spot_img
Wednesday, February 1, 2023
spot_img

တစ်ကျော့ပြန်လာတဲ့ COVID – 19

spot_imgspot_imgspot_imgspot_img

၂၀၁၉ ခုနှစ်၊ ဒီဇင်ဘာလမှာ တရုတ်နိုင်ငံ၊ ဝူဟန်မြို့တွင် စတင်ဖြစ်ပွားခဲ့တဲ့ အသက်ရှူလမ်းကြောင်း ဆိုင်ရာ လက္ခဏာတွေကို ကမ္ဘာ့ကျန်းမာရေး အဖွဲ့အစည်းမှ COVID-19 (CO-corona VI-virus D-disease 19-2019) လို့ အမည်ပေးခဲ့ပြီး ၂၀၂၀ ခုနှစ်၊ မတ်လ ၁၁ ရက်နေ့မှာ COVID-19 ရောဂါကို ကမ္ဘာလုံးဆိုင်ရာ ကပ်ရောဂါ (Pandemic) အဖြစ် ကြေညာချက်ထုတ်ပြန်ခဲ့ပါတယ်။ ၂ နှစ်ကျော်အတွင်း COVID-19 ကူးစက်ရောဂါဆိုးကြီးဟာက အခုဆိုရင် ကမ္ဘာတစ်လွှားမှာ ကူးစက်ခံရသူ ၂၉ သန်းနီးပါးနဲ့ သေဆုံးသူ ၁ သန်းနီးပါးအထိ ရှိလာနေပါပြီ။ လက်ရှိမှာ COVID-19 က မျိုးရိုးဗီဇကွဲအသစ်များ ထပ်မံဖြစ်ပေါ်လာခြင်းနှင့်အတူ တစ်ကျော့ပြန်လာ ခဲ့ပြီလို့ ဆိုရမှာဖြစ်ပါတယ်။

COVID-19 နဲ့ ရာသီတုပ်ကွေးက ရောဂါလက္ခဏာတူလား

နှာစီးခြင်း၊ နှာပိတ်ခြင်း ၊ဖျားခြင်း၊ ချောင်းဆိုးခြင်း၊ ကိုယ်လက်ကိုက်ခဲပြီး ခေါင်းကိုက်ခြင်း၊ ကြွက်သား နာခြင်း၊ မအီမသာဖြစ်ခြင်း စတဲ့ လက္ခဏာတွေဟာ COVID-19 နဲ့ ရာသီတုပ်ကွေးဖြစ်ရင် ပြလေ့ရှိပါတယ်။ သို့ပေမယ့် COVID-19 ဟာ အနံ့ပျောက်ခြင်းအပြင် တခါတလေမှာ ဘာရောဂါ လက္ခာဏာမှ မပြတာလည်း ဖြစ်ပေါ်နိုင်သလို ကိုဗစ်ကူးစက်ပြီး ဆေးရုံတွေမှာ အောက်စီဂျင် အသုံးပြုနေရတဲ့ သူတွေလည်း ရှိနိုင်ပါတယ်။ ဒါ့ကြောင့် ရာသီတုပ်ကွေးဖြစ်ချိန်မှာ ဖျားခဲ့ရင် test စစ်ဖို့လိုပါတယ်။

မျိုးရိုးဗီဇကွဲအသစ်များနဲ့ COVID-19

COVID-19 ဟာ မျိုးစိတ်အမျိုးမျိုး ပြောင်းလဲလာနေပါတယ်။ အဲဒီထဲမှာမှ လူသိများတဲ့ အိုမီခရွန် မျိုးစိတ်ဟာ ကူးစက်မှုမြန်သလောက် ရောဂါဟာ ထင်သလောက် မပြင်းထန် တာကိုလည်း တွေ့ရပါတယ်။ ယခုလက်ရှိ COVID-19 လူနာသစ်တွေ့ရှိမှု မြင့်တက်လာချိန်တွင် COVID-19 မျိုးရိုးဗီဇကွဲများဖြစ်တဲ့ B.A.5 နှင့် B.A.4 ဖြစ်ပွားနှုန်း များပြားလာခြင်းတို့ ဆက်စပ်မှု ရှိနေပြီး B.A.5 ဟာ ကူးစက်မှုနှုန်း အမြန်ဆုံး ဖြစ်တယ်လို့ ကမ္ဘာ့ကျန်းမာရေးအဖွဲ့၏ ထုတ်ပြန်ချက်အရ သိရပါတယ်။


