spot_imgspot_imgspot_imgspot_img
Sunday, May 19, 2024
spot_imgspot_imgspot_imgspot_img

စစ်ရှောင်ကူညီရင်း ကားမတော်တဆဖြစ်ပြီး Free Burma Ranger-Karenni တပ်ဖွဲ့ဝင်တစ်ဦးကျဆုံး

Author

Date

Category

ကန္တာရဝတီတိုင်း(မ်)

ကရင်နီပြည် ဒီးမော့ဆိုမြို့နယ်အရှေ့ဖက်ရှိ ရိက္ခာပြတ်လပ်နေတဲ့ စစ်ဘေးရှောင်စခန်းတစ်ခုကို ရိက္ခာသယ်ယူပို့ဆောင်နေစဉ် Free Burma Ranger- Karenni အဖွဲ့ စီးနှင်းလာတဲ့ကား မတော်တဆချောက်ထိုးကျခဲ့ပြီး တပ်ဖွဲ့ဝင်တစ်ဦး ကျဆုံးသွားတယ်လို့ Free Burma Ranger-Karenni က ဒီကနေ့ အောက်တိုဘာလ ၁၄ ရက်နေ့မှာ သတင်းထုတ်ပြန်ထားပါတယ်။

“ ပြီးခဲ့တဲ့ ၁၁ရက်နေ့တုန်းက ရိက္ခာပြတ်လပ်နေတဲ့စစ်ရှောင်စခန်းတစ်ခုမှ သွားပို့ရင်းနဲ့အပြန်မှာပဲ ကားမှောက်သွားတယ်။ ကားက ချောက်ထဲထိုးကျသွားတယ်။ အဲ့ဒါ ပါလာတဲ့သူတွေကတော့ ၇ယောက်၊ ၈ယောက်လောက်ပါလာတယ်။ အရှေ့ခန်းမှာထိုင်တဲ့ ကားဒရိုင်ဘာတစ်ယောက်ရယ် ဘေးကတစ်ယောက်ရယ်က အဓိက ထိသွားတယ်ပေါ့။ ဒါရိုင်ဘာကတော့ နံရိုးထိသွားတယ်ဆိုလား သေချာတော့မစစ်ရသေးဘူး။ ဘေးမှာပါလာတဲ့တစ်ယောက်တော့ ခု ကျသွားတယ်ဆိုတဲ့တစ်ယောက်ပေါ့။ နောက်မှာပါလာတဲ့ သူတွေကတော့ ထိခိုက်ဒဏ်ရာရတာတော့ မရှိဘူး။”လို့ စစ်ရှောင်ကူညီပေးသူ ဒေသခံတစ်ဦးက ကန္တာရဝတီတိုင်း(မ်)ကို ပြောပါတယ်။

အဆိုပါ ကျဆုံးသွားတဲ့ Free Burma Ranger- Karenni တပ်ဖွဲ့ဝင် တစ်ဦးမှာ အသက် ၃၀ ဝန်းကျင်အရွယ်ရှိပြီး အောက်တိုဘာလ ၁၁ ရက်နေ့မှာ စစ်ရှောင်ကူညီစဉ် ကားမတော်တဆမှုကြောင့် ပွဲချင်းပြီး သေဆုံးသွားခဲ့ရပြီး အောက်တိုဘာလ ၁၃ရက်နေ့မှာ မြေမြှုပ်သင်္ဂြိုလ်ခဲ့တယ်လို့ သိရပါတယ်။

Free Burma Ranger-Karenni ဟာ တိုက်ပွဲကြောင့် ထွက်ပြေးတိမ်းရှောင်နေရတဲ့ ပြည်သူဆီ အရေးပေါ်အစားအသောက်နဲ့ အသုံးအဆောင်ပစ္စည်းတွေကို ပေးအပ်ကူညီပြီး ခွန်အားပေးနှစ်သိမ့်ပေးတဲ့ အစီအစဉ်လည်း ပြုလုပ်ပေးနေသလို တိုက်ပွဲအတွင်း ပိတ်မိနေတဲ့ ပြည်သူတွေကို ဘေးလွတ်ရာကို ရွေ့ပြောင်းကူညီပေးတဲ့ အလုပ်ကိုလည်း ဆောင်ရွက်နေတာ ဖြစ်ပါတယ်။

spot_img
spot_img

Recent posts