ကြည်မှုရရှိကြဖို့ ရည်ရွယ်ပြီး ကျင်းပပေးခဲ့တာဖြစ်ပါတယ်။ "ဒီတစ်နှစ်တာ ကာလပတ်လုံးအတွင်းမှာ တော်လှန်ရေး...

အရေးတော်ပုံအောင်ဖို့ မျှော်လင့်စောင့်စားနေရဆဲ ဒေသခံများ

https://youtu.be/h03UHUjwNyE ၂၀၂၁ခုနှစ် ဖေဖော်ဝါရီလ ၁ ရက်နေ့မှာ စစ်ကောင်စီကအာဏာသိမ်းပြီးနောက် မေလ ၂၁ရက်နေ့ကနေစတင်ပြီး ဒီးမော့ဆိုမြို့မှာ တိုက်ပွဲတွေ အပြင်းအထန် ဖြစ်ပွားလာခဲ့ပါတယ်။ တိုက်ပွဲဖြစ်ပွားမှုတွေကြောင့် လူနေအိမ်၊ အဆောက်အအုံ ပျက်စီးမှုတွေရှိသလို စစ်ကောင်စီဖက် လက်နက်ကြီး ပစ်ခတ်တာတွေ၊ လေကြောင်း ပစ်ခတ်မှုတွေကြောင့်လည်း နေအိမ် ပျက်စီးတာတွေ ရှိပါတယ်။ ဒီးမော့ဆိုမြို့နယ်မှာဆိုရင် အဆောက်အဦး...

နယ်စပ်လူငယ်ပညာရေးအခွင့်အလမ်းအတွက် ဖွင့်လှစ်လိုက်တဲ့ Pre – GED Program

https://youtu.be/FZNeGYHYMx8 ကန္တာရဝတီတိုင်း(မ်) ဆယ်သဲဖောင်ဒေးရှင်း ( STF) လက်အောက်ရှိ ဒီးကူပညာရေးစင်တာ (Deeku Education Center) ရဲ့ Pre -GED Program အမှတ်စဉ် (၁) ဖွင့်လှစ်လိုက်တဲ့ အစီအစဉ်ကို ဒီကနေ့ ဇူလိုင်လ (၃၀)ရက်နေ့မှာ ထိုင်း-ကရင်နီနယ်စပ်တစ်နေရာမှာကျင်းပပြုလုပ်ခဲ့ပါတယ်။ GEDဆိုတာ အမေရိကန်အထက်တန်းပညာရေးတစ်ခုဖြစ်ပြီး ပုံမှန်ကျောင်းအချိန်ပြည့်မတက်နိုင်သူတွေ၊ စစ်ပွဲကြောင့် လူမှုအခက်အခဲကြောင့်...