COVID-19 ဟာ ဘယ်လိုပုံစံနဲ့ တစ်ကျော့ပြန်လာတာလဲ

ရာသီတုပ်ကွေးဖြစ်နေချိန်မှာ ကိုဗစ်မျိုးရိုးဗီဇအသစ် ပြန်လည်ခေါင်းထောင် လာနိုင်တယ်လို့ ဆေးပညာရှင်တွေက ကြိုတင်သုံးသပ်ပြောဆိုထားတာရှိပါတယ်။ ၂၀၂၂ ခုနှစ် ဇူလိုင်လ လဆန်းပိုင်းမှာ ပိုးကူးစက်နှုန်း နေ့စဉ်ရာနဲ့ချီ ပြန်လည်တိုးပွားလာပြီး အရှေ့တောင်အာရှဒေသတွင်းမှာလည်း ဖြစ်ပွားမှု (၂၀) ရာခိုင်နှုန်းနဲ့ သေဆုံးမှု (၁၆) ရာခိုင်နှုန်းထိ မြင့်တက်ခဲ့ပါသည်။ မြန်မာနိုင်ငံမှာလည်း ၄ လ လောက် အခြေအနေတွေတည်ငြိမ်ခဲ့ပြီး ကိုဗစ်ဟာ ပြန်လည်ခေါင်းထောင်လာကာ ဩဂုတ် လ ၂ ရက်နေ့အထိ ကိုဗစ်ကြောင့် သေဆုံးသူ ၁၉၄၃၄ ဦး ရှိတယ်လို့ ကမ္ဘာ့ကျန်းမာရေးအဖွဲ့ (WHO) က ထုတ်ပြန်ထား ပါတယ်။


COVID-19 နဲ့အတူယှဉ်တွဲပြီး ဘယ်လိုနေထိုင်သွားမလဲ

လက်ရှိအချိန်အထိ ကျွမ်းကျင်သူတွေရဲ့ သုံးသပ်ချက်တွေအရ COVID-19 ရောဂါဆိုးကြီးဟာ ဘယ်တော့မှ ရပ်တန့်မယ်မထင်ဘူးလို့ ဆိုထားကြပေမယ့် လူတစ်ဦးရဲ့ ခံနိုင်ရည်ဟာ အဲဒီရောဂါရဲ့ဒဏ်ကို ပိုပြီးခံနိုင်လာချိန်မှာ ရာသီပေါ်ရောဂါတစ်မျိုးဖြစ်သွားနိုင်တယ်လို့ သုံးသပ်ထားကြပါတယ်။ ဒါကြောင့် COVID-19 ရောဂါကူးစက်ခံရခြင်းမှ ကာကွယ်နိုင် ရန်အတွက် Mask တပ်ခြင်း၊ လက်ဆေးခြင်း၊ လေဝင်လေထွက်မကောင်းသော အခန်းတွေကို ရှောင်ရှားခြင်း၊ (၆) ပေအကွာ ခပ်ခွာခွာနေခြင်း၊ ချောင်းဆိုး/နာချေတိုင်း ပါးစပ်နဲ့ နှာခေါင်းကို လုံခြုံစွာဖုံးအုပ်ခြင်း၊ လူနာနဲ့ လူအများမကြာခဏ ထိတွေ့ကိုင်တွယ် လေ့ရှိတဲ့ အရာဝတ္ထုတွေနဲ့ နေရာတွေကို ပိုးသတ်သန့်စင်ခြင်း စတာတွေကို လိုက်နာ ဆောင်ရွက်ရမှာဖြစ်ပါတယ်။ဒါ့အပြင် COVID-19 ကာကွယ်ဆေးကိုလည်း ထိုးနှံရမှာ ဖြစ်ပါတယ်။

