spot_img
Thursday, February 9, 2023
spot_img

စိတ်ဒဏ်ရာရနေတဲ့ ကလေးငယ်တွေကို အားပေးနှစ်သိမ့်မှုပြုလုပ်

spot_imgspot_imgspot_imgspot_img

ခွန်းကလိုင်းဖရီး (ကန္တာရဝတီတိုင်း(မ်))

ဖယ်ခုံမြို့နယ်၊ အလယ်ကယန်းဒေသရှိ စစ်ဘေးရှောင်စခန်းနေရာတခုမှာ ခိုလုံနေကြတဲ့ စစ်ဘေးရှောင် ပြည်သူတွေကို အားပေးနှစ်သိမ့်ပေးတဲ့ အစီအစဉ်တခုကို  ကယန်းမျိုးဆက်သစ်လူငယ်(KNGY) အဖွဲ့က ယမန်နေ့ ဇွန်လ ၁၄ ရက်နေ့မှာ ပြုလုပ်ခဲ့ပါတယ်။

“ကလေးတွေက စိတ်ဒဏ်ရာရတာပေါ့နော်။ စိတ်ဒဏ်ရာရတော့ ကျမတို့လည်း တတ်နိုင်တဲ့ဖက်မှာ ကလေးရဲ့ စိတ်ဒဏ်ရာတွေကို လာကုပေးချင်တာပေါ့နော်။ ကလေးက သေနတ်သံကြားရတာကြာတော့ သူတို့ရဲ့ စိတ်ထဲမှာ အရမ်းစိတ်ထိ ခိုက်သွားမှာစိုးလို့ အဲ့လိုမျိုးပေါ့နော်။ အဲ့ဒါကြောင့်မို့လို့ အဲဒီအစား ပျော်ရွှင်မှုတွေ အစားထိုးနိုင်အောင် ကျမတို့က လာပြီးတော့မှ သူတို့ရဲ့ စိတ်ဒဏ်ရာတွေကို လာကုပေးတာတို့၊ ပျော်ရွှင်အောင် လာလုပ်ပေးတာတို့၊ ကစား ပေးတာတို့၊ ပြောပေးတာတို့ ရှိတာပေါ့နော်။”လို့ ကယန်းမျိုးဆက်သစ်လူငယ်အဖွဲ့ရဲ့ သင်တန်းနည်းပြတစ်ဦးက ဆိုပါတယ်။

ဒီအားပေးနှစ်သိမ့်တဲ့ အစီအစဉ်မှာ ကလေးတွေကို ဂိမ်းကစားပေးတာတွေ၊ ကတာတွေ၊ ကယန်းရိုးရာပုံပြင်ပြောပေးတာတွေ၊ မုန့်ဝေတာတွေနဲ့ ဆုပေးတာတွေကို ပြုလုပ်ခဲ့တယ်လို့ ဆိုပါတယ်။

အခြားတစ်ဖက်မှာလည်း ကလေး မိဘတွေကို ကလေးသူငယ်ဆိုင်ရာအခွင့်အရေးနဲ့ စိတ်ကျန်းမာရေးနဲ့ဆိုင်တဲ့ အသိပညာ ပေးတာတွေကို ပြုလုပ်ခဲ့တယ်လို့ ကယန်းမျိုးဆက်သစ်လူငယ်အဖွဲ့ရဲ့ အခြားသင်တန်းနည်းပြ တစ်ဦးကလည်း ဆိုပါတယ်။

“အဲ့ဒီမှာ ကျမတို့က အဓိကက ကလေးအခွင့်အရေးနဲ့ ဆိုင်တဲ့ဟာတွေ မိဘတွေ သိလာအောင်ပေါ့နော်။ ပြီးတော့ နောက်တချက်ကျတော့ ကျမတို့ စစ်ရှောင်နေတဲ့ ကာလမှာ မိဘတွေရဲ့ စိတ်ဒဏ်ရာရယ်၊ စိတ်ကို ကုစားပေးဖို့ စိတ်ကျန်းမာခြင်းနဲ့ ဆိုင်တဲ့ ဟာတွေကို အသိအမြင်အနေနဲ့ ကျမတို့ လာပေးရခြင်းဖြစ်တယ်ပေါ့နော်။” လို့ သင်တန်းနည်းပြကပြောပါတယ်။

စစ်ဘေးရှောင်ပြည်သူတွေ စိတ်ကျန်းမာရေးနဲ့ ပတ်သက်လို့ နားလည်ဖို့နဲ့ လတ်တလောကြုံတွေ့နေရတဲ့ စိတ်ဒဏ်ရာတွေကို မိမိဘာသာဆန်းစစ်အဖြေရှာပြီး ကုစားတတ်ဖို့ လုပ်ဆောင်ရခြင်းဖြစ်တယ်လို့လည်း ဆိုပါ တယ်။

တစ်နေ့တာ ပြုလုပ်ခဲ့တဲ့ စစ်ဘေးရှောင်တွေကို အားပေးနှစ်သိမ့်တဲ့ အစီအစဉ်မှာ ကလေး ၁၀၀ နီးပါးနဲ့ ကလေးမိဘ ၄၀ ကျော် ပါဝင်ခဲ့တယ်လို့ ဆိုပါတယ်။

ခုလို အားပေးနှစ်သိမ့်တဲ့ အစီအစဉ်ကို လုပ်ဆောင်ပေးတဲ့အပေါ် စစ်ရှောင်ပြည်သူတစ်ဦးက “ကလေးအတွက် ပျော်ရွှင်မှုဖြစ်တယ်။ နောက်ကလေးအတွက်လည်း ထောက်ကူမှုတစ်ခုဖြစ်တာပေါ့နော်။ ကလေး ကစားပေးတာ သူတို့အတွက် ဉာဏ်ဖွံ့ဖြိုးမှုပါဝင်တာပေါ့နော်။ နောက်ပြီး မိဘမှာ လာလုပ်ပေးတဲ့ သင်တန်း အကျိုးရှိပါတယ်။ ပထမအချက်ကျနော်ပြောချင်တာက လူ့အခွင့်အရေး၊ ကလေးကာကွယ်စောင့်ရှောက်ရေးက အသိဉာဏ်တိုး လာတယ်။ နောက်တစ်ချက်က ပျော်ရွှင်ခြင်းနဲ့ မပျော်ရွှင်ခြင်း၊ စိတ်ကျန်းမာခြင်းပေါ့နော် အဲ့ဒီခေါင်းစဉ်လာ သင်ပေးလည်း ကျနော်အရမ်းကြီး ဝမ်းသာတယ်။ အားတက်တာပေါ့နော်။”လို့ ဆိုပါတယ်။

ကယန်းမျိုးဆက်သစ်လူငယ်အဖွဲ့က စစ်ဘေးရှောင်ပြည်သူတွေကို အားပေးနှစ်သိမ့်တဲ့ အစီအစဉ်ကို စစ်ဘေး ရှောင်စခန်းနေရာ ၁၀ ခုမှာ ပြုလုပ်ခဲ့ပြီးဖြစ်သလို ဆက်လက်လုပ်ဆောင်ဖို့ ရှိနေတယ်လို့ ဆိုပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...