တရားမဝင်သေနတ် သယ်ဆောင်မှု ၅ ဦး​မြောက်​ တရားခံnလွိုင်ကော်တွင် ထပ်မံဖမ်းမိ

ကန္တာရဝတီတိုင်း(မ်)

သာစည်မြို့နယ်တွင် လွိုင်ကော်မှ မန္တလေးသို့ တရားမဝင်သေနတ်သယ်ဆောင်မှု၏ ကွင်းဆက်တရားခံတစ်ဦးကို ဇူလိုင်လ ၂၁ ရက်နေ့ နေ့လည် ၂ နာရိခွဲအချိန်က သက်သေခံပစ္စည်းများနှင့်တကွ ထပ်မံဖမ်းဆီးခဲ့ကြောင်း သိရသည်။

သာစည်မြို့မရဲစခန်း (ပ) ၁၆၇/၁၇၊၁၉၅၁ လက်နတ်ယာယီပြင်ဆင်ချက် အက်ဥပဒေပုဒ်မ ၁၉/က အမှု၏ ကွင်းဆက်တရားခံဖြစ်သော ဗိုင်းလျန်ဟရန်း(ခ)ကိုဆလိုင်း ငှားရမ်းနေထိုင်သော လွိုင်ကော်မြို့နယ်၊ ထေးသမရပ်ကွက်၊ အမှတ် (၂၁၀) နေအိမ်အား ဝရမ်းအမှတ်(၂၅/၂၀၁၇)ဖြင့် ဝင်ရောက်ရှာဖွေခဲ့ခြင်းဖြစ်သည်။

ဖြစ်စဉ်မှ အဆိုပါနေအိမ်သို့ ဝင်ရောက်ရှာဖွေရာတွင် ဗိုင်းလျန်ဟရန်း(ခ)ကိုဆလိုင်းအား မတွေ့ရှိရဘဲ ခေတ္တစောင့်ဆိုင်းနေစဉ် ဗိုင်းလျန်ဟရန်း(ခ)ကိုဆလိုင်းသည် ၂၁ယ/၃၃၄၆၉ ဟွန်ဒါတီနာအမျိုးအစား ဆိုင်ကယ်ဖြင့် နေအိမ်ခြံဝန်းအတွင်းသို့ ဝင်ရောက်လာခဲ့ကြောင်း သိရသည်။

ဗိုင်းလျန်ဟရန်း(ခ)ကိုဆလိုင်းကို တာဝန်ရှိသူများမှ အသိသက်သေနှင့်အတူ ရှာဖွေရာတွင် နေအိမ်အတွင်းရှိ အနောက်ဖက်နံရံဘေးအခြေတွင် အနက်ရောင် လက်ကိုင်ပါ အပြာရောင် ပလပ်စတစ်ခြင်းအတွင်း ပလပ်စတစ်အကြည်ရောင် ကြွပ်ကြွပ်အိတ်ဖြင့် ထုပ်ပိုးထားသော အဖြူရောင် ကော်ဘူးအတွင်းမှ စိတ်ကြွရူးသွပ်ဆေးပြာဟု ယူဆရသော 88 နှင့် 1 စာတန်းတစ်ဖက်စီပါ ပန်းရောင်ဆေးပြား (၁၄၅)ပြား၊ အလေးချိန်(၁၃.၀၅) ဂရမ်တွေ့ရှိခဲ့သည်။

ထို့အပြင် အဆိုပါ နေအိမ်၏ အရှေ့ဘက်နံရံအခြေ(အိမ်အတွင်း)မှ မောင်ဗိုင်းလျန်ဟရန်းအမည်ပါ နိုင်ငံသားစိစစ်ရေးကတ်ပြား ၁ ခု၊ ဗိုင်းလျန်ဟရန်း(ခ)ကိုဆလိုင်း စီးနင်လာသော ဆိုင်ကယ် ဖင်ထိုင်ခံအောက်​မှ သက်သေခံလက်မှတ် ဗိုင်းလျန်ဟရန်းအမည်ပါ ဆိုင်ကယ်ငွေရပြေစာနှင့် မော်တော်ဆိုင်ကယ် မှတ်ပုံတင်စာအုပ်များပါ မော်တော်ဆိုင်ကယ်အာမခံစာအုပ်(၁)အုပ်တို့ကိုလည်း ရှာဖွေတွေ့ရှိကာ သက်သေခံပစ္စည်းအဖြင့် သိမ်းဆည်းခဲ့ကြောင်း ရဲမှတ်တမ်းအရ သိရသည်။

