ဒီးမောဆိုမြို့နယ်၊ ထီးဖိုးကလိုးကျေးရွာအုပ်စုရှိ ဖဲလျားကျေးရွာမှ စာသင်ကျောင်းကို CDM ကျောင်းအဖြစ် သတ်မှတ်ကာ မတ်လ ၁၂ ရက်နေ့မှာ CDM ဆိုင်းဘုတ်တင်လိုက်တယ်လို့ ကျေးရွာ တာဝန်ရှိသူ တစ်ဦးက ပြောပါတယ်။
” ကျနော်တို့ကျေးရွာသူ၊ ကျေးရွာသားတွေ၊ ဆရာမတွေ ပူးပေါင်းပြီးတော့ ရှူံ့ချတဲ့အချက်ပေါ့နော။ မလိုလားတဲ့အချက်ပေါ့နော။ နံပါတ်တစ်က စစ်အာဏာရှင်ဖျက်သိမ်းရေးပေါ့နော၊ နောက်ပြီး စစ်ကောင်စီအောက်မှာ လုံးဝ ကျနော်တို့ သားသမီးတွေပေါ့နော၊ စာမသင်စေချင်ဘူးပေါ။ပြီးတော့ ၂၀၀၈ ဖွဲ့စည်းပုံအခြေခံ ဥပဒေလည်း ဖျက်သိမ်းစေချင်တယ်။ ပြီးတော့ ဖမ်းဆီးခံထားတဲ့ နိုင်ငံ့ခေါင်းဆောင်များ၊ နိုင်ငံ့အကျဥ်းသားများအားလုံးကို ပြန်လွတ်စေချင်တဲ့ ရည်ရွယ်ချက်နဲ့ပါ။ ” လို့ ဖဲလျားကျေးရွာမှ တာဝန်ရှိသူ တစ်ဦးက CDM ကျောင်းအဖြစ် သတ်မှတ်ရတဲ့ ရည်ရွယ်ချက်ကို ပြောပါတယ်။
တခြားကျောင်းတွေကိုလည်း ပူးပေါင်းပါဝင်ပေးဖို့ သူက တိုက်တွန်းတောင်းဆိုသွားပါတယ်။
