spot_img
Thursday, February 2, 2023
spot_img

ဒီးမော့ဆိုမြို့နယ် ဒေါငံခါးမှာ တိုက်ပွဲဖြစ်ပွားခဲ့ပြီး နေအိမ်မီးရှို့ခံရတာတွေ ရှိနေ

spot_imgspot_imgspot_imgspot_img

ကန္တာရဝတီတိုင်း(မ်)

ဒီးမော့ဆိုမြို့နယ် ဒေါငံခါးမှာ ယမန့်နေ့ ဧပြီလ ၃၀ရက်နေ့ ၂နာရီဝန်းကျင်အချိန်မှာ တိုက်ပွဲဖြစ်ပွားခဲ့ပြီး ညအချိန်မှာ စစ်ကောင်စီက နေအိမ်တချို့ကို မီးရှို့ခဲ့တယ်လို့ ဒီးမော့ဆိုပြည်သူ့ကာကွယ်ရေးတပ် တာဝန်ရှိသူ တစ်ဦးက ပြောပါတယ်။

“ သူတို့က စစ်ကြောင်းခါကျတော့ ဒီဒေါငံခါးဘက်မှာလည်း တပ်ချထားတာတော့ရှိတယ်ပေါ့နော။ အစကတည်းက ရှိတယ်။ ဒါပေမယ့် ကျနော်တို့ ခါကျတော့ နယ်မြေရှင်းလင်းရင်းနဲ့ သူတို့က ကင်းလှည့်နေတာလား။ ကင်းလှည့်နေတယ် ပြောလို့လည်း ရတယ်။ စစ်ကြောင်းထိုးနေတယ်ပြောလို့လည်း ရတယ်။ သူတို့က လမ်းမကြီးအတိုင်း ထိုးလာတယ်ပေါ့နော။ ဒီးမော့ဆိုဘက်ကို ဦးတည်ထိုးလာတော့ ကျနော်တို့က ထိပ်တိုက်တွေ့တယ်ပေါ့နော။ အဲ့မှာ သူတို့ခါကျတော့ အင်အားကတော့ အယောက် ၆၀လောက်ရှိတယ်။ ထိပ်တိုက်တွေ့တော့ တိုက်ပွဲက ဖြစ်ပွားသွားတယ်ပေါ့နော။ “ လို့ DMO-PDF တာဝန်ရှိသူ တစ်ဦးက ပြောပါတယ်။

ဒီးမော့ဆို ပြည်သူ့ကာကွယ်ရေးတပ် ( DMO-PDF ) တပ်ဖွဲ့ ဗျူဟာ ( ၁ ) A,B,F,J တပ်ရင်း၊ အလယ်ပိုင်းတိုင်း ( ၁၁၀၂ ) တပ်ခွဲတချို့နဲ့ KRU စတဲ့ တပ်ဖွဲ့တွေနဲ့ စစ်ကောင်စီတပ်ဖွဲ့တို့ နာရီဝက်ကြာ ရင်ဆိုင်တိုက်ပွဲဖြစ်ပွားခဲ့တယ်လို့ သိရပါတယ်။

တိုက်ပွဲအတွင်း စစ်ကောင်စီတပ်ဘက်က အနည်းဆုံး သုံးယောက်သေဆုံးပြီး ၅ဦးခန့် အပြင်းအထန် ဒဏ်ရာရှိတယ်လို့ DMO-PDF တာဝန်ရှိသူ တစ်ဦးက ဆက်ပြောပါတယ်။

ည၉နာရီအချိန်မှာလည်း စစ်ကောင်စီက ဒေါငံခါးက နေအိမ်တချို့ကို မီးရှို့ခဲ့တယ်လို့ ၎င်းက ဆက်ပြောပါတယ်။

“ နေအိမ်မီးရှို့ခံရတာက မနေ့ည ဒီးမော့ဆို ဒေါငံခါးမှာပေါ့နော။ ဒေါငံခါးမှာက သုံးလုံးပေါ့နော။ ဒါပေမယ့် ကျနော်တို့ တကယ့်တကယ် ထုတ်ပြန်ထားတာကတော့ တစ်လုံးပဲ။ ဒါပေမယ့် အဲ့ဒီတစ်လုံးကတော့ လုံးဝ အတိအကျပေါ့နော။ ကျနော်တို့ နှစ်လုံးကတော့ ထပ်မံပြီးတော့ စုံစမ်းနေဆဲပေါ့နော။ “ DMO-PDF တာဝန်ရှိသူ တစ်ဦးက ပြောပါတယ်။

ဒီးမော့ဆိုမှာ စစ်ကောင်စီက နေရာတချို့ကို တပ်စွဲထားတာရှိသလို တပ်စွဲခဲ့တဲ့ နေရာတွေကိုလည်း မိုင်းတွေထောင်ထားတာရှိပါတယ်။ ညအချိန်မှာလည်း လက်နက်ကြီးတွေနဲ့ ပစ်ခတ်တာတွေ ပြုလုပ်နေပါတယ်။

spot_imgspot_imgspot_imgspot_img

More from the blog

ဒီကနေ့ လွိုင်ကော်မြို့ပေါ်မှာ စျေးဆိုင်ဖွင့်ဖို့ စျေးသည်တွေ ဖိအားပေးခံရတာရှိ

ကန္တာရဝတီတိုင်း( မ် ) ဒီကနေ့ ( ဖေဖော်ဝါရီလ ၁ ) ရက်နေ့ လွိုင်ကော်မြို့ပေါ်က စျေးဆိုင်တချို့ စျေးဆိုင်ဖွင့်ဖို့ ဖိအားပေးခံရတာရှိတယ်လို့ လွိုင်ကော်မြို့ဒေသခံတွေဆီကနေ သိရပါတယ်။ “ ကျမစျေးဝယ်ထွက်တော့ စျေးရောင်းနေတဲ့ စျေးသည်တွေ ပြောပြတာ။ တချို့ ထင်ရှားတဲ့ ဆိုင်တွေကို စည်ပင်က ခြိမ်းခြောက်ထားတယ်။ ဆိုင်မထွက်ရင်...

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...