တရားစွဲဆိုခံရသည့် ဒေါဆိုရှေးတောင်သူများကို ၅ကြိမ်မြောက် ခေါ်ယူစစ်ဆေး

နော်ဒွေးအယ်ခူ

စစ်တပ်မှ ဒီးမော့ဆိုမြို့နယ် ဒေါဆိုရှေးတောင်သူ ၁၅ ဦးကို ပိုင်နက်ကျူးကျော်မှုဖြင့် တရားစွဲဆိုထားရာ ယနေ့ ဩဂုတ်လ ၁၃ရက်နေ့တွင် ဒီမော့ဆိုမြို့နယ် တရားရုံးသို့ ၅ ကြိမ်မြောက်ခေါ်ယူစစ်ဆေးသွားသည်ဟုသိရသည်။

တရားစွဲခံရသော တောင်သူ ၁၅ ဦးမှာ ဒီမော့ဆိုမြို့နယ် ဒေါဆိုရှေးကျေးရွာမှ တောင်သူများဖြစ်သည်။ ၎င်းတို့ကို အမြောက်တပ် ၃၆ဝမှ ဗိုလ်မှူး ဌေးမြင့်ကျော်က တပ်သိမ်းမြေပေါ်တွင် ဝင်ရောက်ထွန်ယက်လုပ်ကိုင်သည့်အတွက် ပိုင်နက်ကျူးကျော်မှုဖြင့် ပုဒ်မ ၄၄ရ ဖြင့် တရားလိုပြုလုပ်ကာ တရားစွဲဆိုထားခြင်းဖြစ်သည်။

ယနေ့ရုံးချိန်းတွင် တရားလိုကို စစ်ဆေးမေးမြန်းရာတွင် မိမိကိုယ်တိုင်မြင်ရသည့်ပုံစံမဟုတ်ပဲ၊ တဆင့်ခံတိုင်ကြားခိုင်းသည့်ပုံစံ အနေအထားသို့ မြင်တွေ့ရကြောင်း တောင်သူများအား လရောက်ဝန်းရံသူ ကရင်နီအမျိုးသမီးအစည်းအရုံးမှ မော်ဖရေမြာက အခုလိုပြောပါသည်။

“ဒီနေ့ တရားလိုဖက်က ထွက်ဆိုလိုက်တဲ့အချက်တွေဆိုရင် ပြောရမယ်ဆိုရင် ခိုင်လုံမှုကသိပ်မရှိဘူး ဘာဖြစ်လို့လဲဆိုရင် တရားလိုဖက်က ထွက်ဆိုလိုက်တဲ့ဟာက ဥပမာ- ဆွဲခံရ ဒီ၁၅ယောက်ထဲမှာဆိုလို့ရှိရင် ဘယ်သူဘယ်ဝါမှန်းသူမသိဘဲနဲ့ သူစွဲလိုက်တဲ့ဟာမျိုးဆိုရင်တော့ တရားခံဖက်တော့ အားကောင်းချက်ဖြစ်မှာပေါ့နော်။” ဟု ဆိုပါသည်။

တရားစွဲဆိုခံရသည့် ၁၅ ဦးတွင် အမျိုးသမီး ၅ ဦး နှင့် အမျိုးသား၁ဝဦး ပါဝင်ပါသည်။ ၅ ကြိမ်မြောက် ရုံးချိန်းမှာ တရားလိုကို ဒုတိယအကြိမ်စစ်ဆေးမေးမြန်းပြီး ၆ ကြိမ်မြောက်ရုံးချိန်းကို လာမည့် ဩဂုတ်လ ၂၆ရက်နေ့တွင် ပြန်လည်ချိန်းဆိုထားပါသည်။

ဒေါဆိုရှေ့ရွာမှ တောင်သူများက ဘိုးဘွားစဉ်ဆက်ကပင် လုပ်ကိုင်လာသည့်မြေဖြစ်ပြီး စစ်တပ်က မတရားသိမ်းဆည်းထားခြင်းဖြစ်သည်ဟု တရားစွဲဆိုခံရသူဦးကိုးရီပြောပါသည်။

