spot_img
Tuesday, January 31, 2023
spot_img

ဒီးမော့ဆိုမြို့နယ်မှ စစ်ဘေးရှောင်များ စားနပ်ရိက္ခာ နှစ်ပတ်စာသာကျန်ရှိ

spot_imgspot_imgspot_imgspot_img
ဓါတ်ပုံ – Free Burma Ranger

ကန္တာရဝတီတိုင်း(မ်)

ကရင်နီပြည်နယ်၊ ဒီးမော့ဆိုမြို့နယ်အတွင်း တိုက်ပွဲကြောင့် ထွက်ပြေးတိမ်းရှောင်နေရတဲ့ စစ်ဘေးရှောင်ပြည်သူအတွက် စားနပ်ရိက္ခာ နှစ်ပတ်စာသာ ကျန်ရှိတော့သလို လတ်တလောမှာလည်း မိုးရွာသွန်းနေတဲ့အတွက် မိုးကာ၊ ခြင်ထောင်၊ အနွေးထည်၊ စားနပ်ရိက္ခာ လိုအပ်နေတယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာက ပြောပါတယ်။

“ဒီအပတ်ထဲမှာ မိုးကတော်တော်ပြန်ရွာတယ်ပေါ့ ၂၄၊ ၂၅ ကတည်းက ခုချိန်ထိပေါ့နော။ ရက်တိုင်းမိုးရွာတယ်။ အဲ့ဒီအတွက်ကြောင့်မို့လို့ အခုလောလောဆယ် အများဆုံးကြုံတွေ့နိုင်တဲ့ အခက်အခဲကတော့ နေဖို့ထိုင်ဖို့ပေါ့နော အခက်အခဲတွေအများကြီးရှိတယ်။ အထူးသဖြင့် မိုးကာတွေမလုံလောက်တာတွေ ခြင်ထောင်တွေ မိုးလည်းရွာတယ် အေးလည်းအေးတယ်ပေါ့။ အဲဒါကြောင့်မလို့ ကလေးတွေအတွက် အနွေးထည်တွေလိုလာတယ်။ နောက်ပြီးတော့ တချို့ဆိုရုတ်တရက်ထပြေးတာရှိတယ် တချို့ဆို ကြိုပြေးတာရှိတယ်ပေါ့။ စားဖို့သောက်ဖို့ကတော့ ဒီတစ်ပတ်နှစ်ပတ်အတွင်းကတော့ ခံနိုင်ရည်တော့ရှိသေးတယ်ပေါ့နော။ ဆေးဝါးကတော့ လူထုအများဆုံးကတော့ ဆေးဝါးတောင်းဆိုမှုက တော်တော်မြှင့်တက်လာပါတယ်။ ဒါကတော့ လောလောဆယ် ကြုံတွေ့နေရတဲ့အခက်အခဲတွေပါ။” လို့ ကရင်နီလူ့အခွင့်အရေးအဖွဲ့မှ ဒါရိုက်တာက ပြောပါတယ်။

ဒီးမော့ဆိုမြို့နယ်အတွင်း စက်တင်ဘာ ၂၃ရက်နေ့ ညပိုင်းမှာ ကုန်းသာကျေးရွာ၊ သေးဆူလဲကျေးရွာတို့မှာ ထိုးစစ်ဆင်တိုက်ခိုက်လာတဲ့ အကြမ်းဖက်စစ်ကောင်စီတပ်ကို ကရင်နီပူးပေါင်းတပ်မှ ခုခံတိုက်ခိုက်ခဲ့ပြီး တိုက်ပွဲပြင်းထန်တဲ့အတွက် ကျေးရွာပေါင်း ၁၅ ရွာမှ ဒေသခံပြည်သူ ၅ထောင်နီးပါး ညတွင်းချင်း ဘေးလွတ်ရာ ထွက်ပြေးတိမ်းရှောင်ခဲ့ရတယ်လို့ သိရပါတယ်။

လတ်တလောမှာလည်း ရိက္ခာပို့လမ်းကြောင်းမှာ တိုက်ပွဲဖြစ်ပွားနေသလို စစ်ကောင်စီတပ်ကလည်း လမ်းသွားပြည်သူကို စစ်ဆေးမေးမြန်းမှုမရှိဘဲ ပစ်ခတ်မှုရှိနေပြီး မင်္သကာလျှင် ဖမ်းဆီးမှုရှိနေတဲ့အတွက် ရိက္ခာသယ်ယူတဲ့အခါ အခက်အခဲရှိနေပြီး စစ်ဘေးရှောင်ပြည်သူအတွက် ရေရှည်မှာ အခက်အခဲအများကြီးဖြစ်စေနိုင်တယ်လို့ ဒီမော့ဆိုမြို့နယ်အရှေ့ဖက်ခြမ်းမှာ စစ်ဘေးရှောင်အရေးကူညီပေးနေတဲ့ ဒေသခံအမျိုးသားတစ်ဦးက ပြောပါတယ်။

