spot_img
Monday, February 6, 2023
spot_img

တိုက်ပွဲဖြစ်ပွားခြင်းမရှိတဲ့ ကျေးရွာထဲကို လက်နက်ကြီးကျရောက်ပေါက်ကွဲပြီး စပါးကျီတစ်လုံး မီးလောင်ပြာကျ၊ နေအိမ်ထိခိုက်ပျက်စီးမှုရှိ

spot_imgspot_imgspot_imgspot_img

ကန္တာရဝတီတိုင်း(မ်)

တိုက်ပွဲဖြစ်ပွားခြင်းမရှိတဲ့ ရှမ်း – ကရင်နီနယ်စပ် ဖယ်ခုံအင်းအရှေ့ဖက်ကမ်းမှ ကရင်ကျေးရွာအုပ်စုရှိ ကျေးရွာတွေထဲကို စစ်ကောင်စီတပ်မှ လက်နက်ကြီးတွေ ရမ်းသန်းပစ်ခတ်တာကြောင့် ညောင်မွန်းကျေးရွာမှ စပါးကျီတစ်လုံး မီးလောင်ပြာကျပြီး နေအိမ်ထိခိုက်ပျက်စီးမှုလည်း ရှိတယ်လို့ ဒေသခံတွေဆီကနေ သိရှိရပါတယ်။

“တိုက်ပွဲတော့ မဖြစ်ဘူး။ လက်နက်ကြီးတွေ ရမ်းသန်းပစ်ခတ်တော့ နေအိမ်တွေ ထိတယ်။ စပါးကျီတွေထိတော့ မီးလောင်သွားတယ်။ လွယ်ပေါအုပ်စု နန်းပေါ်လုံဖက်တော့ စစ်ကောင်စီတွေ အကုန်နေရာယူထားတယ်။ အခုလောလောဆယ် သူတို့ တောင်ပေါ်က စေတီမှာ အကုန်လုံး နေရာယူထားတယ်။ နန်းပေါ်လုံမှာ အိမ်တွေကိုလည်း မီးရှို့ထားတယ်” လို့ ကရင်ကျေးရွာအုပ်စုရှိ ဒေသခံတစ်ဦးက ကန္တာရဝတီတိုင်း(မ်) ကို ပြောပါတယ်။

မီးလောင်ပြာကျသွားတဲ့ စပါးကျီထဲမှာ စပါးတွေကို သိုလှောင်ထားပြီး မီးလောင်ပျက်စီးကုန်တယ်လို့ သိရပါတယ်။ လက်နက်ကြီးကြောင့် လူနေအိမ်၊ စပါးကျီ၊ ရေချိုးခန်း၊ အိမ်သာ၊ လယ်ထွန်စက်နဲ့ တခြားအသုံးအဆောင်ပစ္စည်းတွေ ထိခိုက်ပျက်စီးမှု များပြားတယ်လို့ သိရပါတယ်။

မေလ ၂၀ ရက်နေ့မှာ ကရင်ကျေးရွာအုပ်စုအတွင်းကို လက်နက်ကြီး ငါးလုံး ကျရောက်ခဲ့တယ်လို့ ဒေသခံတွေက ပြောပါတယ်။

ယနေ့ (မေလ ၂၂ ရက်) မနက်ပိုင်းမှာလည်း လက်နက်ကြီးပစ်ခတ်သံ၊ လက်နက်ငယ် ပစ်ခတ်သံတွေ ကြားနေရတယ်လို့ ကရင်ကျေးရွာအုပ်စုမှ ဒေသခံတစ်ဦးက ကန္တာရဝတီတိုင်း(မ်) ကို ပြောပါတယ်။

“ဒီမနက်အထိ လက်နက်ကြီးသံတွေကြားတယ်။ လက်နက်ငယ်သံတွေလည်း တစ်ကြိမ်နှစ်ကြိမ်ကြားတယ်။ တိုက်ပွဲဖြစ်လား၊ သူတို့ (စစ်ကောင်စီ) ပဲ ရမ်းသန်းပစ်တာလား မသိဘူး။ သူတို့က ခနခန သူတို့ဘာသာသူတို့ ပစ်တာလည်း ရှိတော့လေ” လို့ အဆိုပါ ဒေသခံက ဆက်ပြောပါတယ်။

ပြီးခဲ့တဲ့ မေလ ၁၂ရက်နေ့မှာ စစ်ကောင်စီနဲ့ PNO တို့ ဂိတ်ထိုင်ထားတဲ့ ထီရိကင်းစခန်းတစ်ခုကို KNDF နဲ့ PDF တို့ တိုက်ခိုက်ခဲ့ရာ စစ်သုံ့ပန်း ၅ ဦးကို ဖမ်းဆည်းရမိခဲ့ပြီး လက်နက်တချို့ကို သိမ်းဆည်းရမိပြီးနောက် တိုက်ပွဲတွေ ဆက်လက်ပြင်းထန်လာခဲ့တာ ဖြစ်ပါတယ်။

ဒါ့အပြင် စစ်ကောင်စီတပ်က မေလ ၁၆ ရက်နေ့မှာ ဆောင်နန်းခဲကျေးရွာကို မီးရှို့ခဲ့ပြီး ၎င်းတို့ နေရာယူထားတဲ့ လွယ်ပေါအုပ်စုအတွင်ရှိ နန်းပေါ်လုံကျေးရွာမှ နေအိမ်တချို့ကိုလည်း မေလ ၂၀ ရက်နေ့မှာ မီးရှို့ဖျက်ဆီးတာတွေ ပြုလုပ်ခဲ့ပါတယ်။

ဖယ်ခုံအင်းအရှေ့ဖက်ကမ်းမှ ဒေသခံပြည်သူ ၅ ထောင်နီးပါး စစ်ဘေးရှောင်နေရပြီး နေရာထိုင်ခင်းနဲ့ စားနပ်ရိက္ခာအရေးပေါ် လိုအပ်နေဆဲ ဖြစ်ပါတယ်။

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...