spot_img
Monday, May 16, 2022
spot_img

ဒီးမော့ဆိုမြို့နယ်တစ်နေရာတိုက်ပွဲပြင်းထန်၊ ကင်းထောက်လေယာဉ်ဝဲနေ

ကန္တာရဝတီတိုင်း(မ်)

ကရင်နီပြည် ဒီးမော့ဆိုမြို့အနောက်ဖက်ခြမ်းရှိ ဆီးလီဒုံးကျေးရွာအနီးတစ်ဝိုက်ဖက်မှာ ဒီကနေ့ မနက် ၅နာရီကျော်အချိန်ကစ နေ့ခင်း ၁၂နာရီခွဲအချိန်ထိ တိုက်ပွဲပြင်းထန်ပြီး ကင်းထောက်လေယာဉ်ပျံဝဲနေတယ်လို့ သိရပါတယ်။

“လက်နက်ကြီးကတော့ တစ်ကုန်ထုတယ်။ ကောင်းကောင်းကြားရတယ်။ စောနကပဲ ကင်းထောက်လေယာဉ်တစ်စီးလာတယ်။ ပစ်တော့မပစ်သေးဘူး။ တိုက်ပွဲကတော့ ဒီမနက် ၅နာရီခွဲကနေ ခုချိန်ထိပဲ။” လို့ ဒေသခံတစ်ဦးက ၁၂နာရီခွဲမှာ အတည်ပြု ပြောပါတယ်။

စစ်ကောင်စီတပ်က ဆီးလီဒုံးကျေးရွာဖက်ကို အင်အား ၃၀၀ခန့်ဖြင့် စစ်ကြောင်းနှစ်ကြောင်းခွဲကာ တင့်ကား၊ လက်နက်ကြီးပစ်ကူ အသုံးပြုပြီး ထိုးစစ်ဆင်လာတယ်လို့ အလယ်ပိုင်းတိုင်း အထူးစစ်ဆင်ရေးအဖွဲ့က ထုတ်ပြန်ထားပါတယ်။

ထိုးစစ်ဆင်လာတဲ့ စစ်ကောင်စီတပ်ကို ကရင်နီတပ်မတော်(KA)၊ KNDF၊ DMO-PDF၊ Loikaw PDF၊ အလယ်ပိုင်းတိုင်းအထူးစစ်ဆင်ရေးတပ်၊ ညီနောင်မဟာမိတ်တို့ ပူးပေါင်းပြီး တိုက်ခိုက်နေတယ်လို့ သိရပါတယ်။

ဖေဖော်ဝါရီလ ၁၆ရက်နေ့မှစ ၂၃ရက်နေ့အထိ မိုးဗြဲမြို့နယ်မှာ တိုက်ပွဲပြင်းထန်ခဲ့ပြီးနောက် မိုးဗြဲ-ဒီးမော့ဆိုလမ်းပိုင်းကို စစ်ကောင်စီတပ် ထိန်းချုပ်ထားလိုက်ပြီး ဖေဖော်ဝါရီလ ၂၃ရက်နေ့မှာတော့ နန်းမယ်ခုံမြို့အပြင် အနီးတစ်ဝိုက်ကျေးရွာတွေကို မြေပြင်စစ်ကြောင်းအပြင် လေကြောင်းတိုက်ခိုက်မှု ပြုလုပ်ခဲ့တဲ့အတွက် ဒေသခံ သောင်းချီထွက်ပြေးတိမ်းရှောင်ခဲ့ရပါတယ်။

spot_imgspot_imgspot_imgspot_img

More from the blog

စစ်ကောင်စီတပ်မှ ပြည်သူများကိုအသုံးချပြီး ပစ္စည်းသယ်ယူနေတာကြောင့် ရှားတော-လွိုင်ကော်လမ်းကို ယာယီပိတ်ထား

