spot_img
Monday, May 16, 2022
spot_img

ဒီးမော့ဆိုမြို့ ပူဖားကျေးရွာထိ တိုက်ပွဲကူးစက်လာ၊ စစ်ကောင်စီ အင်အားအများအပြားသုံးပြီး ထိုးစစ်ဆင်နေ

ကန္တာရဝတီတိုင်း(မ်)

မိုးဗြဲမြို့ကနေ ကရင်နီပြည်နယ် ဒီးမော့ဆိုမြို့နယ် ပူဖားကျေးရွာထိ တိုက်ပွဲကူးစက်လာပြီး စစ်ကောင်စီကနေပြီး တင့်ကား၊ အမြောက်၊ ဒုံးကျည်အပြင် ခြေလျင်အင်အား ၅၀၀ ဝန်းကျင်ခန့်နဲ့ စစ်ကြောင်း ၃ကြောင်း ထိုးစစ်ဆင်တာတွေ ပြုလုပ်နေတယ်လို့ လွိုင်ကော်PDFက ဒီကနေ့ မတ်လ ၄ရက်နေ့မှာ သတင်းထုတ်ပြန်ပါတယ်။

ပူဖားကျေးရွာအထိရောက်ရှိလာတဲ့ စစ်ကောင်စီတပ်သားတွေဟာ လက်နက်ကြီးတွေ ပစ်ခတ်တာတွေရှိနေတယ်လို့ လွိုင်ကော်PDFတာဝန်ရှိသူတစ်ဦးက ပြောပါတယ်။

“ လောလောဆယ်တော့ ကျနော်တို့နောက်ဆုံးတင်တာ updateပဲ။ အခုက ပူဖားရွာကိုရောက်ပြီ။ ပူဖားရွာမှာ ဟိုဖက် ဒီဖက်ပစ်နေကြတာပေါ့လေ။ အခုလက်ရှိအခြေအနေပေါ့။ “

စစ်ကောင်စီပစ်ခတ်တဲ့ လက်နက်ကြီးကြောင့် ပြည်သူတွေရဲ့ နေအိမ်ထိခိုက်ပျက်စီးနေတာတွေလည်း ရှိနေပါတယ်။ မနေ့က( မတ်လ၃ရက်) နေ့မှာဆိုရင် ဆီးလီဒုန်းကျေးရွာမှာ စစ်ကောင်စီနဲ့ ကရင်နီပြည်သူ့ကာကွယ်ရေး ပူးပေါင်းတပ်ဖွဲ့တို့ တနေကုန်နီးပါး တိုက်ပွဲ ဖြစ်ပွားခဲ့ပါတယ်။

ဖေဖော်ဝါရီ ၁၅ရက်နေ့ကစပြီး စစ်ကောင်စီတပ်တွေဟာ မိုးဗြဲမြို့ကနေ အင်အားအများအပြားနဲ့ စတင်ထိုးစစ်ဆင်ခဲ့ပြီးနောက် ရှမ်း-ကရင်နီနယ်စပ် နန်းမယ်ခုံမြို့အပြင် အနီးတစ်ဝိုက်ကျေးရွာ၊
ဒီးမော့ဆိုမြို့နယ်အတွင်း ကျေးရွာအထိ တိုက်ပွဲက ကူးစက်လာတာဖြစ်ပါတယ်။

မိုးဗြဲမြို့ နဲ့ ဒီးမော့ဆိုဟာ ၁၅မိုင်ခန့်သာ ကွာဝေးပြီး မိုးဗြဲမြို့တိုက်ပွဲကနေ ဒီးမော့ဆိုမြို့ကို ဦးတည်တိုက်ခိုက်လာတာဖြစ်တယ်လို့ လွိုင်ကော် PDF ကဆိုပါတယ်။

ထိုးစစ်ဆင်တိုက်ခိုက်လာတဲ့ စစ်ကောင်စီတပ်ကို ကရင်နီတပ်မတော်(KA)၊ KNDF၊ DMO-PDF၊ လွိုင်ကော် PDF၊ အလယ်ပိုင်းတိုင်း အထူးတိုက်ခိုက်ရေးအဖွဲ့ နဲ့ အခြား မဟာမိတ်တပ်ပေါင်းစု တို့က ခုခံတိုက်ခိုက်နေပါတယ်။

တိုက်ပွဲတွေကြောင့် ဒေသခံတွေထွက်ပြေးတိမ်းရှောင်နေရသလို စစ်ရှောင်တွေကလည်း ထပ်ဆင့် စစ်ဘေးရှောင်နေရတာကြောင့် စစ်ရှောင်လူဦးရေ တစ်သိန်းခုနှစ်သောင်းကျော်ရှိနေပြီး လတ်တလောမှာ နေရေးထိုင်ရေး၊ အသုံးအဆောင်ပစ္စည်းတွေ လိုအပ်နေတယ်လို့ သိရပါတယ်။

