တိုင်းရင်းသားနှစ်ပါတီ ပူးပေါင်းကာ ပါတီအသစ်ထူထောင်ပြီ

ကန္တာရဝတီတိုင်း(မ်)

ကယား(ကရင်နီ)ပြည်နယ် အခြေစိုက်ပါတီဖြစ်သော ကယားလူမျိုးစု ဒီမိုကရေစီပါတီနှင့် လူမျိုးပေါင်းစုံဒီမိုကရေစီပါတီ(ကယားပြည်နယ်) နှစ်ပါတီ ပူးပေါင်းကာ ပါတီအသစ်တစ်ခု တည်ထောင်လိုက်ပြီဖြစ်ကြောင်း ပါတီ၏ ပြောရေးဆိုခွင့်ရှိသူ စိုင်းနိုင်နိုင်ထွေးက ကန္တာရဝတီတိုင်း(မ်)သို့ ပြောကြားသည်။

“ကျတော်တို့သဘောတူခဲ့ကြတယ်။ဒေသအတွင်းနိုင်ငံရေး လုပ်ငန်းစဉ်လို့ ပြောတဲ့အခါကျရင် လက်ရှိ ငြိမ်းချမ်းရေးဖြစ်စဉ်အပါအဝင် ဒေသအတွင် ဖယ်ဒရယ်ဖြစ်ထွန်းပေါ်ပေါက်မှုတွေအပါ ကျတော်တို့ အဓိကဦးတည်ပြီး ဖွဲ့စည်းခဲ့တာပါ။”ဟု စိုင်းနိုင်နိုင်ထွေးက ပြောကြားသည်။

တိုင်းရင်းသားပါတီ နှစ်ပါတီကို စုစည်းကာ အင်အားတောင့်တင်းသော ပါတီတစ်ခုအဖြစ် နိုင်ငံရေးတွင် ထဲထဲဝင်ဝင်လှုပ်ရှားရန် အဆိုပါ ပါတီတာဝန်ရှိသူများမှ ရည်ရွယ်လိုက်ခြင်းလည်း ဖြစ်သည်။ 
နှစ်ပါတီပူးပေါင်းကာ ဖွဲ့စည်းလိုက်သော ပါတီကို ကယားပြည်နယ်ဒီမိုကရက်တစ်ပါတီဟူ၍ အမည်ပေးထားကာ တစ်ပြည်နယ်လုံးလွမ်းခြုံအခြေစိုက်သော တိုင်းရင်းသားပါတီတစ်ခု ဖြစ်လာမည် ဖြစ်သည်။

ပါတီကို ရွေးကောက်ပွဲကော်မရှင်သို့ မှတ်ပုံတင်ထားပြီး ပါတီအလံနှင့် တံဆိပ်တို့ကိုလည်း တရားဝင် ကြေညာခြင်းများ ဆောင်ရွက်နေပြီဖြစ်ကြောင်း သိရသည်။

​ရွေး​ကောက်​ပွဲ​ကော်​မရှင်​ထံ မှတ်​ပုံတင်​ထား​သော ကယားပြည်​နယ်​ ဒီမိုကရက်​တစ်​ပါတီ၏ အလံနှင်​့ တံဆိပ်​

ပါတီ၏ မူဝါဒနှင့် ရှေ့ဆက်လုပ်ငန်းစဉ်များ ရေးဆွဲခြင်း၊ အလုပ်အမှုဆောင်များ ရွေးချယ်ခြင်းကိုလည်း မကြာခင်အချိန်အတွင်း လုပ်ဆောင်သွာမည်ဟု စိုင်းနိုင်နိုင်ထွေးက ပြောသည်။

“သေချာတာက ဖယ်ဒရယ်ပြည်ထောင်စုစနစ်ကို စိတ်ဝင်စားတဲ့ ဒီမိုကရက်တစ်ပါတီအားလုံးနဲ့ ကျနော်တို့က မဟာမိတ်အဖြစ်နဲ့ပဲ သွားကြမှာ။ ဒေသအခြေစိုက်လို့ ပြောလိုက်တဲ့အခါမှာ ကယားပြည်နယ် နိုင်ငံရေးကို အထူး အာရုံစိုက်လုပ်ပြီးတော့ ပြည်ထောင်စုအဆင့် ဖော်ဆောင်နိုင်ရေးကိစ္စရပ်တွေက ဒီမိုကရက်တစ်အင်အားစုတွေနဲ့ ပေါင်းစည်းဆောင်ရွက်ရမဲ့ဟာ ဒါကတော့ သဘောထားအမှန်ပါ။”ဟု ၎င်းက ပြောကြားသည်။

Comments

comments

Next Post

တရားမဝင်​ခဲသတ္တု သို​လှောင်​ထား​သော တရားခံကို မဖမ်းမိသေး

Mon Aug 14 , 2017
ကန္တာရဝတီတိုင်​း(မ်​) ဩဂုတ်​လ ၁ဝ ရက်​​နေ့က လွိုင်​​ကော်​မြို့နယ်​ရှိ ​နေရာ နှစ်​​နေရာတွင်​ တရားမဝင်​ခဲသတ္တုများကို တရားဝင်ရောင်းချရန် သိမ်းဆည်းထားသည်ကို သက်​​သေခံပစ္စည်​းများနှင်​့တကွ သိမ်​းဆည်​းရရှိခဲ့​သော်လည်း ပစ္စည်းများ၏ ပို်င်ရှင်ကိုမူ ဩဂုတ်လ ၁၄ ရက်နေ့အထိ ဖမ်းမိရရှိခြင်း မရှိသေးကြောင်း လွိုင်ကော်မြို့၊ မြို့မရဲစခန်းမှ သိရသည်။ နေအိမ်သို့ ဝင်ရောက်ရှာဖွေရာနေ အိမ်ရှင်ကို တွေ့ရှိရခြင်း မရှိဘဲ သက်သေခံပစ္စည်းများကိုသာ တွေ့ရှိရခြင်းဖြစ်ကြောင်း ရဲမှတ်တမ်းတွင် ဖေါ်ပြထားသည်။ အမှုဖွင့်ထားသော ၁၁ ရက်နေ့အထိ အဆိုပါ ပိုင်ရှင်များကိုလည်း စုံစမ်းဆဲဖြစ်ကြောင်း သိရသည်။ ခဲသတ္တုမာျး တွေ့ရှိခဲ့သော အိမ်ပိုင်ရှင်ကို ရှာဖွေဖေါ်ထုတ်ရန် လုပ်ဆောင်နေသည်ဟု အဆိုပါ အမှုကို အမှုစစ်အဖြစ်တာဝန်ယူထားသူ ဒုရဲအုပ် ငြိမ်းဇော်မင်းက ကန္တာရဝတီတိုင်း(မ်)ကို ဩဂုတ်လ […]

ဆက်စပ်သတင်းများ