spot_img
Tuesday, January 31, 2023
spot_img

ထိုင်းနိုင်ငံရောက် ကယန်းလူငယ်တစ်ဦး လုပ်ငန်းခွင်မတော်တဆကြောင့် ဆေးရုံတက်နေရပြီး ဆေးဖိုးဝါးခလိုအပ်နေ

spot_imgspot_imgspot_imgspot_img

ကန္တာရဝတီတိုင်း( မ် )

ထိုင်းနိုင်ငံ ဘန်ကောက်မြို့ရှိ ဆောက်လုပ်ရေးလုပ်ငန်းတစ်ခုမှာ အလုပ်လုပ်နေတဲ့ ကရင်နီပြည်က အသက် ၂၃နှစ်အရွယ်ရှိတဲ့ ကယန်းလူငယ်တစ်ဦးဖြစ်သူ ကိုပေါလူဟာ လုပ်ငန်းခွင်တွင်း မတော်တဆကြောင့် ဆေးရုံတက်နေရပြီး ၎င်းအတွက် ဆေးဖိုးဝါးခလိုအပ်နေတယ်လို့ ပေါလူရဲ့ အစ်ကိုဖြစ်သူက ပြောပါတယ်။

“ကျနော်တို့ ငွေရေးကြေးရေးပိုင်းလည်း ကျနော်တို့ အသိလည်းမရှိဘူး။ ခင်တာတွေလည်းမရှိဘူး။ နောက်ပြီးတော့မှ ကျနော့်ညီအတွက် ကျနော်တို့ စိုးရိမ်ရတယ်ပေါ့။ အသက်တစ်ချောင်းရှင်ရအောင်လို့ ကျနော်တို့ ဘယ်လိုလုပ်ပေးရမလဲ။ ကျနော်တို့လည်း ပိုက်ဆံလည်းမရှာတတ်ဘူး။ ဒီမှာ အလုပ်လည်းတတ်တာလည်း မကြာသေးဘူး။ နောက် ကျနော်တို့အားနည်းချက်ရှိတာပေါ့”လို့ ကိုပေါလူရဲ့ အစ်ကိုဖြစ်သူက ပြောပါတယ်။

၎င်းတို့မိသားစုက ဒီးမော့ဆိုမြို့က စစ်ဘေးရှောင်စခန်းတစ်ခုမှာ စစ်ဘေးရှောင်နေရပြီး ရေရှည်စားဝတ်နေရေးအတွက် ထိုင်းနိုင်ငံ ဘန်ကောက်မြို့ကို အခက်အခဲအမျိုးမျိုးကြားကနေ လာခဲ့ရတယ်လို့ ဆိုပါတယ်။ မိသားစုဝင် ၁၃ယောက်ရှိတဲ့ ကိုပေါလူက ဒီးမော့ဆိုမြို့နယ် လီဝိုးကျေးရွာကဖြစ်တယ်လို့ ဆိုပါတယ်။ အကို၊ ညီဖြစ်သူတွေနဲ့ ထိုင်းနိုင်ငံမှာ အလုပ်လုပ်တာ သုံးလခန့်သာရှိပါသေးတယ်။

ပြီးခဲ့တဲ့ ဇန်နဝါရီလ ၁၇ရက်နေ့ မနက်၁၀နာရီဝန်းကျင်မှာ လုပ်ငန်းခွင်တွင်း မတော်တဆထိခိုက်မိပြီး ဒဏ်ရာပြင်းထန်တဲ့အတွက် ဆေးရုံမှာ ခွဲစိတ်မှု နှစ်ကြိမ်ပြုလုပ်ခဲ့ရပါတယ်။

“မနေ့ညက ခေါင်းကတော့ ခွဲစိတ်ရသေးတယ်။ ချုပ်လည်းချုပ်ပြီးပြီ အကုန်လုံးပြီးပြီ မိုးလင်း ၂နာရီရောက်တော့ သူ့အဆုတ်ဒဏ်ရာလည်း ရတယ်။ နောက်ဒီရက်က ၁၁နာရီ၊ ၁၂နာရီ မထိုးခင်မှာလည်း ပြန်ခွဲရတယ်ပေါ့နော။ တစ်ခါပြန်ခွဲရတယ်။” လို့ ကိုပေါလူရဲ့ အကိုက ယမန်နေ့ ဇန်နဝါရီလ ၁၈ရက်နေ့မှာ ပြောပြပါတယ်။

လက်ရှိအချိန်အထိ သတိပြန်မရသေးပေမယ့် အသက်အန္တာရာယ်တော့ မစိုးရိမ်ရတော့ဘူးလို့ ဆိုပါတယ်။ ဆေးဖိုးဝါးခကုန်ကျစရိတ်တွေအတွက် ထိုင်းဘတ်ငွေ ၅သိန်း ( လက်ရှိကျပ်ငွေပေါက်စျေး ၄၂၅ သိန်း ဝန်းကျင် ) ကုန်ကျနိုင်တယ်လို့ အကိုဖြစ်သူက ပြောပါတယ်။ မိသားစုအနေနဲ့ ငွေကြေးမတတ်နိုင်တာကြောင့် တတ်နိုင်တဲ့ဖက်က ကူညီပေးကြဖို့ ကိုပေါလူအကိုဖြစ်သူက မေတ္တာရပ်ခံထားပါတယ်။

လက်ရှိ ထိုင်းနိုင်ငံကို ရောက်ရှိနေတဲ့ မြန်မာရွေ့ပြောင်းအလုပ်သမား ၄ သန်းဝန်းကျင် ရှိနိုင်တယ်လို့ အလုပ်သမားအရေးဆောင်ရွက်ပေးနေတဲ့ ပညာရေးနှင့်ဖွံ့ဖြိုးတိုးတက်ရေးဖောင်ဒေးရှင်း(FED) ရဲ့ စာရင်းအရ သိရပါတယ်။

spot_imgspot_imgspot_imgspot_img

More from the blog

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...

အရေးပေါ်ရွေ့ပြောင်းလာတဲ့ စစ်ရှောင်တွေကို စာသင်ကျောင်းမှာနေရာချထား၊ ကျောင်းယာယီပိတ်ထားရ

ကေးဒူ ( ကန္တာရဝတီတိုင်း(မ်)) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ ဇန်နဝါရီလ ၂၅ ရက်နေ့က တိုက်ပွဲကြောင့် အရေးပေါ် ထွက်ပြေးတိမ်းရှောင်လာတဲ့ ဒီးမော့ဆိုအရှေ့ခြမ်းက ဒေသခံကျေးရွာ အပါအဝင် တိုက်ပွဲနဲ့ နီးတဲ့ စစ်ရှောင်စခန်းတွေမှာနေထိုင်တဲ့ လူဦးရေ သုံးထောင်ငါးရာ ဝန်းကျင်လောက် အတွက် နေရာထိုင်ခင်းတွေအခက်ခဲဖြစ်နေတယ်လို့ ဒေသခံတွေက ပြောပါတယ်။ လက်ရှိမှာတော့...