spot_img
Monday, February 6, 2023
spot_img

ဒီးမော့ဆိုမြို့နယ်မှ ဒေသခံတွေ နေရပ်ပြန်ပြီး ပစ္စည်းပြန်ယူကြ

spot_imgspot_imgspot_imgspot_img

ကန္တာရဝတီတိုင်း(မ်)

တိုက်ပွဲမကြာခဏဖြစ်ပွားနေတဲ့ ကရင်နီပြည်နယ် ဒီးမော့ဆိုမြို့နယ် မြို့ပေါ်ရပ်ကွက်နေ ဒေသခံတွေမှ နေရပ်ပြန်နိုင်တယ်ဆိုတဲ့ သတင်းကြောင့် ဒီကနေ့ ဒီဇင်ဘာလ ၁ ရက်နေ့မှာ ကား၊ ဆိုင်ကယ်၊ ထော်လဂျီစက်တွေနဲ့ ပစ္စည်းပြန်သယ်နေကြတယ်လို့ သိရပါတယ်။

တိုက်ပွဲကြောင့် နေရပ်စွန့်ခွာ ထွက်ပြေးတိမ်းရှောင်နေကြရတဲ့ ဒီးမော့ဆိုမြို့ ဒေသခံတွေက ၇လကြာတဲ့အထိ မိမိနေအိမ်ကို မပြန်နိုင်သေးဘဲ ဒီကနေ့မှာတော့ နေအိမ်ပြန်ကြည့်တာ၊ ပစ္စည်းပြန်ယူတာ ပြုလုပ်နိုင်တယ်လို့ သတင်းကြားရပေမယ့် ဘယ်အဖွဲ့အစည်းက ခွင့်ပြုပေးလိုက်တယ်ဆိုတာကိုတော့ မသိရှိရဘူးလို့ ဒေသခံတွေက ပြောကြပါတယ်။

လက်ရှိမှာလည်း ရပ်ကွက်ကျေးရွာတွေအနီးနားထိ ဒေသခံ လက်နက်ကိုင် အဖွဲ့အစည်း
တချို့ကလုံခြုံရေးယူထားပေးတာရှိတယ်လို့ ဒေသခံတစ်ဦးကမြင်တွေ့ရတာကို ပြောပြပါတယ်။ နေအိမ်ပြန်ကြည့်တဲ့အခါ အများစုမှာ ဖောက်ထွင်းဖျက်ဆီးခံရတဲ့အနေအထားဖြစ်ပြီး စစ်ကောင်စီတပ်က ပစ်ခတ်လိုက်တဲ့ လက်နက်ကြီးထိမှန်ပြီး ပျက်စီးသွားတဲ့နေအိမ်လည်းရှိပါတယ်။

“အိမ်ပြန်ကြည့်တာ တံခါးတွေပွင့်နေတယ် ပစည်းတွေဖွထားတာတွေ့တယ်။ အိမ်တိုင်း နီးပါး တံခါးတွေပွင့်နေတယ်။ အဖောက်ခံထားရတဲ့သဘောပဲ။ စစ်တပ် လုပ်တာလို့ပဲယူဆတယ်။ စစ်တပ်ကပဲ ဝင်လာနိုင်တာ။ အိမ်ရှင်တွေကထွက်ပြေးနေရတာလေ။ ဒေါငံခါးဖက်မှာတော့ အိမ်စီးကားတွေ ပစည်းသယ်လို့ရတဲ့ ကားကြီးတွေနဲ့ လိုအပ်တာတွေပြန်ယူတာတွေရှိတယ်။” လို့ ရူးဖယ်ခူရပ်ကွက်မှ ဒေသခံတစ်ဦးက ပြောပါတယ်။

ကရင်နီတစ်ပြည်နယ်လုံးမှာ တိုက်ပွဲကြောင့် ထွက်ပြေးတိမ်းရှောင်နေရတဲ့ ဒေသခံ တစ်သိန်း၃သောင်းဝန်းကျင်ရှိနေပြီး ဒီးမော့ဆိုမြို့နယ်ကအများဆုံးဖြစ်ပါတယ်။ တိမ်းရှောင်ရတဲ့ဒေသခံတွေက နီးစပ်ရာဆွေမျိုးရှိရာကျေးရွာတွေမှာ ခိုလှုံကြတာရှိသလို အများစုမှာ စစ်ဘေးရှောင်စခန်းဖွင့်လှစ်ထားတဲ့နေရာမှာပဲနေထိုင်ရပြီး စားနပ်ရိက္ခာ၊ အနွေးထည် အဓိကလိုအပ်နေဆဲ လို့ သိရပါတယ်။

