spot_img
Sunday, April 2, 2023
spot_img

ဒီးမော့ဆိုအရှေ့ခြမ်းမှာ စက်သုံးဆီပြတ်လပ်

spot_imgspot_imgspot_imgspot_img
၃၀၀၀ ကျပ်ဖြင့်ရောင်းချသော ဓါတ်ဆီ

ကန္တာရဝတီတိုင်း(မ်)

ပြီးခဲ့တဲ့ရက်ပိုင်းကစ ဒီးမော့ဆိုမြို့အရှေ့ခြမ်းမှာ စက်သုံးဆီတွေ ပြတ်လပ်နေပြီး ရောင်းချတဲ့ဆိုင်တော်တော်များများလည်း ပိတ်ထားလိုက်ပြီလို့ ဒေသခံတွေဆီကနေ သိရပါတယ်။

“အခုက ဘယ်လိုမျိုးလဲဆို အကန့်အသတ်နဲ့ရောင်းဖို့ထက် ရောင်းစရာကိုမရှိတော့တာ အဲ့လိုမျိုးလေ။ အခြားတနေရာကနေ ယူလာတဲ့ တစ်ပုံးစ နှစ်ပုံစ ပြန်ယူရောင်းလို့ရှိရင်လည်း တစ်လီတာကို ၅ထောင် အနည်းဆုံး ၅ထောင်ဈေးနဲ့ရောင်းကြတယ်။ အဲ့လိုမျိုး လုံးဝပြတ်သွားတာ ရောင်းလို့မရတာက နှစ်ရက်သုံးရက်လောက်ရှိပြီ။ တစ်ရွာလုံးမှာမှ ဓာတ်ဆီရောင်းတဲ့ဆိုင်က ၃၊ ၄ဆိုင်ရှိတယ်ဆိုလို့ရှိရင် အဲ့ ၃၊ ၄ ဆိုင်လုံးရှာမရဘူး ဘာဓာတ်ဆီမှရှာမရဘူး။ အခြားရွာမှာသွားရှာလည်းမရဘူး အဲ့လိုမျိုးဖြစ်နေတယ်။ တစ်ဘူးစ နှစ်ဘူးစ အဲ့လိုမျိုးတွေကျန်တယ် ။”လို့ ဒီးမော့ဆိုအရှေ့ခြမ်းက ဒေသခံအမျိုးသားတစ်ဦးက ပြောပါတယ်။

92 Ron အမျိုးအစား တစ်လီတာကို ၅၀၀၀ အထိ ရောင်းချနေရပြီး ပုံးဝါတစ်ပုံးကို ၇သောင်း၂ထောင်ကျပ်ထိ ပေးဝယ်ရတယ်လို့ ဆိုပါတယ်။ တချို့ဆိုင်မှာတော့ တစ်လီတာကို ၄ထောင်ကျပ်ရောင်းချတာရှိတာကြောင့် ပေးဝယ်ရတဲ့နေရာမတူတဲ့အတွက် ဈေးနှုန်းကွာခြားသွားတယ်လို့ ဆိုပါတယ်။

စက်သုံးဆီဝယ်လို့မရတာကြောင့် ဒီးမော့ဆိုအရှေ့ခြမ်းက ဒေသခံအချို့ ဆိုင်ကယ်မစီးနိုင်တော့တဲ့ အခြေအနေရှိတယ်လို့လည်း ဒေသခံတွေက ပြောကြပါတယ်။ လွိုင်ကော်မြို့ကနေ ဒီးမော့ဆိုမြို့ကို ကုန်ဝင်တဲ့ ကားတွေက စစ်ကောင်စီစစ်ဆေးရေးဂိတ်မှာ စစ်ဆေးခံနေရပြီး ဓာတ်ဆီတင်ဆောင်တာအတွက် အခွန်ကောက်ခံမှုရှိနေတယ်လို့ ဒေသခံတစ်ဦးက ပြောပါတယ်။

“အခြေနေကတော့ တော်တော်တော့ဆိုးနေပြီလို့ပြောရမယ်။ဝယ်လို့ နည်းနည်းခက်တယ် ပြီးရင် သူတို့သွားဝယ်လာပြီး ပြန်လာတဲ့အချိန် အစစ်ဆေးတွေရှိတယ် သူတို့ အခွန်တွေကောက်တယ်ပြောတယ်။ ဓာတ်ဆီသယ်လာတဲ့ကားသမားတစ်ယောက်ပြောတာတော့ အခွန်တွေကောက်တယ်တဲ့။ ဒီရောက်တော့ ရွာမှာ ချပေးတာ တချို့ဆိုင်မှာပြန်ချပေးတာ ပုံးဝါတစ်ပုံးကို ၇သောင်း ၂ထောင်နဲ့ပြန်ချပေးတယ်။ ဝယ်တာတော့အဲ့လောက်မရှိဘူး ဒါပေမယ့် ကားလမ်းမှာလာတဲ့အချိန် စစ်ဆေးတော့ အခွန်တွေပေးရတော့ အဲ့လောက်ဈေးဖြစ်သွားတယ်ပြောတယ်။ ဆိုင်တိုင်းတောင်မရောင်းနိုင်တော့ဘူး ဆိုင်တော်တော်များများပိတ်ထားကြတယ်။ ရောင်းတဲ့ဆိုင်က အများကြီးမရောင်းပေးဘူး အကန့်အသတ်နဲ့ပဲ နည်းနည်းစီ တစ်လီတာကို ၄ထောင်နှုန်းနဲ့ အဲ့မျိုးရောင်းပေးတယ်။ တစ်ယောက်ကို အများကြီးမရောင်းဘူး။ ဆိုင်တိုင်းလည်းမရောင်းနိုင်တော့ဘူးကော။”လို့ ဒေသခံတစ်ဦးက ပြောပါတယ်။

