spot_img
Sunday, April 2, 2023
spot_img

“စစ်ရှောင်ပညာရေးအလှူ ပြည်သူတစ်ရပ်လုံးဝိုင်းဝန်းကူ” ကမ်ပိန်းကို ဒီးမော့ဆိုကျောင်းသားသမဂ္ဂပြုလုပ်

spot_imgspot_imgspot_imgspot_img

ကန္တာရဝတီတိုင်း( မ် )

ကရင်နီပြည် ဒီးမော့ဆိုမြို့နယ်အခြေခံပညာကျောင်းသားများသမဂ္ဂကနေပြီး “စစ်ရှောင်ပညာရေးအလှူ ပြည်သူတစ်ရပ်လုံးဝိုင်းဝန်းကူ” ဆိုတဲ့ ကမ်ပိန်းတစ်ခုကို ပြုလုပ်နေတယ်လို့ ဒီးမော့ဆို အ.က.သ ရဲ့ ဥက္ကဌ ကိုခွန်း က ပြောပါတယ်။

“ကျနော်တို့ဒီ ဒီးမော့ဆိုမြို့နယ်မှာ စစ်ဇုန်ဖြစ်တယ်ပေါ့။ စစ်ဇုန်ဖြစ်တယ်ဆို အားလုံးလည်းသိတယ်ပေါ့နော်။ စစ်ဇုန်ဖြစ်တဲ့ အနေထားမျိုးမှာ ကျနော်တို့ကလေးငယ်တွေရဲ့ ပညာရေးကလည်းဖော်ဆောင်သင့်တာပေါ့။ ဖော်ဆောင်ရတဲ့အနေထားမှာ ကျနော်တို့မှာအခက်အခဲပေါင်းစုံက ရှိနေတဲ့အတွက်ကြောင့် ကျနော်တို့ဒီကမ်ပိန်းကို လုပ်ရတယ်ပေါ့။ ကလေးတွေရဲ့ Stationary ပိုင်း စာရေးကိရိယာပိုင်း ကျနော်တို့Target ထားပါတယ်ပေါ့။” လို့ ဒီးမော့ဆို အ.က.သ ရဲ့ ဥက္ကဌကိုခွန်းက ပြောပါတယ်။

ကမ်ပိန်းကို စက်တင်ဘာလ ၃ရက်နေ့ကနေ ၁၅ရက်နေ့အထိ သတ်မှတ်ထားပြီး သိန်း ၃၀၀ကျော် ရရှိနိုင်ဖို့ ခန့်မှန်းထားတယ်လို့ ဆိုပါတယ်။ ကမ်းပိန်းမှာ ရရှိလာမယ့် အလှူငွေတွေကို စစ်ဘေးရှောင်ကလေးတွေရဲ့ ပညာရေးအတွက်လိုအပ်တဲ့ စာရေးကိရိယာတွေ ဝယ်ယူသွားဖို့ရှိတယ်လို့ ဆိုပါတယ်။

ဒီးမော့ဆို အနောက်ဘက်ခြမ်း စစ်ရှောင်စခန်းတစ်ခုမှာ စာသင်ကြားနေကြစဉ်။

လက်ရှိမှာတော့ ဒီးမော့ဆိုမြို့နယ်တစ်ခုတည်းကိုသာ အဓိကထားတာဖြစ်ပြီး နောက်ပိုင်းမှာ တခြားမြို့နယ်တွေအတွက်ပါ ကူညီပံ့ပိုးနိုင်ဖို့ ကမ်ပိန်းတွေ ဆက်လက်ပြုလုပ်သွားဖို့ ရှိတယ်လို့ ကိုခွန်းက ဆက်ပြောပါတယ်။

