spot_img
Tuesday, January 31, 2023
spot_img

စားနပ်ရိက္ခာ၊ ဆေးဝါးများ ကြိုတင်စုဆောင်းထားရန် KNDF သတိပေး

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ်အတွင်းမှာ အကြမ်းဖက်စစ်ကောင်စီတပ်များ ပိုမိုလှုပ်ရှားမှု များပြားလာတဲ့အတွက် စစ်ရေးများ ပိုမိုတင်းမာလာနိုင်တာကြောင့် စားနပ်ရိက္ခာ၊ ဆေးဝါးနဲ့ အခြားလိုအပ်တဲ့ အခြေခံ အသုံးအဆောင်ပစ္စည်းများကို ကြိုတင်စုဆောင်းထားဖို့ ကရင်နီအမျိုးသားကာကွယ်ရေးတပ် KNDF က သတိပေးလိုက်ပါတယ်။

“ ပြည်သူလူထုတွေ ကြိုတင်ပြင်ဆင်လို့ ရအောင်ပေါ့လေ။ အဓိက အကြောင်းရင်းက ကျနော်တို့ ကယား(ကရင်နီ)ပြည်နယ်မှာ စကစ က စစ်ရေး လှုပ်ရှားမှုတွေ အရှိန်အဟုန်မြင့်စွာ ဆက်လက် လုပ်ဆောင်နေဆဲဖြစ်တယ်။ နောက်ပြီးတော့ တပ်အပြောင်းအလဲတွေလည်း ရှိနေတယ်ပေ့ါ။ တပ်လှုပ်ရှားမှု အရှိန်အဟုတ် လုပ်ဆောင်နေတဲ့အပေါ်မှာက ပြည်နယ်အတွင်းမှာ ရှိတဲ့ ကရင်နီတပ်မတော်နဲ့သော်လည်းကောင်း၊ကရင်နီအမျိုးသားကာကွယ်ရေးတပ်နဲ့သော်လည်းကောင်းအချိန်မရွေး၊ နေရာမရွေးပေါ့လေ။ တိုက်ပွဲတွေ ဖြစ်ပွားနိုင်တယ်။ အကယ်၍ တိုက်ပွဲဖြစ်ပြီဆိုရင်တော့ ပြည်သူဖက်က တဖက်မှာလည်း ကိုဗစ် အကြပ်အတည်းဖြစ်နေသလို တဖက်မှာ စစ်ဖြစ်လာပြီဆိုရင်တော့ ဒီအတောအတွင်းမှာ ကြိုတင်ပြင်ဆင်လို့ရအောင်ဆိုပြီး ကျနော်တို့ အသိပေးရခြင်း ဖြစ်တယ်ပေါ့လေ။” လို့ KNDF ရဲ့ သတင်းနဲ့ပြန်ကြားရေးမှ တာဝန်ရှိသူတစ်ဦးက ပြောပါတယ်။

လူသားတစ်ဦးအတွက် အခြေခံ လိုအပ်မဲ့ ဆေးဝါးကို အဓိက ပြင်ဆင်ရမှာဖြစ်ပြီး ဒုတိယတချက် အနေနဲ့ မိုးရာသီမှာ မိုးလုံအောင် နေနိုင်ဖို့အတွက် အိမ်ထောင်စုတစ်စုကို အနည်းဆုံး မိုးကာ သုံးချပ် ဝယ်ယူထားသင့်တယ်လို့ ဆိုပါတယ်။ တောထဲမှာ နေထိုင်ရတဲ့အခါ သောက်သုံးရေတွေကို မိုးကာနဲ့သာ ခံပြီး စုဆောင်းထားရတဲ့အတွက် မိုးကာကို လုံလောက်စွာ ကြိုတင်ပြင်ဆင်ဖို့ လိုအပ်တယ်လို့ ထပ်မံ အသိပေးထားပါတယ်။

ဒါ့အပြင် ဆန်တွေကိုလည်း ကျေးရွာတိုင်းက အဆင်သင့် ပြင်ဆင်ထားဖို့ လိုအပ်သလို အမျိုးသမီးအသုံးအဆောင် ပစ္စည်းများ၊ ကလေးငယ်တွေအတွက် လိုအပ်တဲ့ အသုံးအဆောင်များ၊ ရိက္ခာခြောက် ( အလွယ်တကူသယ်လို့ရမယ့် ပစ္စည်း)၊ ကြာရှည်ခံနိုင်မဲ့ ပစ္စည်း စတာတွေကို အဆင်သင့် ပြင်ဆင်ထားဖို့လည်း အသိပေးထားပါတယ်။

လက်ရှိမှာတော့ ကရင်နီပြည်နယ်တွင်း လွိုင်ကော်မြို့နယ်၊ လွိုင်လင်လေး၊ ဘောလခဲမြို့နယ်နှင့် ဖရူဆိုမြို့နယ်တို့မှာ အကြမ်းဖက်စစ်ကောင်စီ တပ်များနဲ့ ကရင်နီ တပ်မတော် (KA) ၊ ကရင်နီအမျိုးသားကာကွယ်ရေးတပ် KNDF ပူးပေါင်း တပ်ဖွဲ့များကြား စစ်ရေး တင်းမာနေဆဲ ဖြစ်ပါတယ်။

ယမန်နေ့ ဩဂုတ်လ ၈ ရက်နေ့မှာ ဖရူဆိုမြို့နယ်အနောက်ဖက်ခြမ်းမှာ အကြမ်းဖက်စစ်ကောင်စီ တပ်များနဲ့ ကရင်နီ တပ်မတော် (KA) ၊ ကရင်နီအမျိုးသားကာကွယ်ရေးတပ် KNDF ပူးပေါင်း တပ်ဖွဲ့များကြား တိုက်ပွဲ ဖြစ်ပွားခဲ့ပြီး အကြမ်းဖက်စစ်ကောင်စီတပ်မှ ဆယ်ဦးထက်မနည်း သေဆုံးပြီး ထိခိုက်ဒဏ်ရာ ရရှိသူများလည်း ရှိတယ်လို့ KNDF က ထုတ်ပြန်ထားပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...