၎င်းက “ကျတော်တို့ တောင်သူလယ်သမားတွေအနေနဲ့ ယာ၊ ဒီမြေ နှစ်စဉ်နှစ်တိုင်း နှစ်ပေါင်းလည်းမနည်းတော့ဘူး လုပ်ကိုင်စားသောက်လာတယ်။ သူတို့လာနေခဲ့တာ လေးငါးဆယ်နှစ့်ဝန်းကျင်းအတွင်း ကျတော်တို့တောင်သူလယ်သမားတွေရဲ့ မြေယာတွေကို လာလုယူတဲ့သဘောပေါ့နော။”ဟု ပြောပါသည်။

၂၀၀၂-၂၀၀၃ ခုနှစ်မှာ အမတ ၃၆ဝတပ် တည်ထောင်သည့် အချိန်မှစပြီး ဒေါဆိုရှေ့တောင်သူများ၏ ဧက ၂၀ဝ ဝန်းကျင်ရှိ မြေယာများကို သိမ်းဆည်းခဲ့ခြင်းဖြစ်သည်။

ထိုနည်းတူစွာပင် လွိုင်ကော်မြို့နယ် ဒေါ်မူကလားကျေးရွာမှ တောင်သူများကိုလည်း စစ်တပ်က ကျူးကျော်ဝင်ရောက်လုပ်ကိုင်သည်ဟုဆိုကာ တရားစွဲဆိုထားသည့် ကိစ္စရပ်များလည်းရှိနေသည်။

Comments

comments

Next Post

မိုးရာသီကာလ အိမ်ခြံမြေဈေးကွက်တည်ငြိမ်၍ ထက်ဝက်နှုန်းခန့် ရောင်းချခဲ့သူများရှိ

Tue Aug 13 , 2019
ကန္တာရဝတီတိုင်း(မ်) ကယားပြည်နယ်ရှိ မြို့ပြနှင့် အလှမ်းဝေးသည့်ကျေးရွာနေရာများတွင် ခြံတစ်ကွက်ရောင်းထွက်ရန် အချိန်ကြာမြင့်ပြီး လိုချင်သည့်ဈေးနှင့် ရောင်းမရသောကြောင့် တစ်ဝက်နှုန်းခန့် ဈေးပြန်ချရကြောင်း မကြာသေးမီကမှ ရောင်းထွက်လိုက်သော ကိုအလက်ဇန်းဒြိုကဆိုသည်။ “အိမ်ဆောက်ချင်လို့ရောင်းတာကြာနေပြီ လေးငါးလကြာမှရောင်းထွက်သွားတယ်၊ တစ်ဝက်နှုန်းနဲ့ပဲ” ဟု ၎င်း ကပြောသည်။ မိုးရာသီကာလတွင် အိမ်ခြံမြေနေရာ၊ သွားရေးလာရေး အဆင်ပြေမပြေစသည့် အချက်ပေါ်မူတည်၍ အရောင်းအဝယ်ဖြစ်သည့်အတွက် ပွဲစားအချို့အလုပ်အကိုင်ပါးနေကြောင်း သိရသည်။ “ နေရာဒေသပေါ်မူတည်တယ်၊ ဥပမာသူတို့သွားရေးလာရေးနဲ့ အဆင်ပြေတယ်ဆိုရင်တော့ ပွဲကောင်းတယ်၊ လောလောဆယ်တော့ မိုးရာသီမို့ ဈေးငြိမ်နေတယ်၊ အရောင်းအထွက်ဆုံးက နွေရာသီနဲ့ ဆောင်းရာသီဖြစ်တယ်” ဟု ဒီးမော့ဆိုမြို့နယ်တစ်ခွင်တွင် မြေကွက်များ ဝယ်ရောင်းလုပ်နေသည့် အမည်မဖော်လိုသူ မြေပွဲစားတစ်ဦးက ဆိုသည်။ ၎င်းက ယခုလို မိုးရာသီကာလတွင် မြေရောင်းထွက်မကောင်းသော်လည်း လက်ထဲတွင် […]