Wednesday, January 26, 2022

ဒီးမော့ဆို အရှေ့ဖက်ခြမ်းမှ စစ်ရှောင်အမျိုးသမီး တစ်ဦး လမစေ့ မီးဖွားခဲ့ရပြီး ကလေးသေဆုံး

ကန္တာရဝတီတိုင်း(မ်)

ကရင်နီပြည်နယ် ဒီးမော့ဆို အရှေ့ဖက်ခြမ်းမှာ ကိုယ်ဝန်ဆောင်အမျိုးသမီး တစ်ဦး စစ်ရှောင်ရင်း လမစေ့ဘဲ မီးဖွားခဲ့ရပြီး ကလေးသေဆုံးခဲ့တယ်လို့ စစ်ရှောင်ကူညီသူတစ်ဦးထံကနေ သိရပါတယ်။

“ အဲ့ဒီအမျိုးသမီးက သူကိုယ်ဝန်ဆောင်တာ ၇ လနီးပါးလောက်ရှိပြီပေါ့နော။ သူက မေလ လကုန်ကတည်း ဒီးမော့ဆိုမှာ တိုက်ပွဲ စဖြစ်ကတည်းက တောတောင်ထဲ ထွက်ပြေးရတဲ့ထဲမှာ သူပါတယ်ပေါ့။ ဟိုပြေးဒီပြေး ဖြစ်တာ တစ်ကဏ္ဍရယ်၊ နောက် ပြေးနေရတဲ့အတွက် စိတ်ပိုင်းဆိုင်ရာအရပေါ့နော။ သူကိုယ်၌က စိတ်ဖိစီးမှုများတာရယ်ပေါ့ ။ အတွေးများတာရယ် နောက် သူကိုယ်၌ကလည်း သွေးအားနည်းမှုရှိတယ်လို့ ကြားတယ်ပေါ့။ ဆိုတော့ သူ့ကလေးက လမပြည့်ဘဲနဲ့ မွေးသွားတာပေါ့။ “ လို့ စစ်ရှောင်ကူညီပေးသူတစ်ဦးက ပြောပါတယ်။

အောက်တိုဘာ ၂၃ ရက်နေ့မှာ ဒီးမော့ဆို အရှေ့ဖက်ခြမ်း စစ်ရှောင်တွေကို ကျန်းမာရေးစောင့်ရှောက်မှုပေးနေတဲ့ နွေဦးဂုရုလေးများ ကျန်းမာရေးစင်တာမှာ မီးဖွားခဲ့ပြီး ဆေးကုသမှုခံယူနေပါတယ်။ လက်ရှိ သူမမှာ ကိုဗစ် သံသယ လက္ခာဏာရှိပေမယ့် လူနာရဲ့ စိတ်ပိုင်းဆိုင်ရာ ကျန်းမာရေး အခြေအနေကြောင့် မစစ်ပေးရသေးဘူးလို့ ကျန်းမာရေးစင်တာက တာဝန်ရှိသူတစ်ဦးက ဆိုပါတယ်။

“ သူ ကိုဗစ်သံသယ ပုံစံမျိုးတော့ရှိတယ်။ နောက်ပြီးတော့ စိတ်ပိုင်းဆိုင်ရာ ထိခိုက်မှုရှိတယ်။ မနေ့က တောင် တစ်နေကုန်ငိုနေတာ။ ညအထိငိုနေတာသူ။ “ လို့ ကျန်းမာရေးစင်တာမှ တာဝန်ရှိသူက ပြောပါတယ်။

စိတ်ပိုင်းဆိုင်ရာ ထိခိုက်မှုရှိနေတဲ့အတွက် စိတ်ပိုင်းဆိုင်ရာ နှစ်သိမ့်မှု လိုအပ်တယ်လို့ ဆိုပါတယ်။
သူမကတော့ အသက် ၂၇ နှစ် ရှိပြီ ဖြစ်ပြီး ၅နှစ်အရွယ် သားလေးတစ်ဦးရှိတယ်လို့ သိရပါတယ်။

