spot_img
Wednesday, November 30, 2022
spot_img

တိုက်ပွဲပြင်းထန်တဲ့ ကရင်နီပြည်နယ်အတွင်းမှာ ပြည်သူတွေ ဘေးလွှတ်ရာတိမ်းရှောင်ဖို့ အခက်အခဲတွေ့နေရ

spot_imgspot_imgspot_imgspot_img

ကန္တာရဝတီတိုင်း(မ်)

ကယား(ကရင်နီ)ပြည်နယ်မှာ ယခုရက်ပိုင်းအတွင်း စစ်ကောင်စီတပ်ဘက်က တင့်ကားတွေ၊ တိုက်လေယာဉ်တွေ အင်အားအလုံးအရင်း အသုံးပြုပြီးတော့ စစ်ကြောင်းထိုးနေတဲ့အတွက် ပြည်သူလူထုတွေကော ကူညီကယ်ဆယ်ရေးအဖွဲတွေကော ဘေးလွှတ်ရာထွက်ပြေးတိမ်းရှောင်နိုင်ဖို့ အခက်အခဲတွေ ကြုံတွေ့နေရတယ်လို့ ဒေသခံ တစ်ဦးက ပြောပါတယ်။

“အခုဆိုပြေးကြဆိုလို့ ပြေးလိုက်တာပဲ ။ ဘယ်ကိုပြေးရမှန်းမသိဘူး။ ဘာမှလည်းမသယ်သွားနိုင်ဘူး။ လူတကိုယ်ပဲအိမ်ကနေပြေးထွက်လာခဲ့ကြတာ”လို့ လက်ရှိ တိုက်ပွဲဖြစ်ပွားနေတဲ့ လွိုင်ကော်မြို့ပေါ် မိုင်းလုံးရပ်ကွက်မှာ နေထိုင်တဲ့ ဒေသခံတစ်ဦးက ပြောပါတယ်။

လက်ရှိ လွိုင်ကော်မြို့ မိုင်းလုံးရပ်ကွက်မှာ တိုက်ပွဲတွေကြောင့် ပိတ်မိနေတဲ့ ကလေးတွေနဲ့ ပြည်သူတချို့ရှိနေပြီး ဒဏ်ရာရနေတဲ့ ပြည်သူတချို့လည်းရှိနေတာကြောင့် ကူညီကယ်ဆယ်ရေးတွေ လိုအပ်လျက်ရှိနေတယ်လို့ ဒေသခံ တစ်ဦးကပြောပါတယ်။

“နောက်ပြီးတော့ ဒီမိုင်းလုံးဘက်မှာဆို လက်နက်ကြီးတွေပစ်တယ်။ ဒီမှာထိခိုက်တဲ့ ဒဏ်ရာရရှိတဲ့သူရှိနေတယ်။ ပိတ်မိနေတယ်။အဲလိုအခက်အခဲတွေရှိနေတယ်။”

ယမန့်နေ့ ဇန်နဝါရီလ ၆ရက်နေ့ကလည်း စစ်ကောင်စီတပ်က တင့်ကားတွေနဲ့ လွိုင်ကော်မြို့ပေါ်ကနေ ဒီးမော့ဆိုမြို့ဘက်ကို သွားပြီး ပစ်ခတ်တိုက်ခိုက်မှုတွေရှိခဲ့ပါတယ်။

တရက်တည်းမှာပဲ ရှားတောမြို့နယ် သံလွင်အရှေ့ဘက်ခြမ်းကိုလည်း စစ်ကောင်စီတပ်က တိုက်လေယာဉ်တွေ ဟပ်စကီးတွေနဲ့ ဗုံးလာကျဲသွားတယ်လို့ ကရင်နီကာကွယ်ရေးဒုဝန်ကြီး ခူဒယ်နီယာကပြောပါတယ်။

“သူတို့တကယ်လာကျဲတာကော ခုနကလည်းလာတယ်အခုလည်းလာတယ်။ တိုက်လေယာဉ်ကတော့ ဒီမနက်ကတည်းကလာတယ်။ ဟို့ခုနကပဲ ဟပ်စကီး လာတယ်။ အခုတောင်မှရှိသေးတယထ်။”

ဒီမနက်ဇန်နဝါရီလ ၇ ရက်နေ့မနက်ပိုင်းမှာ သံလွင်အရှေ့ဘက်ခြမ်း ရှားတောမြို့နယ်အတွင်းမှာ စစ်ကောင်စီတပ်နဲ့ ကရင်နီတပ်မတော်တို့ ထိပ်တိုက်တွေ့ဆုံပြီး တိုက်ပွဲဖြစ်ခဲ့ပြီးနောက် စစ်ကောင်စီတပ်ဘက်က တိုက်လေယာဉ်တွေနဲ့ ၅ ကြိမ်လာရောက်ပစ်ခတ်ခဲ့တာလို့ ခူဒယ်နီယာက ဆိုပါတယ်။

သုံးရက်အတွင်းမှာလက်ရှိ ဖြစ်ပွားနေတဲ့ တိုက်ပွဲတွေက လွိုင်ကော်မြို့အထွက်ဘက် ရှားတောမြို့ဘက်သွားတဲ့ ပါလောင်းကျေးရွာအနီး ၊ လွိုင်ကော်မြို့ကနေ မိုးဗြဲအထွက် ကယန်းသာယာကျေးရွာအနီး ၊ လွိုင်ကော်ကနေ ဒီးမော့ဆိုမြို့နယ်လမ်းမပေါ်ရှိ ၆ မိုင်ကျေးရွာ၊ ဒေါပိုးစီကျေးရွာ စတဲ့ မြို့ရဲ့ ထွက်ပေါက်တွေမှာဖြစ်နေတာကြောင့် ပြည်သူလူထုတွေက လွိုင်ကော်မြို့ထဲမှာ ပိတ်မိနေကြတာဖြစ်ပါတယ်။

spot_imgspot_imgspot_imgspot_img

More from the blog

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...