လိုအပ်ချက်အမျိုးမျိုးရှိနေတဲ့ စစ်ဘေးရှောင်စခန်းမှာနေထိုင်ကြတဲ့ ဒေသခံတွေက ဒီကနေ့မှာတော့ နေရပ်ပြန်ပြီး လိုအပ်တဲ့ပစ္စည်းတွေ ပြန်ယူကြတာဖြစ်ပြီး လက်ရှိအနေအထားအရ တိုက်ပွဲမကြာခဏဖြစ်ပွားနေတဲ့အတွက် လုံခြုံမှုမရှိတာကြောင့် ပြန်လည်နေထိုင်ခြင်းတော့မရှိကြသေးပါဘူး။

spot_imgspot_imgspot_imgspot_img

More from the blog

စစ်ရှောင်စခန်းတစ်ခုမှာ အာဟာရတိုက်ကျွေးခြင်း

ကရင်နီပြည် ဒီးမော့ဆိုအနောက်ခြမ်း စစ်ရှောင်စခန်းတစ်ခုမှာ ဖေဖော်ဝါရီလ (၄)ရက်နေ့က အလှူရှင်တွေစုပေါင်းပြီး ကလေး၊ လူကြီးအပါအဝင် လူဦးရေ ၂၀၀ ကျော်ကို အာဟာရတိုက်ကျွေးခဲ့ပါတယ်။   https://youtu.be/XrmnUcioWo8

အာဏာသိမ်း (၂)နှစ်ရှိလာတဲ့အပေါ် KNDF ရဲဘော်တွေရဲ့ ခံစားချက် ပြောစကားများ

ကန္တာရဝတီတိုင်း(မ်) ၂၀၂၃ ခုနှစ် ဖေဖော်ဝါရီ (၁)ရက်နေ့မှာ စစ်တပ်အာဏာသိမ်း (၂)နှစ်ပြည့်သွားပြီဖြစ်ပြီး ကရင်နီပြည်မှာဆိုရင် အာဏာသိမ်းပြီးနောက် ပေါ်ပေါက်လာတဲ့ ကရင်နီအမျိုးသားများကာကွယ်ရေးတပ် မှာ တာဝန်ထမ်းဆောင်နေကြတဲ့ တပ်ဖွဲ့ဝင်တွေရဲ့ ခံစားချက်နဲ့ တော်လှန်ရေးအပေါ် ပြောစကားတွေကို မေးမြန်းတင်ဆက်ထားပါတယ်။ https://youtu.be/64w_CGTPOxI

ကယန်းဒေသတွင် လူထုသတင်းသမား သင်တန်းပြုလုပ်

ခွန်းကလိုင်းဖရီး (ကန္တာရဝတီတိုင်း(မ်)) ကယန်းမျိုးဆက်သစ်လူငယ်အဖွဲ့ကနေပြီး ကယန်းဒေသ တစ်နေရာမှာ လူထုသတင်းသမားနဲ့ ပတ်သက်တဲ့ သင်တန်းတစ်ရပ်ကို ဇန်နဝါရီ လ ၁၆ ရက်နေ့ကနေ ၂၉ ရက်နေ့အထိ ၁၄ ရက်ကြာ ပြုလုပ်ခဲ့တယ်လို့ သိရပါတယ်။ အခုလို လူထုသတင်းသမားသင်တန်းပြုလုပ်တာနဲ့ ပတ်သက်ပြီး ကယန်းမျိုးဆက်သစ်လူငယ်အဖွဲ့ရဲ့ သင်တန်း နည်းပြ တစ်ဦးက က...

အာဏာသိမ်း (၂)နှစ်ပြည့် စစ်ရှောင်ပြည်သူတွေရဲ့ ပြောစကားများ

၂၀၂၁ခုနှစ် ဖေဖော်ဝါရီလ ၁ ရက်နေ့မှာ စစ်အာဏာသိမ်းပြီးနောက်် ကရင်နီပြည်မှာ အိုးအိမ်စွန့်ခွာနေရတဲ့ ပြည်သူလူထု ၂သိန်း နီးပါးရှိနေပြီး အာဏာသိမ်းကာလ (၂) နှစ်ကြာလာတဲ့အပေါ် စစ်ရှောင်ပြည်သူတွေရဲ့ ခံစားချက် ပြောစကားတွေကို မေးမြန်းတင်ဆက်ထားပါတယ်။ https://youtu.be/mRrbdzIYk5o