spot_img
Monday, March 27, 2023
spot_img

ဒီးမော့ဆိုမြို့နယ် အရှေ့ဘက်ခြမ်းကနေ တိမ်းရှောင်ရတဲ့ စစ်ရှောင်ကလေးတချို့မှာ အရေပြားအနာဖြစ်ပွားနေ

spot_imgspot_imgspot_imgspot_img
ဓါတ်ပုံ – JFK

ကန္တာရဝတီတိုင်း(မ်)

တိုက်ပွဲတွေ ဖြစ်ပွားနေပြီး စစ်ရှောင်နေကြရတဲ့ ဒီးမော့ဆိုမြို့နယ် အရှေ့ဘက်ခြမ်းကနေ ထပ်မံတိမ်းရှောင်ရတဲ့ စစ်ရှောင်ကလေးတချို့တွေမှာ အရေပြားအနာဖြစ်ပွားနေတာကို တွေ့ရှိရတယ်လို့ စစ်ရှောင်တွေ ရွေ့ပြောင်းဖို့အတွက် ကူညီပေးနေတဲ့ Job For Kayah အဖွဲ့မှ တာဝန်ခံ ကိုလွမ်း က ကန္တာရဝတီတိုင်း(မ်)ကို ပြောပါတယ်။

“ ကျနော်တို့ တွေ့ရ မျက်မြင်ရှေ့မှာတော့ လေး၊ ငါး၊ ခြောက်ယောက်ပေါ့နော။ ရှိဦးမယ်။ ဒါကျနော်တို့ တွေ့တဲ့ဟာပဲရှိသေးတယ်။ ကျနော်တို့ တင်ထားတဲ့ဟာလည်း ကျနော်တို့တွေ့လို့ ရိုက်ထားတဲ့ဟာပဲပေါ့နော။ ရှိနိုင်သေးတယ် အများကြီး။ “ လို့ သူက ပြောပါတယ်။

တွေ့ရှိရတဲ့ စစ်ရှောင်ကလေးတွေအပြင် အဆိုပါလက္ခာပုံစံမျိုး ဖြစ်ပွားတာ ထပ် ရှိနိုင်သေးတယ်လို့ သူက ပြောပါတယ်။

ဓါတ်ပုံ – JFK

“ ကျနော်တို့ သိရသလောက်ကတော့ တစ်ကိုယ်သန့်ရှင်းရေးပေါ့နော။ အဲ့ဖက်က နည်းနည်းအားနည်းတယ်ဗျ။ ကျန်းမာရေးအသိလည်း နည်းနည်းနည်းတယ်။ နေရာလည်း နည်းနည်းခေါင်တော့လေ။ ပြီးတော့ ရေကြောင့်ပေါ့နော ရေကြောင့်လို့လည်းပြောတယ် အဲ့ဖက်က ဆရာမတွေကတော့။” လို့ Job For Kayah တာဝန်ခံ ကိုလွမ်းက ဆက်ပြောပါတယ်။

ဒီးမော့ဆိုမြို့နယ် အရှေ့ဘက်ခြမ်းမှာ တိုက်ပွဲပြင်းထန်တဲ့ မတ်လပထမအတွင်းကစပြီး ဒေသခံတွေအပြင်လာရောက်ခိုလှုံနေတဲ့ စစ်ရှောင်တွေဟာ တောတောင်ထဲသွားရောက်နေထိုင်ကြရပြီး ရေမရရှိတဲ့အတွက် တစ်ကိုယ်ရေသန့်ရှင်းရေးလည်း မပြုလုပ်နိုင်ကြတာ ဖြစ်ပါတယ်။

ဓါတ်ပုံ – JFK

“ စစ်ရှောင်တွေအနည်းစုမှာ ကျမတွေ့ရသလောက်ကတော့ ကလေးတွေမှာ ယားနာ ဖုတွေ လိုလို ဘာလိုလို ထနေတာကို တွေ့ရတယ်ပေါ့။ တစ်ကိုယ်ရည်သန့်ရှင်းရေး အားနည်းတယ်လို့ ကျမထင်တယ်ပေါ့နော။ သူတို့ကို မေးကြည့်တော့လည်းသူတို့ မသိဘူးဖြစ်နေတယ် အဲ့မျိုး။ “ လို့ စစ်ရှောင်တစ်ဦးက ပြောပါတယ်။

ကလေးငယ်တွေရဲ့ မျက်နှာ တွေမှာ အဖုတွေ ပေါက်နေပြီး တချို့ ကလေးတွေရဲ့ နားရွက်မှာ အနာပုံစံမျိုး ဖြစ်နေတာကို တွေ့ရပါတယ်။ တချို့ကတော့ ရေကျောက် အနာလို ပုံစံမျိုး ဖြစ်နေကြတာကို တွေ့ရတယ်လို့ အနာကို မျက်မြင်တွေ့ရှိသူတွေက ပြောကြပါတယ်။