တိုက်ပွဲကြောင့် ဘေးလွတ်ရာကို ထွက်ပြေးတိမ်းရှောင်နေရတဲ့ ကရင်နီပြည်နယ်အတွင်းရှိ စစ်ဘေးရှောင်ပြည်သူများ အိမ်မပြန်နိုင်သေးပဲ ဆေးဝါး၊ စားနပ်ရိက္ခာ အခက်အခဲများ ကြုံနေရဆဲဖြစ်ပါတယ်။

More from the blog

ဖရူဆိုမြို့နယ် အနောက်ဘက်ခြမ်းမှာ စစ်ဘေးရှောင်တွေ ရိက္ခာတွေနဲ့ ကလေးဘောင်းဘီအနွေးထည် လိုအပ်လျက်ရှိ

ကန္တာရဝတီတိုင်း(မ်) ကရင်နီပြည်နယ် ဖရူဆိုမြို့ အနောက်ဘက်ခြမ်းမှာ စစ်ဘေးရှောင်တွေ ဆောင်းတွင်း ရက်ကြာရှည်လာတာနဲ့အမျှ စားနပ်ရိက္ခာနဲ့ ကလေးဘောင်းဘီအနွေးထည်တွေ လိုအပ်လျက်ရှိနေတယ်လို့ စစ်ဘေးရှောင်နေတဲ့ ဒေသခံတွေဆီကနေ ကြားသိရပါတယ်။ ဖရူဆိုမြို့နယ်အနောက်ဘက်ခြမ်းက စစ်ရှောင်စခန်းတခုမှာ လူဦးရေ...

ကရင်နီပြည်နယ်မှာ အင်တာနက်လိုင်းဖြတ်တောက်ခံနေရမှု ပိုမိုဆိုးဝါးလာ

ကန္တာရဝတီတိုင်း(မ်) ကရင်နီပြည်နယ်မှာ တိုက်ပွဲဖြစ်ပွားတဲ့နောက်ပိုင်း အင်တာနက်လိုင်း ဖြတ်တောက်ခံနေရမှုဟာ ပိုမိုဆိုးဝါးလာတယ်လို့ ဒေသခံတစ်ဦးဆီကနေသိရပါတယ်။ လွိုင်ကော်မြို့ပေါ်မှာဆိုရင် ( Mytel) နဲ့ MPT တို့သာ ရရှိနေပြီး တယ်လီနောနဲ့ အော်ရီဒူးဟာ...

ဟိုဖိတ်ကျေးရွာမှာ ဒေသခံတစ်ဦးကို KNPPနဲ့ PDF သတ်ဖြတ်ခဲ့တယ်လို့ စစ်ကောင်စီ သတင်းမှားဖြန့်

https://youtu.be/dGz4XnoH9hc ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် ဟိုဖိတ်ကျေးရွာမှာ သေဆုံးသွားတဲ့ ပြည်သူတစ်ဦးကို KNPPနဲ့ PDF သတ်ဖြတ်ခဲ့ပြီး War Crime (စစ်ရာဇဝတ်မှု) ကျူးလွန်ခဲ့တယ်လို့...

ကရင်နီပြည်နယ်မှာ လေကြောင်းတိုက်ခိုက်မှုရှိနေတဲ့အတွက် ပြည်သူတွေ ဗုံးခိုကျင်းတူး

https://youtu.be/yA1wSv22iXA ကန္တာရဝတီတိုင်း(မ်) တိုက်ပွဲတွေ ဆက်တိုက်ဖြစ်ပွားနေတဲ့ ကရင်နီပြည်နယ်မှာ စစ်ကောင်စီက လေကြောင်းနဲ့ ဗုံးကြဲတိုက်ခိုက်မှုတွေ ပြုလုပ်နေပါတယ်။ တိုက်ပွဲဖြစ်ပွားမှုမရှိတဲ့ စစ်ရှောင်စခန်းတွေအထိပါ ဗုံးကြဲတိုက်ခိုက်တာတွေ ပြုလုပ်နေတာကြောင့် စစ်ဘေးရှောင်တွေဟာ...