ကိုးကား- Hello Sayarwon page
-WHO Myanmar page
-MOH, NUG Facebook page

spot_imgspot_imgspot_imgspot_img

More from the blog

အိမ်ပြန်ခွင့်ရရင်တောင် ပြန်စရာအိမ်မရှိတော့တဲ့သူများ

ကန္တာရဝတီတိုင်း(မ်) ၂၀၂၁ အာဏာသိမ်းမှု နောက်ဆက်တွဲအနေနဲ့ နိုင်ငံတွင်းမှာ လက်နက်ဆွဲကိုင်တော်လှန်မှုတွေ စတင်ခဲ့တဲ့ အချိန်ကစပြီး အသေးငယ်ဆုံး ပြည်နယ်ဖြစ်တဲ့ ကရင်နီပြည်နယ်မှာ စစ်ပွဲရဲ့ အကျိုးဆက်တွေကို ပြည်သူတွေ နဖူးတွေ့၊ဒူးတွေ့ ခံစားရပါတော့တယ်။ စစ်ပွဲကာလအတွင်း မိသားစုဝင်ဆုံးရှုံး သွားခဲ့ကြသူတွေရှိသလို၊ စည်းစိမ် ဥစ္စာတွေကိုလည်း ဆုံးရှုံးထားသူတွေ ဒုနဲ့ ဒေးဖြစ်ပါတယ်။ အဲဒီထဲမှာ အသက်...

ဝင်ငွေရဖို့ ဝဥကို ရွေးချယ်စိုက်ပျိုးခဲ့တဲ့ ကယန်းဒေသက တောင်သူ

ခွန်းကလိုင်းဖရီး(ကန္တာရဝတီတိုင်း(မ်)) လွန်ခဲ့တဲ့ ၅ နှစ်ကျော် လောက်ကစပြီး ကယန်းဒေသမှာ စပါး၊ ငရုတ်နဲ့ ဖာလာကို အဓိက စိုက်ပျိုးရာကနေ ဈေးကွက်ဝင်တဲ့ ဝဥကိုလည်း စိတ်ဝင်တစား စိုက်ပျိုးလာကြပါတယ်။ ယခင်ကတော့ ဝဥကို တောတောင်တွေထဲက အလေ့ကျပေါက်တာတွေကိုပဲ ရှာဖွေတူးဖော်ခဲ့ကြပေမယ့် ခုတော့ ကယန်းဒေသက တောင်သူတွေဟာ ဝဥကို စီးပွားဖြစ် စနစ်တကျစိုက်ပျိုးလာကြတာပါ။ ခုလို...

တိုက်ပွဲနယ်မြေအတွင်းက “အလံဖြူ”

(ကန္တာရဝတီတိုင်း(မ်)) ဖရူဆိုမြို့နယ် နဲ့ ဘောလခဲမြို့နယ် ကြားက တောင်ယာခင်းတနေရာမှာရှိတဲ့ တဲအိမ်လေး တွေရဲ့ ခေါင်မိုးအထက်မှာ မြင်သာထင်သာရှိတဲ့ အဖြူရောင် အဝတ်စလေးတွေကို ချိတ်ဆွဲထားပါတယ်။ တစ်ပေကျော် အကျယ်ရှိတဲ့ ဒီအဝတ်ဖြူစဟာ တောင်ယာခင်းထဲမှာ စစ်ရှောင်နေကြရတဲ့ နန်းဖဲဒေသက ဒေသခံတွေအတွက် အန္တာရယ် ကင်းစေနိုင်တဲ့ မျှော်လင့်ချက် အဆောင်လေးလို့ ပြောလို့ရပါတယ်။ တောင်ယာခင်းထဲကတဲအိမ်လေးတွေရဲ့...

တစ်ပူပေါ်နှစ်ပူဆင့် လာတဲ့ စစ်ပွဲရဲ့ မြေစာပင်ဘဝ

မော်ဦးမြာ ( ကန္တာရဝတီတိုင်း(မ်) ) ထိတ်လန့်ဖွယ်ရာ လက်နက်ကြီးရန်ကို ကရင်နီလူထုတွေ ရင်ဆိုင်လာခဲ့ရတာ တစ်နှစ်ခွဲနီးပါး ရှိလာခဲ့ပါပြီ။ ယခင်နှစ်မှာ ညအမှောင်ကိုသာ ထိတ်လန့်ရတဲ့ ကရင်နီလူထုတွေဟာ အခုချိန်မှာတော့ နေ့အလင်းတွေကိုလည်း စိုးရိမ်ထိတ်လန့်ဖွယ်ရာ ရင်ဆိုင်ဖြတ်သန်းနေရတာပါ။ စစ်ကောင်စီတပ်ဟာ တိုက်ပွဲဖြစ်ပွားခြင်းမရှိတဲ့ နေရာ၊ လူထုတွေ စစ်ဘေးရှောင်တဲ့နေရာ စတဲ့နေရာတွေကို လက်နက်ကြီးတွေနဲ့ ရည်ရွယ်ချက်ရှိရှိ...