“ ဒီးမော့ဆိုမြို့နယ်ကို Target ထားတယ်ပေါ့။အထူးသဖြင့် အရှေ့ဘက်ခြမ်းပေါ့နော။ အရှေ့ဘက်ခြမ်းဆိုရင် ကျနော်တို့ လုပ်လာသမျှ လှုပ်ရှားလာသမျှထဲမှာ ကျနော်တို့ဒီအရှေ့ဘက်ခြမ်းမှာခါကျတော့ ကလေးသူငယ်တွေကို ကျနော်တို့တစ်စုံတစ်ရာ ကူညီနိုင်တာမရှိသေးဘူးပေါ့။ ဒါရိုးသားဆုံးဝန်ခံရမယ်ဆိုရင် အဲ့တော့ ဒီတစ်ခေါက်ကျတော့ ကျနော်တို့ဒီးမော့ဆိုမြို့နယ် အရှေ့ဘက်ခြမ်းကော အနောက်ဘက်ခြမ်းကောကျနော်တို့ အတတ်နိုင်ဆုံးဖြည့်ဆည်းမယ်။ နောင်လာမယ့် ဥစ္စာပေါ့နော။ ကျနော်တို့ဒီကမ်ပိန်းတွေ ဆက်ဆက်လုပ်သွားဖို့ရှိတယ်။ အောင်မြင်မယ်ဆိုရင်တော့ တခြားမြို့နယ်ကိုတော့ ကျနော်တို့ကူးပြီးတော့မှ ကူညီစောင့်ရှောက်သွားချင်တယ်ပေါ့နော။ တခြားမြို့နယ်တွေကိုလည်း ကျနော်တို့ ဒီရှိသမျှ ကျနော်တို့ မျှဝေသွားချင်ပါတယ်ပေါ့နော။ ဒီတခြားမြို့နယ် ကျနော်တို့နဲ့ နီးကပ်တဲ့ဖရူဆိုမြို့နယ်ပဲဖြစ်ဖြစ်ပေါ့နော။ အဲ့လိုမျိုးတော့ ကျနော်တို့ ခြေလမ်းလှမ်း သွားချင်သေးတယ်ပေ့ါနော။ ကူညီထောက်ပံ့မှု လုပ်ပေးသွားချင်ပါတယ်။” လို့ ကိုခွန်းက ပြောပါတယ်။

ဒီးမော့ဆိုမြို့နယ်မှာ အခြေခံပညာကျောင်းသားများသမဂ္ဂကနေပြီး ကြားကာလပညာရေးအတွက် ယာယီကျောင်း ၁၃၀ ဝန်းကျင်ဖွင့်လှစ်ထားပြီး သင်ကြားပေးသူ ဆရာ၊ ဆရာမ ၁၀၀၀ ဝန်းကျင်နဲ့ ကျောင်းသားဦးရေ ၁၈၀၀၀ ဝန်းကျင် တက်ရောက်သင်ကြားနေတယ်လို့ သိရပါတယ်။

ကရင်နီပြည်တွင်းက စစ်ရှောင်စခန်းတွေမှာ ကြားကာလပညာရေးကျောင်းတွေကို ဖွင့်လှစ်သင်ကြားနေပြီး အများအားဖြင့် မူလတန်းအဆင့်ထိသာ ဖွင့်လှစ်နိုင်ကြတာကြောင့် စစ်ရှောင်ကလေးတွေအတွက် စာရေးကိရိယာနဲ့ သင်ထောက်ကူပစ္စည်းတွေ အဓိက လိုအပ်နေတယ်လို့ ဆိုပါတယ်။

စာသင်ကျောင်းအများစုက မိုးကာတဲနဲ့ ဆောက်လုပ်ထားပြီး ရေရှည်စာသင်ကြားနိုင်ဖို့အတွက် ကျောင်းအသုံးအဆောင်ပစ္စည်း၊ စာရေးကိရိယာ၊ ငွေကြေး လိုအပ်နေဆဲဖြစ်တာကြောင့် ပါဝင်ကူကြဖို့ ကျောင်းသားသမဂ္ဂက တိုက်တွန်းနိုးဆော်ထားပါတယ်။ စစ်ရှောင်ပညာရေး လုပ်ဆောင်နေကြတဲ့အစုအဖွဲ့တွေနဲ့လည်း တိုင်ပင်ဆွေးနွေးပြီး ရှေ့ဆက်လုပ်ငန်းတွေ ဆောင်ရွက်ဖို့ရှိတယ်လို့လည်း ဆိုပါတယ်။

spot_imgspot_imgspot_imgspot_img

More from the blog

လူထုထောက်ခံမှုရှိနေသ၍ ပါတီဆက်ရှိနေအုံးမယ်လို့ KySDP ပြော

ကန္တာရဝတီတိုင်း( မ် ) ကရင်နီပြည်နယ်အခြေစိုက် တိုင်းရင်းသားပါတီအပါအဝင် တိုင်းရင်းသားပါတီ ၄၀ ကို ဖျက်သိမ်းကြောင်း စစ်ကောင်စီရဲ့ ရွေးကောက်ပွဲကော်မရှင် ( UEC ) က မတ်လ ၂၈ ရက်နေ့မှာ ကြေညာခဲ့ပေမယ့် လူထုထောက်ခံမှုရှိနေသ၍ ကတော့ ပါတီဆက်လက်ရှိနေအုံးမှာဖြစ်တယ်လို့ ကယားပြည်နယ် ဒီမိုကရက်တစ်ပါတီ ( KySDP...