ကန္တရ၀တီတိုင်း(မ်) စစ်ကောင်စီတပ်ဟာ ခရီးသွားလာနေတဲ့ပြည်သူတွေကို အသုံးချပြီး ကြားဖြတ်ရိက္ခာတွေ သယ်ယူ ခိုင်းနေတာကြောင့် ရှားတော-လွိုင်ကော်လမ်းကို မေလ ၁၆ ရက်က စပြီး ယာယီပိတ်ထားကြောင်း KNDF B-17က ထုတ်ပြန်ထားပါတယ်။ “သူတို့က ပေါ်တင်မလှုပ်ရှားဘဲနဲ့ ပြည်သူလူထုထဲကနေပြီး ရိက္ခာသယ်ခိုင်းတဲ့ဟာမျိုးတွေ ပြည်သူထဲကနေ လှုပ်ရှားတဲ့ခါကျတော့ ကျမတို့အတွက်အဆင်မပြေလို့ အဲဒါလေးတွေဖျက်ချင်လို့ပဲ ဒီလမ်းကို ကျမတို့ပိတ်ထားရတာဖြစ်တယ်”...

ဖယ်ခုံအင်းအရှေ့ဘက်ခြမ်းကို စစ်ကောင်စီက လေကြောင်းဖြင့် ဗုံးကျဲတိုက်ခိုက်၊ နှစ်ဖက် ကျဆုံးမှုရှိ

ကန္တာရဝတီတိုင်း( မ် ) ရှမ်းပြည်နယ်တောင်ပိုင်း၊ ဖယ်ခုံအင်းရှေ့ဘက်ခြမ်းကျေးရွာတွေမှာ ယမန်နေ့(မေလ ၁၅ ရက်နေ့ ) က တိုက်ပွဲဖြစ်ပွားခဲ့ပြီး စစ်ကောင်စီဘက်က လေကြောင်းသုံးပြုပြီး သုံးကြိမ် ဗုံးကျဲတိုက်ခိုက်ခဲ့တယ်လို့ ဖယ်ခုံ PDF တာဝန်ရှိသူ တစ်ဦးက ပြောပါတယ်။ “ ဂျက်တိုက်လေယာဉ်ကတော့ နှစ်စီးဗျ။ သူတို့ ဗုံးကျဲတာကတော့ သုံးခေါက်ကျဲသွားတယ်။...

မူးယစ်ဆေးသုံးနေတဲ့ ပြည်သူတစ်ဦးကို KNDF B-10 ထိန်းသိမ်းထား

ကန္တာရဝတီတိုင်း(မ်) မေလ ၁၂ ရက်နေ့က ဒီးမော့ဆိုမြို့နယ် ကရင်နီတပ်မတော် KA ၊ အမှတ်(၁)ခရိုင်ထဲက ကျေးရွာတစ်ရွာ မှာ မိသားစုဝင်က လာရောက်တိုင်ကြားတဲ့အတွက် မူးယစ်ဆေး သုံးစွဲနေတဲ့ ပြည်သူတစ်ဦးကို သွားရောက်ခေါ်ဆောင် ပြီး ထိန်းသိမ်းထားနေတယ်လို့ KNDF B-10 တပ်ရင်းမှူးက ပြောပါတယ်။ “ ကျနော်တို့ သူ့ကို...

ဒီမော့ဆိုအရှေ့ဖက်ခြမ်းမှာ မူးယစ်ဆေးဝါးအလုံး (၃၀၀၀) ခန့် ဖမ်းဆီးရမိ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဖက်ခြမ်းရှိ အမှတ် (၁) ခရိုင်မှ ကရင်နီတပ်မတော် KA/ ကရင်နီအမျိုးသားကာကွယ်ရေးတပ် KNDF B-09 တို့ ပူးပေါင်းပြီး မေလ ၁၅ ရက်နေ့ ညနေ (၇) နာရီ ဝန်းကျင်မှာ မူးယစ်ဆေးဝါးရောင်းဝယ်ဖောက်ကားသူ သုံးဦးထံကနေ ဆေးပြား အလုံး (၃၀၀၀)...