spot_img
Monday, February 6, 2023
spot_img

ဒီးမော့ဆိုအရှေ့ခြမ်းမှ ဝမ်းကွဲညီအစ်ကိုနှစ်ဦးပျောက်ဆုံးနေ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ်၊ ဒီးမော့ဆိုမြို့နယ် အရှေ့ဖက်ခြမ်းမှာ စစ်ရှောင်နေတဲ့ ဝမ်းကွဲညီအစ်ကိုနှစ်ဦး ငွေတောင်ဖက်မှာ ရိက္ခာဝယ်ဖို့သွားရင်း စက်တင်ဘာ(၂၂)ရက်နေ့မှာ အဆက်အသွယ်မရဘဲ ပျောက်ဆုံးနေတယ်လို့ မိသားစုဝင်တစ်ဦးထံကနေ သိရပါတယ်။

ပျောက်ဆုံးနေတဲ့ ညီအစ်ကိုနှစ်ဦးမှာ စူးရယ်(၂၄နှစ်) နဲ့ ကျော်လင်းပိုင်(၂၁)နှစ် တို့ ဖြစ်ပြီး ငွေတောင်ဖက်ခြမ်းမှ စစ်ကောင်စီတပ်တွေရှိတဲ့နေရာမှာ ပျောက်ဆုံးသွားတာ ဖြစ်တဲ့အတွက် ပြန်လိုက်ရှာတာမျိုးတွေ လည်း မလုပ်ရဲကြဘူးလို့ ပျောက်ဆုံးနေသူနှစ်ဦးရဲ့ အဒေါ် ဖြစ်သူက အခုလိုပြောပါတယ်။

“ သွားပြန် ကြည့်တာမျိုးလည်း သူတို့ မလုပ်ရဲကြဘူး။ ဘာဖြစ်လဲဆိုလို့ရှိရင် ဒီးမော့ဆိုကနေစပြီး တော့မှ ခြောက်မိုင်၊ ဒေါပိုးစီအထိက တပ်စွဲထားတယ်ပေါ့နော။ တပ်စွဲထားခါကျတော့ အဲ့မှာ စစ်ကောင်စီ လက်ချက် ပဲ ဆိုပြီးတော့မှ သူများရိပ်မိကြတယ်ပေါ့။ သူတို့ပျောက်နေတော့ အကယ်၍ လိုက်ရှာတာမျိုး လုပ်ရင်လည်း လိုက်ရှာတဲ့ သူပါပါ ဖမ်းခံထိမှာ မျိုးတွေလည်း သူတို့ကြောက်ခါကျတော့ သူတို့ လိုက်မရှာကြဘူးပေါ့နော။ ဒီရက်အထိ ဆိုလို့ရှိရင်တော့ ခြောက်ရက်ရှိသွားပြီပေါ့နော။ အဲ့တာ အချိတ်အဆက်မရဘူး ဖြစ်နေတယ်ပေါ့။” လို့ အဒေါ်ဖြစ်သူက ပြောပါတယ်။

လက်ရှိပျောက်ဆုံးနေတဲ့ ဝမ်းညီအစ်ကို နှစ်ဦးထဲက စူးရယ်ဖြစ်သူမှာ ဖဲလျားရွာကဖြစ်ပြီး သားသမီး အတွက် လိုအပ်တဲ့ စားစရာတွေ၊ ကလေးအသုံးအဆောင်သွားယူရင်းနဲ့ ပျောက်ဆုံးနေတာ ဖြစ်ပါတယ်။

“ သူတို့က စစ်ရှောင်ရင်းနဲ့ တစ်ယောက်က သူ့ကလေး သုံးယောက်ရှိတော့ စားစရာတွေလည်း မရှိတော့ သူ့ကလေး နို့မုန့်တွေလည်း သောက်ရသေးတယ်ပေါ့နော။ ဆိုတော့ ကျမထင်တာ သူ့ကလေးရဲ့ နို့ မုန့်သွားဝယ်တဲ့ ဟာမျိုးတွေ ကလေး ဒိုင်ဘာတွေ၊ စားစရာတွေ သွားဝယ်ဖို့အတွက် သူတို့သွားတာထင်တယ်။ ကျော်လင်းပိုင်လည်း ဒီးမော့ဆိုမှာ သူ့အိမ်လည်း ရှိတော့ ပစ္စည်းဝင်သယ်ဖို့ လိုတဲ့ ဟာမျိုးတွေနဲ့လည်း သူတို့ ပြန်ကြတယ်။’’ လို့ အဒေါ် ဖြစ်သူက ဆိုပါတယ်။

အခုရက်ပိုင်းအတွင်း ဒီးမော့ဆိုမြို့နယ်အတွင်းမှာ တိုက်ပွဲတွေ ဖြစ်ပွားနေတဲ့အတွက် စစ်ရှောင်ပြည်သူတွေလည်း ရိက္ခာအခက်အခဲတွေ၊ အကြပ်အတည်းတွေ နဲ့ ကြုံတွေ့နေကြရပါတယ်။ ဒီးမော့ဆို အရှေ့ဖက် ခြမ်းအပါအဝင် အကြမ်းဖက်စစ်ကောင်စီက လမ်းသွားလမ်းလာ ပြည်သူတွေကို ဖမ်းဆီးတာတွေ၊ ပစ်ခတ်တာတွေလည်း ရှိခဲ့ပါတယ်။

ဒီကနေ့(စက်တင်ဘာ ၂၇ရက်)မှာလည်း အလံဖြူထောင်ပြီး လွိုင်ကော်ဖက်ကို ဆိုင်ကယ်နဲ့ သွားတဲ့ ဇနီးမောင်နှံ နှစ်ယောက်ကိုလည်း ၆ မိုင် လက်ဝါးကပ်တိုင်တောင်ကနေ သေနတ်နဲ့ ၁၁ ချက်ပစ်ခံရပြီး အမျိုး သမီးဖြစ်သူ ကျည်အနည်းငယ်စင်သွားတယ်လို့ ဒေသခံတွေထံကနေ သိရပါတယ်။

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...