နှစ်ရက်တိုက်ပွဲအတွင်း စစ်ကောင်စီတပ်မှ (၁၅)ဦးသေဆုံး၊ လေကြောင်းတိုက်ခိုက်မှုပြုလုပ်ခဲ့

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း ဒေါလျားခူကျေးရွာအနီးရှိ ညေးဘူးခူတောင်ပေါ် ဖက်ကို စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီတပ်မတော်(KA)၊ KNDF ပူးပေါင်းတပ်ဖွဲ့နဲ့ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၁၅ ဦးသေဆုံးခဲ့သလို လက်နက်ခဲယမ်းအသုံးအဆောင်ပစ္စည်းတွေ သိမ်းဆည်းမိခဲ့တယ်လို့ ကရင်နီအမျိုးသားများကာကွယ်ရေးတပ် (KNDF) က ဒီကနေ့ မတ်လ ၃၁ ရက်နေ့မှာ...

တစ်လကျော်ကြာတိုက်ပွဲပြင်းထန်နေတဲ့ ဖယ်ခုံ-ပင်လောင်း နယ်စပ်မှာ လေကြောင်းတိုက်ခိုက်မှုပြင်းထန်စွာ အသုံးပြုနေ

ကန္တာရဝတီတိုင်း(မ်) ပင်လောင်းမြို့နယ်ဖက် စစ်ကြောင်းထိုးနေတဲ့ စစ်ကောင်စီတပ်နဲ့ ပြည်သူ့ကာကွယ်ရေးပူးပေါင်းတပ်ဖွဲ့တို့ ထိတွေ့တိုက်ပွဲ အပြင်းအထန်ဖြစ်ပွားနေတာ တစ်လကျော်ကြာရှိနေပြီဖြစ်ပြီး စစ်ကောင်စီဖက် လေကြောင်းတိုက်ခိုက်မှု ပြင်းထန်စွာ သုံးနေတယ်လို့ ပြည်သူ့ကာကွယ်ရေးပူးပေါင်းတပ်ဖွဲ့တွေက ဆိုကြပါတယ်။ မတ်လ (၂၉)ရက်နေ့ ဖယ်ခုံ-ပင်လောင်းနယ်စပ်တစ်နေရာမှာ ဖြစ်တဲ့ တိုက်ပွဲမှာ စစ်ကောင်စီဖက် တိုက်လေယာဉ် (၄)စင်းနဲ့ အပြင်းအထန် တိုက်ခိုက်ခဲ့တယ်လို့ ဆိုပါတယ်။ အဲဒီရက်တိုက်ပွဲမှာ...

ဒီးမော့ဆိုအရှေ့ဘက်ခြမ်းရှိ အထက်တန်းစာသင်ကျောင်း လေကြောင်းတိုက်ခိုက်ခံရ

ကန္တာရဝတီတိုင်း(မ်) ဒီကနေ့ မတ်လ ၃၀ ရက်နေ့ မွန်းလွဲ ၁ နာရီအချိန်မှာ ဒီးမော့ဆိုမြို့နယ်အရှေ့ဘက်ခြမ်းကို စစ်ကောင်စီ လေကြောင်းအသုံးပြုတိုက်ခိုက်ခဲ့တဲ့အတွက် အထက်တန်း စာသင်ကျောင်းတစ်ကျောင်း ထိမှန်ပျက်စီးခဲ့ရပါတယ်။ “၁ နာရီ ၁၆မိနစ်မှာ တိုက်လေယာဉ် နှစ်ပတ် ပတ်ပြီးဝဲတာ ဝဲပြီးတော့ ၁၈မိနစ်လောက်မှာ တစ်ခါတည်းတန်းပစ်တာ။ ၈ခေါက်တိတိပစ်တယ်။ လေယာဉ်ဒုံးနဲ့လည်းပစ်တယ် ရွာတစ်လျှောက်...