စစ်ဆေးချက်အရ အဆိုပါဖမ်းဆီးရရှိခဲ့သော စိတ်ကြွရူးသွပ်ဆေးပြားများမှာ လွန်ခဲ့သော ၃ နှစ်ခန့်က နေစိုးထွေးမင်း(ခ) နေစိုးထံမှ ရောင်းချပေးရန်အတွက် နမူနာပေးအပ်ခဲ့သော ဆေးပြားများဖြစ်ကာ ၎င်းကိုယ်တိုင် မသုံးစွဲတတ်/ရောင်းချခြင်းလည်း မပြုလုပ်တတ်သဖြင့် ကျန်ရှိနေသည့် ဆေးပြားများဖြစ်ကြောင်း သိရသည်။

ဗိုင်းလျန်ဟရန်း(ခ)ကိုဆလိုင်းနှင့် ရောင်းချရန်ပေးအပ်ထားသူ နေစိုးထွေးမင်း(ခ)နေစိုး(သာစည်မြို့မရဲစခန်း (ပ) ၁၆၇/၁၇၊၁၉၅၁ လက်နတ်ယာယီပြင်ဆင်ချက် အက်ဥပဒေပုဒ်မ ၁၉/ကဖြင့် အရေးယူထားသူ) တို့ကို မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူပေရန် မူးယစ်တပ်ဖွဲ့စု(၂၀)လွိုင်ကော်၏ ရဲအုပ် မင်းဟန်မှ တရားလိုပြုလုပ်ပြီး တိုင်တန်းထားကြောင်း သိရသည်။

ယခုဖြစ်ပွားခဲ့သော အမှုအပါအဝင် သာစည်မြို့မရဲစခန်း (ပ) ၁၆၇/၁၇၊၁၉၅၁ လက်နတ်ယာယီပြင်ဆင်ချက် အက်ဥပဒေပုဒ်မ ၁၉/က ဖြင့် နောက်ဆက်တွဲ ကွင်းဆက်တရားခံစုံစမ်းဖေါ်ထုတ်ပြီး ဖမ်းဆီးခဲ့သော တရားခံစုစုပေါင်းမှာ ငါးဦးအထိ ရှိသွားပြီ ဖြစ်သည်။

Comments

comments

Next Post

စီးပွားရေးရင်နှီးမြုပ်နှံမှုတွင် နှစ်ဦးနှစ်ဖက် ပွင့်လင်းမြင်သာမှုများ ထားရှိရမည်ဟုဆို

Sat Jul 22 , 2017
မူအက်စတာ ကယားပြည်နယ်၏ လက်ရှိ ငြိမ်းချမ်းရေးဖြစ်စဉ်တွင် နှစ်ဖက်တပ်များ ပစ်ခတ်မှုမရှိသေးသော်လည်း ဖွံ့ဖြိုးရေးစီမံကိန်းများနှင့်အတူ စီးပွားရေးနှင့် ရင်းနှီးမြုပ်နှံရေးများ အပြန်အလှန်အားပြိုင်မှုများကြောင့် ငြိမ်းချမ်းရေးဖြစ်စဉ်ကို ထိခိုက်လာစေနိုင်ကြောင်း ကယားပြည်နယ် ငြိမ်းချမ်းရေးလုပ်ငန်းစဉ်တွင် အနီးကပ် လိုက်ပါဆောင်ရွက်နေသူ ခူးပလုရယ်က ပြောသည်။ “ဒီပြည်နယ်မှာတစ်ခုကောင်းတာက အခုထိနှစ်ဖက်တပ်တွေ မပစ်ကြမခတ်ကြတာ တစ်မျိုးတော့ကောင်းတယ်။ သာမာန်ပြည်သူ လူထုအနေနဲ့ ကောင်းတယ်ပေါ့။ ဒါပေမယ့်တစ်ဖက်ကနေ ပြန်ကြည့်လိုက်တဲ့အခါကျတော့ စီးပွားရေးနဲ့ ရင်းနှီးမြှပ်နှံမှုတွေက ဟိုဖက်နဲ့ဒီဖက် လွန်ဆွဲမှုတွေဖြစ်လာတဲ့အပေါ်မှာ ဒါကလည်း ကြာလာရင် အားပြိုင်မှုတွေ ဖြစ်လာနိုင်တယ်။ ကြာလာရင်တော့အဆိုးဖက်ကို ဦးတည်သွားမှာလားဆိုတဲ့ စိုးရိမ်စိတ်တွေရှိလာတယ်။ အဲ့မျိုးဆိုရင်တော့ ငြိမ်းချမ်းရေးဖြစ်စဉ် ခုလက်ရှိထိန်းနေတဲ့ အခြေအနေကိုလည်း မထိခိုက်ဘူးလို့လည်း မပြောနိုင်ဘူးပေါ့နော” ဟု ခူးပလုရယ်က ပြောပါသည်။ စီးပွားရေးလုပ်ငန်းဖြစ်စေ၊ ရင်းနှီးမြုပ်နှံမှုလုပ်ငန်းဖြစ်စေ၊ အကြီးစားစီမံကိန်းလုပ်ငန်းများဖြစ်စေ […]