spot_img
Thursday, February 29, 2024
spot_imgspot_imgspot_imgspot_img

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

Author

Date

Category

ကန္တာရဝတီတိုင်း(မ်)

ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။

အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း
မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။

” နောင်တစ်ချိန်မှာ ကျမတို့ ပစ္စည်းတွေရိက္ခာတွေ လာမပေးနိုင်ဘူးဆိုရင် ကျမတို့ တစ်ပိုင်တစ်နိုင်ကိုယ့်ကိုယ်ကိုယ် ဝင်ငွေအဖြစ် ကိုယ့်ကိုယ်ကိုယ် မားမားမတ်မတ်ရပ်တည်နိုင်ဖို့အတွက် ကျမတို့ အဓိကရည်ရွယ်ချက်နဲ့ ကျမတို့ ကြက်ရယ် ဝက်ရယ် မွေးမြူခြင်းဖြစ်တယ် ” လို့ဆိုပါတယ်။

အခုလို တစ်ပိုင်တစ်နိုင် မွေးမြူရေးလုပ်နိုင်ဖို့ ထောက်ပံ့မှုရတဲ့ ငွေတစ်ချို့ထဲက ကြက်ကို အရင်မွေးကြတာဖြစ်ပြီး ကြက်ရောင်းရငွေနဲ့ ဝက်မွေးနိုင်တဲ့အထိ ရောက်လာတယ်လို့ ဆိုပါတယ်။ မွေးမြူရေးလုပ်တာဟာ မိသားစုအတွက်အပြည့်အဝ ဖူလုံမှုမရှိပေမယ့်လည်း စားဝတ်နေရေးအတွက် တစ်တောင့်တစ်နေရာမှာ အများကြီးသက်သာတယ်လို့ ဆိုပါတယ်။

အလုပ်အကိုင်မရှိတဲ့ စစ်ရှောင်စခန်းတွေမှာ ဒီလိုမွေးမြူရေးလုပ်ငန်းတွေကို တစ်ပိုင်တစ်နိုင်လုပ်ရတာဟာ စိတ်ပိုင်းဆိုင်ရာခံစားချက်တွေကိုလည်း သက်သာစေနိုင်တယ်လို့ စစ်ရှောင်အမျိုးသမီးတစ်ဦးက အခုလိုပြောပါတယ်။

” ဒီချိန်မှာ ကျမတို့ သစ်ယားတောလို့ပြောလိုက်ရင် အိမ်ခြေ(၂၇)အနက် ကျမတို့ပြန်စီစစ်တဲ့အချိန်မှာ အိမ်ခြေ(၂၀)က အိမ်လောင်သွားပြီး (၆)အိမ်ကလက်နက်ကြီးထိတယ် (၁)အိမ်ကဘားမှတော့မဖြစ်သေးဘူးပေါ့နော်။ ကျန်တဲ့အိမ်တော်တော်များများက ပြာဖြစ်သွားတဲ့အတွက်ကြောင့် မွေးမြူရေးပိုင်း မှာပြန်ကြည့်ခြင်းအားဖြင့် စိတ်တွေလဲသက်သာစေတယ် ၊ တဲတွေလဲပြန်ဆောက်ပေးနိုင်တယ်။ နောက်ပြီး အာဟာကိုလည်း မျှမျှတတ ပြန်ပြီး စီမံခံခွဲနိုင်တယ်ပေါ့နော် ” လို့ ဆိုပါတယ်။

သစ်ယားတော စစ်ရှောင်တွေဟာ ၂၀၂၂ ခုနှစ် ဖေဖော်ဝါရီလ ၂၃ ရက်နေ့မှာ စတင်ရောက်ရှိလာကြတာဖြစ်ပြီး အိမ်ခြေ (၂၇)အိမ် လူဦးရေ (၁၄၀)ကျော် ရှိတယ်လို့သိရပါတယ်။

spot_img
spot_img

Recent posts