စက်သုံးဆီဈေးမြှင့်တက်မှုကြောင့် လွိုင်ကော်မြို့ရှိ စက်သုံးဆီဆိုင်တွေမှာ ဩဂုတ်လ ဒုတိယပတ်ကစ အကန့်အသတ်ဖြင့်သာ ရောင်းချနေရပြီး 92 Ron အမျိုးအစား တစ်လီတာကို လက်ရှိမှာ ၃၀၀၀ဝန်းကျင်ရှိတယ်လို့ သိရပါတယ်။

spot_imgspot_imgspot_imgspot_img

More from the blog

လူထုထောက်ခံမှုရှိနေသ၍ ပါတီဆက်ရှိနေအုံးမယ်လို့ KySDP ပြော

ကန္တာရဝတီတိုင်း( မ် ) ကရင်နီပြည်နယ်အခြေစိုက် တိုင်းရင်းသားပါတီအပါအဝင် တိုင်းရင်းသားပါတီ ၄၀ ကို ဖျက်သိမ်းကြောင်း စစ်ကောင်စီရဲ့ ရွေးကောက်ပွဲကော်မရှင် ( UEC ) က မတ်လ ၂၈ ရက်နေ့မှာ ကြေညာခဲ့ပေမယ့် လူထုထောက်ခံမှုရှိနေသ၍ ကတော့ ပါတီဆက်လက်ရှိနေအုံးမှာဖြစ်တယ်လို့ ကယားပြည်နယ် ဒီမိုကရက်တစ်ပါတီ ( KySDP...

နှစ်ရက်တိုက်ပွဲအတွင်း စစ်ကောင်စီတပ်မှ (၁၅)ဦးသေဆုံး၊ လေကြောင်းတိုက်ခိုက်မှုပြုလုပ်ခဲ့

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း ဒေါလျားခူကျေးရွာအနီးရှိ ညေးဘူးခူတောင်ပေါ် ဖက်ကို စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီတပ်မတော်(KA)၊ KNDF ပူးပေါင်းတပ်ဖွဲ့နဲ့ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၁၅ ဦးသေဆုံးခဲ့သလို လက်နက်ခဲယမ်းအသုံးအဆောင်ပစ္စည်းတွေ သိမ်းဆည်းမိခဲ့တယ်လို့ ကရင်နီအမျိုးသားများကာကွယ်ရေးတပ် (KNDF) က ဒီကနေ့ မတ်လ ၃၁ ရက်နေ့မှာ...

တစ်လကျော်ကြာတိုက်ပွဲပြင်းထန်နေတဲ့ ဖယ်ခုံ-ပင်လောင်း နယ်စပ်မှာ လေကြောင်းတိုက်ခိုက်မှုပြင်းထန်စွာ အသုံးပြုနေ

ကန္တာရဝတီတိုင်း(မ်) ပင်လောင်းမြို့နယ်ဖက် စစ်ကြောင်းထိုးနေတဲ့ စစ်ကောင်စီတပ်နဲ့ ပြည်သူ့ကာကွယ်ရေးပူးပေါင်းတပ်ဖွဲ့တို့ ထိတွေ့တိုက်ပွဲ အပြင်းအထန်ဖြစ်ပွားနေတာ တစ်လကျော်ကြာရှိနေပြီဖြစ်ပြီး စစ်ကောင်စီဖက် လေကြောင်းတိုက်ခိုက်မှု ပြင်းထန်စွာ သုံးနေတယ်လို့ ပြည်သူ့ကာကွယ်ရေးပူးပေါင်းတပ်ဖွဲ့တွေက ဆိုကြပါတယ်။ မတ်လ (၂၉)ရက်နေ့ ဖယ်ခုံ-ပင်လောင်းနယ်စပ်တစ်နေရာမှာ ဖြစ်တဲ့ တိုက်ပွဲမှာ စစ်ကောင်စီဖက် တိုက်လေယာဉ် (၄)စင်းနဲ့ အပြင်းအထန် တိုက်ခိုက်ခဲ့တယ်လို့ ဆိုပါတယ်။ အဲဒီရက်တိုက်ပွဲမှာ...

ဒီးမော့ဆိုအရှေ့ဘက်ခြမ်းရှိ အထက်တန်းစာသင်ကျောင်း လေကြောင်းတိုက်ခိုက်ခံရ

ကန္တာရဝတီတိုင်း(မ်) ဒီကနေ့ မတ်လ ၃၀ ရက်နေ့ မွန်းလွဲ ၁ နာရီအချိန်မှာ ဒီးမော့ဆိုမြို့နယ်အရှေ့ဘက်ခြမ်းကို စစ်ကောင်စီ လေကြောင်းအသုံးပြုတိုက်ခိုက်ခဲ့တဲ့အတွက် အထက်တန်း စာသင်ကျောင်းတစ်ကျောင်း ထိမှန်ပျက်စီးခဲ့ရပါတယ်။ “၁ နာရီ ၁၆မိနစ်မှာ တိုက်လေယာဉ် နှစ်ပတ် ပတ်ပြီးဝဲတာ ဝဲပြီးတော့ ၁၈မိနစ်လောက်မှာ တစ်ခါတည်းတန်းပစ်တာ။ ၈ခေါက်တိတိပစ်တယ်။ လေယာဉ်ဒုံးနဲ့လည်းပစ်တယ် ရွာတစ်လျှောက်...