“ကျနော်တို့ ဒီမော့ဆိုအရှေ့ဖက်ခြမ်းမှာက စက်တင်ဘာလ တစ်လလုံးပေါ့နော။ ရိက္ခာပို့လမ်းကြောင်းက လုံးဝပိတ်ဆို့သွားတဲ့အနေအထားမှာရှိတယ်။ ပြီးခဲ့တဲ့ တစ်ရက်နှစ်ရက်က ဒေါငံခါးတို့ ကုန်းသာတို့ သေးဆူလဲတို့ဖက်မှာ တိုက်ပွဲပြင်းထန်တော့ ပိုဆိုးသွားတယ်။ အရင်ကသွားနေကြ အဲ့ဖက်သွားတာလေ ဆိုတော့ အခုကမရတာ့ဘူး။ တိုက်ပွဲပိုပြင်းထန်လာတော့ ပို့ဆောင်ရေးလမ်းကြောင်းက လုံးဝမရတော့ဘူးပေါ့နော။ ဘယ်လမ်းကြောင်းမှကိုမရတော့ဘူး။ ဆိုတော့ စစ်ရှောင်ကြားမှာ ရောက်ထားလက်စ ရိက္ခာတချို့နဲ့ပဲအခု ချွေတာပြီးတော့မှ ဖြန့်ဝေပေးနေတယ်ပေါ့နော။ ဆိုတော့ အခြေအနေကတော့ ဒီလိုပဲ ထပ်ပြီးတော့ ပြင်းထန်မယ် လမ်းကြောင်းလည်း ရှာမရတော့ဘူးဆိုတော့ ရေရှည်မှာတော့ အခက်အခဲအများကြီး ဖြစ်နိုင်တယ်ပေါ့။ အခုလောလောဆယ်ကတော့ တစ်ပတ်စာနှစ်ပတ်စာလောက်တော့ တောင့်ခံနိုင်သေးတယ်လို့ ပြောလို့ရတယ်ပေါ့နော။” လို့ သူက ဆိုပါတယ်။

ဒါ့အပြင် ဒီးမော့ဆိုမြို့နယ်အနောက်ခြမ်း စစ်ဘေးရှောင်တစ်နေရာမှာ စစ်ရှောင်ဒေသခံပြည်သူ ၆ထောင်ဝန်းကျင်ရှိနေပြီး စားသောက်ဖို့အတွက် ဆန်အလွန်ဆုံး နှစ်လစာကျန်ရှိနေပေမယ့် ရိက္ခာခြောက် မရှိဘူးလို့ သိရပါတယ်။

ဒီးမော့ဆိုမြို့နယ်မှ စစ်ဘေးရှောင်အရေး ကူညီပေးနေသူတစ်ဦးက “လောလောဆယ် လှောင်တော့လှောင်ထားတယ်ပေါ့လေ။ တစ်လစာတော့တောင့်ခံလို့ရသေးတယ်ပေါ့ အလွန်ဆုံးနှစ်လပေါ့။ ရိက္ခာခြောက်တွေတော့ တော်တော်လိုအပ်တယ် တော်တော်ရှားတယ်။ သွားလာရေးကလည်း ခက်ခဲတော့။” လို့ ပြောပါတယ်။

ဒီးမော့ဆိုမြို့နယ်အတွင်းမှာ ကရင်နီပူးပေါင်းတပ်နဲ့ အကြမ်းဖက်စစ်ကောင်စီတပ်တို့ နေ့စဉ်တိုက်ပွဲဖြစ်ပွားနေအတွက် ဒေသခံပြည်သူတွေ ထွက်ပြေးတိမ်းရှောင်နေရပြီး ၎င်းတို့အတွက် ဆေးဝါး၊ ရိက္ခာခြောက်၊ အနွေးထည်၊ သွားလာရေးအတွက် စက်သုံးဆီတွေ အထူး လိုအပ်နေတယ်လို့ သိရပါတယ်။

ကရင်နီပြည်နယ်မှာ တိုက်ပွဲကြောင့် ဘေးလွတ်ရာကို တိမ်းရှောင်နေရတဲ့ စစ်ဘေးရှောင်ပြည်သူ တစ်သိန်းသုံးသောင်းအထိ ရှိနေဆဲ ဖြစ်ပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...