spot_img
Thursday, February 2, 2023
spot_img

စစ်အာဏာရှင်မှန်သမျှကို အမြစ်ပြတ်ချေမှုန်းဖြိုလဲမယ်လို့ KSCC အသိပေး

spot_imgspot_imgspot_imgspot_img

ကန္တာရဝတီတိုင်း(မ်)

နှစ်ပေါင်း (၇၀)ကျော်ကြာ ကြီးစိုးလွှမ်းမိုးခဲ့တဲ့ စစ်အာဏာရှင်နဲ့ အာဏာရှင်မှန်သမျှကို တော်လှန်ရေးအင်အားစုတွေအနေနဲ့ အမြစ်ပြတ်ချေမှုန်းရာမှာ ၎င်းတို့ရဲ့ ယန္တယား လည်ပတ်နိုင်အောင် ထောက်ကူပြုနေတဲ့ ထောက်တိုင်အားလုံးကို ချေမှုန်းဖြိုလဲသွားမယ်လို့ ကရင်နီပြည်နယ်အတိုင်ပင်ခံကောင်စီ(KSCC)က ယမန်နေ့(ဖေဖော်ဝါရီလ ၁၃ရက်) က ထုတ်ပြန်ပါတယ်။

ပြီးခဲ့တဲ့ ဖေဖော်ဝါရီလ ၃ ရက်နေ့မှာ အာဏာသိမ်း စစ်ကောင်စီရဲ့ ဒုတိယဗိုလ်ချုပ်မှူးကြီးစိုးဝင်း ကရင်နီပြည်နယ်ကိုရောက်ရှိလာပြီး မြို့နယ်စီမံခန့်ခွဲရေးကောင်စီကို ခေါ်ယူတွေ့ဆုံခဲ့ပါတယ်။ အဲဒီတွေ့ဆုံမှုမှာ တိုက်ပွဲကြောင့် တိမ်းရှောင်သွားတဲ့ အစိုးရဝန်ထမ်းတွေကို ဖေဖော်ဝါရီလ (၂၅)ရက်နေ့ နောက်ဆုံးထားပြီး ပြန်လည်တာဝန်ထမ်းဆောင်ဖို့ ညွှန်ကြားခဲ့ပြီးတဲ့နောက်မှာ KSCC ကလည်း အခုလို ထုတ်ပြန်ကြေညာထားတာဖြစ်ပါတယ်။

အာဏာသိမ်းအကြမ်းဖက်ကောင်စီကို သစ္စာခံပြီး တာဝန်ထမ်းဆောင်နေတဲ့ ကျန်ရှိနေတဲ့ ဝန်ထမ်းတွေကို CDM ပြုလုပ်ပြီး ပြည်သူတွေနဲ့ပူးပေါင်းဖို့ တော်လှန်ရေးအင်အားစုတွေက စည်းရုံးဖိတ်ခေါ်ခဲ့တာ တစ်နှစ်ကျော်ကြာလာပြီဖြစ်ပါတယ်။

ကရင်နီပြည်နယ်အတွင်း CDMမပြုလုပ်ဘဲ စစ်ကောင်စီကို သစ္စာခံနေတဲ့ စစ်ဘက်၊ အရပ်ဖက် ဝန်ထမ်းများအားလုံးကို CDM ပြုလုပ်ကြဖို့ KSCC က ထုတ်ပြန်ကြေးညာချက်မှာ ထပ်မံတိုက်တွန်းထားပါတယ်။

စစ်ကောင်စီတပ်တွေဟာ ကရင်နီပြည်နယ်မှာ ပြည်သူလူထုရဲ့ အသက်အိုးအိမ်တွေကို ထောက်ထား ငဲ့ညာခြင်းမရှိဘဲ အပြစ်မဲ့ပြည်သူတွေကို အကြောင်းမဲ့ ဖမ်းဆီးသတ်ဖြတ်တာ၊ လက်နက်ကြီးငယ်၊ လေကြောင်းတိုက်ခိုက်ခြင်းတွေကို အကြိမ်ကြိမ်ပြုလုပ်ခဲ့ပါတယ်။

အာဏာသိမ်းစစ်ကောင်စီကို အမြစ်ဖြတ်ချေမှုန်းတာမလုပ်နိုင်ရင် နောက်ထပ်နှစ်ပေါင်း (၇၀) အာဏာရှင်စနစ်အောက်ကို ပြန်ရောက်ရှိသွားမှာဖြစ်ပြီး၊ အာဏာရှင်လက်အောက်ပြန်မရောက်သွားဖို့အတွက် CDM ရဲ့အခန်းကဏ္ဍက အလွန်အရေးကြီးတဲ့အတွက် ပြည်သူ့ဝန်ထမ်းCDMမှာ ဆက်လက်ပါဝင်ကြဖို့ KSCC ကတိုက်တွန်းထားတာဖြစ်ပါတယ်။

ပြီးခဲ့တဲ့ ဖေဖော်ဝါရီလ ၁၀ ရက်နေ့ကလည်း စစ်ကောင်စီရဲ့ အခြေခံကျတဲ့ နိုင်ငံရေး၊ စစ်ရေး၊ အုပ်ချုပ်ရေး နဲ့ အခြားယန္တရား ပြန်လည် လည်ပတ်နိုင်ခြင်းမရှိစေရေး နဲ့ ပြန်လည်တာဝန်ထမ်းဆောင်ကြဖို့ ခေါ်ယူခြင်းအပေါ် လုံးဝ လက်ခံခြင်းမပြုကြရန် နဲ့ လက်ခံမယ့် မည်သူမဆို စစ်ကောင်စီအား အားပေးထောက်ခံသူအဖြစ် သတ်မှတ်ကာ ထိရောက်စွာ အရေးယူဆောင်ရွက်သွားမယ်လို့ ကရင်နီပြည်ထဲရေးဝန်ကြီးဌာနက အသိပေး ထုတ်ပြန်ထားပြီးဖြစ်ပါတယ်။

spot_imgspot_imgspot_imgspot_img

More from the blog

ဒီကနေ့ လွိုင်ကော်မြို့ပေါ်မှာ စျေးဆိုင်ဖွင့်ဖို့ စျေးသည်တွေ ဖိအားပေးခံရတာရှိ

ကန္တာရဝတီတိုင်း( မ် ) ဒီကနေ့ ( ဖေဖော်ဝါရီလ ၁ ) ရက်နေ့ လွိုင်ကော်မြို့ပေါ်က စျေးဆိုင်တချို့ စျေးဆိုင်ဖွင့်ဖို့ ဖိအားပေးခံရတာရှိတယ်လို့ လွိုင်ကော်မြို့ဒေသခံတွေဆီကနေ သိရပါတယ်။ “ ကျမစျေးဝယ်ထွက်တော့ စျေးရောင်းနေတဲ့ စျေးသည်တွေ ပြောပြတာ။ တချို့ ထင်ရှားတဲ့ ဆိုင်တွေကို စည်ပင်က ခြိမ်းခြောက်ထားတယ်။ ဆိုင်မထွက်ရင်...

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...