ကန္တာရဝတီ တိုင်း(မ်)
ကရင်နီပြည် ဒီးမော့ဆိုမြို့နယ်အတွင်းက စစ်ရှောင်စခန်းတစ်ခုမှာ ကလေးငယ်တစ်ဦး နဲ့ လူငယ်တစ်ဦးကို ခွေး(ခွေးရူး ဟုယူဆထား) ကိုက်ခံရတယ်လို့ သိရပါတယ်။
ယမန့်နေ သြဂုတ်လ ၁၆ ရက်နေ့ (၁)ရက်ထဲမှာပဲ အဆိုပါခွေး (ခွေးရူးဟုယူဆထား) တစ်ကောင်ဟာ အသက် ၂၀ ကျော်အရွယ် လူငယ်အမျိုးသားနဲ့ အသက် ၅ နစ်အရွယ် ကလေးငယ်တို့ကို ကိုက်သွားတာဖြစ်ပါတယ်။
“မနေ့ညနေက ၄ နာရီ အချိန်လောက်မှာပေါ။ ကျောင်းကနေပြန်လာပြီးတဲ့ အချိန်မှာပေါ့။ သူ့အမေက ရေကန်ဘေးမှာ ရှိနေတယ်။ သားသား ရေလာချိုးမြန်မြန်လာ လူမရှိတုန်းဆိုပြီး အော်ခေါ်လိုက်တာ။ ကလေးက ပြေးလာတော ချက်ချင်းမချိုးပဲ ခဏဆော့နေသေးတယ်။ အချိန်မှာပဲ ခွေးက လာကိုက်သွားတာ။ သူ့အမေက အဝတ်တောင် မလျော်ဖြစ်လိုက်ဘူး။ ပြေးသွားလိုက်တာ အခုထိ သူ့ဖိနပ်တွေတောင်မှာ အောက်မှာ ကျန်ခဲ့သေးတယ်” လို့ မျက်မြင်သက်သေ တစ်ဦး က ပြောပါတယ်။
လက်ရှိ စစ်ရှောင်စခန်းမှာ ဆေးခန်း ဖွင့်လှစ်ထားတာ ရှိပေမယ့် ခွေးကိုက်ခံရတာနဲ့ ပက်သက်တဲ့ ဆေးဝါးတော မရှိဘူးလို့ ဆိုပါတယ်။ လက်ရှိမှာတော နီးစပ်ရာ ဆေးရုံ၊ဆေးခန်း တွေမှာ ပို့ဆောင်ထားတယ်လို့ သိရပါတယ်။
အဆိုပါ စစ်ရှောင်စခန်းမှာ စာသင်ကျောင်းတွေ ဖွင့်လှစ်ထားတာဖြစ်ပြီး ကျောင်းနေအရွယ် ကလေးငယ်တွေ ရှိနေတာကြောင့် အဆိုပါခွေး(ခွေးရူး ဟုယူဆထား) ကိုက်ခံရမှာကို ကလေးမိဘတွေက စိုးရိမ်နေကြတယ်လို့ သိရပါတယ်။
