spot_imgspot_imgspot_imgspot_img
Saturday, June 15, 2024
spot_imgspot_imgspot_imgspot_img

စစ်ရှောင်ဖို့ ပြင်ဆင်နေတဲ့ အသက် ၇၀ ကျော်အရွယ် အမျိုးသားတစ်ဦး သေဆုံး

ကန္တာရဝတီတိုင်း(မ်)

ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းရှိ ဒေါတမကြီးကျေးရွာမှာနေထိုင်တဲ့ အသက် ၇၀ ကျော်အရွယ် အမျိုးသားတစ်ဦး စစ်ဘေးရှောင်ဖို့ ပြင်ဆင်နေချိန်မှာ ရုတ်တရက်သေဆုံးသွားတယ်လို့ နီးစပ်ရာဆွေမျိုးတွေဆီကနေ သိရပါတယ်။

မိသားစုနဲ့အတူ ပြီးခဲ့တဲ့ သုံးရက်အတွင်းက ကျေးရွာကနေ စစ်ဘေးရှောင်စခန်းတစ်နေရာဆီကို သွားရောက်ခိုလှုံရင်း ယနေ့ နံနက် ၆ နာရီဝန်းကျင်မှာ သေဆုံးသွားခဲ့တာ ဖြစ်ပါတယ်။ နေရပ်ကိုလည်း ပြန်လို့မရတာကြောင့် စစ်ဘေးရှောင်ဖို့ ရောက်ရှိတဲ့နေရာမှာပဲ အဆင်ပြေသလို မြေမြုပ်သဂြိုလ်ခဲ့ရတယ်လို့ နီးစပ်တဲ့ ဒေသခံတွေဆီကနေ သိရှိရပါတယ်။

နကိုယ်ရောဂါအခံရှိသူဖြစ်ပြီး တိုက်ပွဲကြောင့် ပြေးလွှားရတဲ့အတွက် စိတ်ဖိစီးမှုများပြီး နှလုံးရပ်သေဆုံးသွားတာဖြစ်တယ်လို့ သိရပါတယ်။ ဒီးမော့ဆိုအရှေ့ဘက်ခြမ်းကနေ ထပ်ဆင့်ပြောင်းရွေ့နေထိုင်ကြဖို့အတွက် ပြင်ဆင်နေကြတဲ့ အချိန်မှာပဲ သေဆုံးသွားခဲ့တာ ဖြစ်တယ်လို့ နီးစပ်တဲ့ဆွေမျိုးတွေဆီကနေ သိရပါတယ်။

ဒီးမော့ဆိုအရှေ့ဘက်ခြမ်းကို စစ်ကောင်စီတပ်ကနေ ဝိုင်းဝန်းထိုးစစ်ဆင်လာတာကြောင့် စစ်ဘေးရှောင်ပြည်သူတွေဟာ ဘေးလွတ်ရာကို ထပ်ဆင့်ထွက်ပြေးတိမ်းရှောင်နေကြရတာ ဖြစ်ပါတယ်။

spot_img
spot_img