ဓါတ်ပုံ – JFK
spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို စစ်ကောင်စီတပ်မှ လက်နက်ကြီးတွေ အမြောက်အများ ပစ်ခတ်နေ

ကန္တာရဝတီ တိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းကို ဒီးမော့ဆို အခြေစိုက် ခလရ ၁၀၂ တပ်မှ (၁)မိနစ် (၁) လုံးနုန်းနဲ့ လက်နက်ကြီးတွေ အမြောက်အများ ပစ်ခတ်နေတယ်လို့ သိရပါတယ်။ ယနေ့ ( မတ်လ ၂၆ ) ရက်နေ့ မနက် ၉ နာရီလောက်ကစပြီး...

စစ်ရှောင်ပြည်သူတွေကို ရိက္ခာဝေမယ်လို့ပြောဆိုပြီး ဓါတ်ပုံရိုက်ပြီးနောက် ဝေထားတဲ့ရိက္ခာတွေကို ပြန်သိမ်းယူသွား

ကန္တာရဝတီတိုင်း(မ်) လွိုင်ကော်မြို့ နမ့်ဘော်ဝမ် ရပ်ကွက်အတွင်းရှိ စစ်ဘေးရှောင်ပြည်သူတွေကို စစ်ကောင်စီ က ရိက္ခာဝေပေးမယ်လို့ပြောဆိုကာ ဒီကနေ့ (မတ်လ ၂၅ ရက်နေ့ ) မှာ စုရုံးခေါ်ဆောင်ပြီး ဓါတ်ပုံမှတ်တမ်းရယူခဲ့ပေမဲ့ ဝေငှထားတဲ့ ရိက္ခာထုပ်တွေကို ပြန်လည်တောင်းယူခဲ့တယ်လို့ စစ်ရှောင်တွေဆီကနေ သိရပါတယ်။ နမ့်ဘော်ဝမ်ရပ်ကွက်အတွင်းမှာ ရှိတဲ့ဘုရားကျောင်းမှာ စစ်ဘေးရှောင်တွေကို ခေါ်ယူစုရုံးပြီး ကုလားပဲထုပ်...

ဒီးမော့ဆိုအနောက်ဘက်ခြမ်းမှာ လက်နက်ကြီးကျပြီး ဒေသခံထိခိုက်မှုရှိခဲ့၊ ဖရဲသီးစိုက်ခင်းလည်းပျက်စီး

ကန္တာရဝတီတိုင်း( မ် ) ယမန်နေ့ မတ်လ ၂၄ရက်နေ့ မနက် ၁၀နာရီကျော်အချိန်မှာ ကရင်နီပြည် ဒီးမော့ဆိုမြို့နယ်အနောက်ဘက်ခြမ်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့တဲ့အတွက် ဒေသခံတချို့ ထိခိုက်ခဲ့သလို ဖရဲသီးစိုက်ခင်းလည်း ပျက်စီးခဲ့တယ်လို့ ဒီးမော့ဆိုအနောက်ဘက်ခြမ်းမှာ နေထိုင်သူတစ်ဦးက ပြောပါတယ်။ "အိမ်ကတော့ လူနေအိမ်ပဲ မိန်းက‌လေးထိတယ်ပြောတယ်။ မိန်းကလေးနှစ်ယောက်။ ဒီကျတာက ဖရဲသီးခြံစိုက်ခင်းထဲမှာက...

ဒီမော့ဆို အရှေ့ဘက်ခြမ်းမှ ဆွေမျိုးများထံ ယာယီ ပြောင်းရွေ့လာတဲ့ စစ်ရှောင်ကလေးအချို့ ဝမ်းပျက်ဝမ်းလျောဖြစ်နေ

CJ (ကန္တာရဝတီတိုင်း(မ်)) ကရင်နီပြည် ဒီမော့ဆိုမြို့နယ် အရှေ့ဘက်ခြမ်းမှာ မတ်လ ၁၀ ရက်နေ့ ကတည်းက ဖြစ်ပွားတဲ့ တိုက်ပွဲတွေကြောင့် အနောက်ဘက်ခြမ်းက ဆွေမျိုးတွေဆီကို ယာယီ ပြောင်းရွေ့လာတဲ့ စစ်ရှောင်တွေအထဲက ကလေးတွေဟာ ဝမ်းပျက်ဝမ်းလျောဖြစ်နေတယ်လို့ စစ်ရှောင်အမျိုးသမီးတစ်ဦးက ပြောပါတယ်။ "အကြောင်းရင်းက ဘာလဲ မသိဘူး၊ ရေရှားတဲ့ နေရာလဲ မဟုတ်ဘူး၊...