ကန္တာရဝတီတိုင်း(မ်)ရဲ့ လက်လှမ်းမှီသလောက် ကောက်ယူထားတဲ့ စာရင်းအရ ကရင်နီပြည်နယ်မှာ ဖေဖော်ဝါရီလ တစ်လအတွင်း တိုက်ပွဲတွေကြောင့် ပြည်သူ့ကာကွယ်ရေးတပ်ဖွဲ့ဘက်က ကျဆုံးသူ ၃၃ဦးအထိရှိခဲ့ပါတယ်။

spot_imgspot_imgspot_imgspot_img

More from the blog

မူးယစ်ဆေးသုံးနေတဲ့ ပြည်သူတစ်ဦးကို KNDF B-10 ထိန်းသိမ်းထား

ကန္တာရဝတီတိုင်း(မ်) မေလ ၁၂ ရက်နေ့က ဒီးမော့ဆိုမြို့နယ် ကရင်နီတပ်မတော် KA ၊ အမှတ်(၁)ခရိုင်ထဲက ကျေးရွာတစ်ရွာ မှာ မိသားစုဝင်က လာရောက်တိုင်ကြားတဲ့အတွက် မူးယစ်ဆေး သုံးစွဲနေတဲ့ ပြည်သူတစ်ဦးကို သွားရောက်ခေါ်ဆောင် ပြီး ထိန်းသိမ်းထားနေတယ်လို့ KNDF B-10 တပ်ရင်းမှူးက ပြောပါတယ်။ “ ကျနော်တို့ သူ့ကို...

ဒီမော့ဆိုအရှေ့ဖက်ခြမ်းမှာ မူးယစ်ဆေးဝါးအလုံး (၃၀၀၀) ခန့် ဖမ်းဆီးရမိ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဖက်ခြမ်းရှိ အမှတ် (၁) ခရိုင်မှ ကရင်နီတပ်မတော် KA/ ကရင်နီအမျိုးသားကာကွယ်ရေးတပ် KNDF B-09 တို့ ပူးပေါင်းပြီး မေလ ၁၅ ရက်နေ့ ညနေ (၇) နာရီ ဝန်းကျင်မှာ မူးယစ်ဆေးဝါးရောင်းဝယ်ဖောက်ကားသူ သုံးဦးထံကနေ ဆေးပြား အလုံး (၃၀၀၀)...

စစ်ကောင်စီထုတ်ကုန်တွေကို မိုးဗြဲ PDF စစ်ဆေး ဖျက်စီး

ကန္တာရဝတီတိုင်း( မ် ) မိုးဗြဲမြို့အတွင်းမှာရှိတဲ့ ကျေးရွာ၊ ရပ်ကွက်တွေကို စစ်ဆေးမှု ပြုလုပ်ခဲ့ပြီး စစ်တပ်ထုတ်ကုန်တွေကို တွေ့ရှိခဲ့တဲ့အတွက် ဖျက်စီးမှုတွေ ပြုလုပ်ခဲ့တယ်လို့ မိုးဗြဲ PDFက ယမန်နေ့ မေလ ၁၅ ရက်နေ့မှာ ထုတ်ပြန်ထားပါတယ်။ စစ်တပ်ထုတ်ကုန်တွေဖြစ်တဲ့ Dagon အနီ/အ၀ါ/အစိမ်း၊ မုယော ၄၅ဖာ၊ Army Rum...

ဖယ်ခုံပြည်သူ့အုပ်ချုပ်ရေးအဖွဲ့က ထုတ်ပြန်ချက်အပေါ် တစ်စုတစ်စည်းတည်းဖြစ်ဖို့လိုတယ်လို့ ( KSCC ) ကပြန်လည်တုန့်ပြန်

ကန္တာရဝတီတိုင်း( မ် ) ဖယ်ခုံမြို့ ကို ကရင်နီပြည်အတွင်းရှိ ဖယ်ခုံမြို့ လို့မသုံးစွဲဲဘဲ ရှမ်းပြည်နယ်တောင်ပိုင်းရှိ ဖယ်ခုံမြို့လို့ သုံးစွဲခေါ်ဝေါ်ပေးဖို့ ပြည်သူ့လွှတ်တော်ကိုယ်စားပြုကော်မတီ (CRPH) လမ်းညွှန်မှုအရ ဖွဲ့စည်းထားတဲ့ ဖယ်ခုံပြည်သူ့အုပ်ချုပ်ရေးအဖွဲ့ က မေလ ၉ရက်နေ့မှာ ထုတ်ပြန်ကြေညာခဲ့ပါတယ်။ ဒီလိုထုတ်ပြန်ထားချက်အပေါ်မှာ ကရင်နီပြည်အတိုင်ပင်ခံကောင်စီ ( KSCC ) အနေနဲ့စတင်ဖွဲ့စည်းချိန်က...