spot_img
Thursday, February 2, 2023
spot_img

ဒီးမော့ဆိုမြို့ ထူးလွှီးဘီလာကျေးရွာက နေအိမ်နှစ်လုံးကို စစ်ကောင်စီမီးရှို့ခဲ့

spot_imgspot_imgspot_imgspot_img

ကန္တာရဝတီတိုင်း(မ်)

ဒီးမော့ဆိုမြို့ ၊ ထူးလွှီးဘီလာကျေးရွာက နေအိမ်နှစ်လုံးကို စစ်ကောင်စီက ယမန်နေ့ ( မတ်လ ၂၂ရက်နေ့ ညနေပိုင်းမှာ) မီးရှို့ခဲ့တယ်လို့ KNDF B-19 တာဝန်ရှိသူ တစ်ဦးဆီကနေ သိရပါတယ်။

ဒီးမော့ဆိုမြို့မရဲစခန်းကနေ လူအင်အား ၃၀ခန့် ထွက်လာတဲ့ စစ်ကောင်စီတပ်သားကို KNDF B-19 က ကင်းပုန်းတိုက်ခိုက်ခဲ့ပြီး စစ်ကောင်စီက နေအိမ်တွေကို မီးရှို့သွားခဲ့တာ တယ်လို့ သူက ဆက်ပြောပါတယ်။

“ သူတို့မနေ့က ထူးလွီးဘီလာမှာ ရှို့တာကတော့ တိုက်ပွဲကြီးတော့ မဟုတ်ဘူး။ ကျနော်တို့နဲ့ သူတို့ထွက်လာတဲ့အချိန်မှာ သူတို့ ကင်းပုန်းနဲ့ ပစ်ကြတာရှိတယ်။ ကျနော်တို့ဘက်က သူတို့ဘက်လူအကျအဆုံးကိုတော့ မသိလိုက်ဘူးပေါ့နော။ သေချာမသိလိုက်ဘူးပေါ့နော။ တစ်ခုတော့ ရှိတယ်။ စစ်ကောင်စီက သူတို့ မီးရှို့ရင် များသောအားဖြင့် သူတို့ လူကျရင် သူတို့အလောင်းကို တခါတည်းအိမ်ထဲမှာထည့်ပြီး မီးရှို့တာ ရှိတယ်ပေါ့နော။ “ လို့ KNDF B-19 တာဝန်ရှိသူ တစ်ဦးက ပြောပါတယ်။

ယခင်ကလည်း ထူးလွှီးဘီလာကျေးရွာမှာ စစ်ကောင်စီမီးရှို့ခဲ့တဲ့ နေအိမ် ၁၀လုံးခန့်ရှိနေပြီး ဒေသခံတွေကတော့ စစ်ဘေးရှောင်နေကြပါတယ်။ ဒါအပြင် ဒီးမော့ဆိုမြို့နယ် ဒေါငံခါးကျေးရွာအတွင်းက နေအိမ်အလုံး ( ၄၀ )ကို လည်း တစ်ပတ်အတွင်း စစ်ကောင်စီက မီးရှို့ဖျက်စီးခဲ့တယ်လို့ DMO-PDF က မတ်လ ၂၁ရက်နေ့မှာ ထုတ်ပြန်ထားပါတယ်။

ကရင်နီပြည်မှာ နေ့စဉ်နီးပါး တိုက်ပွဲတွေ ဖြစ်ပွားနေပြီး ပြီးခဲ့တဲ့ မတ်လ ၂၂ရက်နေ့မှာလည်း မိုးဗြဲမြို့နယ် ဝှါရီဆူးလိုင်ကျေးရွာမှာ တိုက်ပွဲဖြစ်ပွားခဲ့ပါတယ်။ မတ် ၂၀ရက်နေ့မှာလည်း လွိုင်ကော်မြို့နယ် စံပြ ၃မိုင် ပကြဲကျေးရွာမှာလည်း စစ်ကောင်စီနဲ့ ဒေသခံကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပါတယ်။

ဒီဇင်ဘာလ ၃ရက်နေ့ ထူးလွှီးဘီလာကျေးရွာက နေအိမ် မီးရှို့ခံရတဲ့စဉ်
spot_imgspot_imgspot_imgspot_img

More from the blog

ဒီကနေ့ လွိုင်ကော်မြို့ပေါ်မှာ စျေးဆိုင်ဖွင့်ဖို့ စျေးသည်တွေ ဖိအားပေးခံရတာရှိ

ကန္တာရဝတီတိုင်း( မ် ) ဒီကနေ့ ( ဖေဖော်ဝါရီလ ၁ ) ရက်နေ့ လွိုင်ကော်မြို့ပေါ်က စျေးဆိုင်တချို့ စျေးဆိုင်ဖွင့်ဖို့ ဖိအားပေးခံရတာရှိတယ်လို့ လွိုင်ကော်မြို့ဒေသခံတွေဆီကနေ သိရပါတယ်။ “ ကျမစျေးဝယ်ထွက်တော့ စျေးရောင်းနေတဲ့ စျေးသည်တွေ ပြောပြတာ။ တချို့ ထင်ရှားတဲ့ ဆိုင်တွေကို စည်ပင်က ခြိမ်းခြောက်ထားတယ်။ ဆိုင်မထွက်ရင်...

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...