spot_imgspot_imgspot_imgspot_img
Friday, July 19, 2024
spot_imgspot_imgspot_imgspot_img

တိုက်ပွဲအတွင်း စိတ်ဝေဒနာခံစားခဲ့ရတဲ့ DMO-PDF တပ်စိပ်မှူးတစ်ဦး ကျဆုံး

ကန္တာရဝတီတိုင်း(မ်)

ဒီးမော့ဆိုမြို့နယ် ပြည်သူ့ကာကွယ်ရေးတပ် (DMO-PDF) တပ်ရင်း G မှာ တပ်စိပ်မှူးအဖြစ် တာဝန်ထမ်းဆောင်နေတဲ့ အသက် ၄၄နှစ်အရွယ် ဦးတင်မြင့်ဟာ တိုက်ပွဲအတွင်းကြုံတွေ့ခဲ့ရတဲ့ သွေးထွက်သံယိုမှုတွေ ၊ လက်နက်ကြီး ကျရောက်မှုတွေကြောင့် စိတ်ဝေဒနာ ၇လ ကျော်ခံစားခဲ့ရပြီး အောက်တိုဘာလ ၂၁ရက်နေ့မှာ ကျဆုံးခဲ့တယ်လို့ ပြည်သူ့ကာကွယ်ရေးတပ်- ဒီးမော့ဆိုမြို့နယ်က အောက်တိုဘာလ ၂၃ရက်နေ့မှာ သတင်းထုတ်ပြန်ပါတယ်။

၂၀၂၂ခုနှစ် ဧပြီလကတည်းက စိတ်ဝေဒနာရရှိနေတာဖြစ်ပြီး ဆေးကုသမှုခံယူပေမယ့် ဝေဒနာကြောင့် ကျဆုံးသွားခဲ့ရတယ်လို့ DMO -PDFက တာဝန်ရှိသူတစ်ဦးက ပြောပါတယ်။

“ သူတို့ရဲ့ အမျိုးပြောပုံအရတော့ သူက ရောဂါအခံတော့ မရှိဘူး။ တိုက်ပွဲကြားမှာ အဲ့လို စိတ် ထဖောက်သွားတာပဲရှိတယ်။ ရောဂါ အခံတော့ မရှိဘူး။ တိုက်ပွဲကြောင့်ပဲ သူစိတ်ဒဏ်ရာရခဲ့တာပေါ့။ ပြောရမယ်ဆိုရင် စိတ်ဝေဒနာ အရမ်းပြင်းထန်တော့ သူစိမ်းတွေနဲ့ သူမဆက်ဆံတော့ဘူး သူ့မိသားစု အသိုင်းအဝိုင်းကိုတောင်မှ သူက ကြောက်နေရတယ်။ ပြီးခဲ့တဲ့ ၂၁ ရက်နေ့မှာ ကျသွားတယ်ပေါ့။ အဲ့ဒီဝေဒနာကြောင့်ပဲလို့ ကျနော်တို့ အတည်ပြုလိုက်ရတယ်ပေါ့။ “ လို့ DMO -PDFက တာဝန်ရှိသူတစ်ဦးက ပြောပြပါတယ်။

ဒါ့အပြင် အောက်တိုဘာလ ၂၀ ရက်နေ့မှာ နယ်မြေရှင်းလင်းရေးပြုလုပ်နေစဉ် DMO-PDFတပ်ရင်း Gမှ အသက် ၄၁နှစ်ရှိပြီဖြစ်တဲ့ တပ်စုမှူး ဦးဂျိုးဇက်ကလည်း မိုင်းနင်းမိခဲ့ပြီး ခြေထောက်နှစ်ဖက်လုံး ပြတ်သွားပြီးနောက် ပွဲချင်းပြီး သေဆုံးခဲ့ရတယ်လို့ သိရပါတယ်။ အောက်တိုဘာလအတွင်းမှာဆိုရင် DMO-PDFရဲဘော်နှစ်ဦး ကျဆုံးသွားခဲ့ရတာဖြစ်ပါတယ်။

ကျဆုံးသွားတဲ့ ရဲဘော်နှစ်ဦး ရဲ့ ဇာတိကတော့ ဒီးမော့ဆိုမြို့နယ်အတွင်းကဖြစ်ပြီး လက်ရှိ ကျန်ရစ်တဲ့ မိသားစုဝင်တွေဟာ စစ်ဘေးရှောင်နေရတာ ဖြစ်ပါတယ်။

Photo – DMO PDF
spot_img
spot_img