spot_img
Sunday, January 29, 2023
spot_img

ဒေါရောက်ခူကျေးရွာမှာ ဆီးနှင်းကျပြီး ရေခဲတာတွေ ဖြစ်ပေါ်ခဲ့

spot_imgspot_imgspot_imgspot_img

ကန္တာရဝတီတိုင်း(မ်)

ဒီးမော့ဆိုမြို့နယ် ဒေါရောက်ခူ ကျေးရွာအတွင်းမှာ ဆောင်းတွင်းအအေးဒဏ်ကြောင့် ပြီးခဲ့တဲ့ ရက်သတ္တပတ်ကစပြီး ဆီးနှင်းကျပြီး ရေခဲမှုတွေ ဖြစ်ပေါ်ခဲ့တယ်လို့ သိရပါတယ်။ တောင်ပေါ်ဒေသဖြစ်လို့ တောင်ကြိုတောင်ကြား ပိုကျတဲ့နေရာတွေမှာ နှင်းပိုခဲတာကိုတွေ့ရတယ်လို့ ဒေသခံတွေက ပြောပါတယ်။

ဒေါရောက်ခူကျေးရွာဟာ တခြားဒေသထက် ပိုအေးလေ့ရှိပေမယ့် ဒီလိုရေခဲမှုက ရာသီဥတုနဲ့ အသားမကျသေးတဲ့ စစ်ဘေးရှောင်တွေအတွက်ကတော့ စိန်ခေါ်မှုကြီးတစ်ခုဖြစ်နေပါတယ်။

” အခုအဒေါ်နေတဲ့ နေရာပေါ့နော သဲပုံ၊ ဖွဲပုံပေါ်မှာဆို မနက် ၆နာရီ၊ ၇နာရီ၊ ၈နာရီ အထိ နှင်း မပျောက်ပဲနဲ့ ဖြူဖွေးနေတယ်။ နောက် အိမ်ခေါင်မိုးပေါ်မှာကော ဆိုင်ကယ်တွေ ရပ်ထားတဲ့ ပေါ်မှာကော အဖတ်လိုက် အဖတ်လိုက် အဲ့လိုမျိုး ကော်လော် လို့ရှိရင်တော့ရတယ်။ ညအိပ်တဲ့အချိန်ဆို မိုးကာအောက်မှာ အိပ်ရတယ်မလာ။ နှင်းရဲ့ စစ်ရည်က မျက်နှာပေါ်ရော စောင်ပေါ်မှာကော တစ်စက်စက် ကျနေတာပဲ။ အဒေါ်တို့ ကိုယ်တိုင်ကိုယ်ကျခံစားရတယ်လေ အဲ့လိုမျိုး။ ဒါပေမယ့် နောက်ပိုင်းခါကျတော့ နည်းနည်းလျော့သွားတယ်ပေါ့နော။ သိပ်မခဲတော့ဘူး ဒါပေမယ့် ဖွဲတော့ ဖွဲသေးတယ်။ ” လို့ ဒေါရောက်ခူကျေးရွာမှာ စစ်ရှောင်နေတဲ့ ဒေါ်မိုင်းမူ က ပြောပါတယ်။

နံနက် ၆ နာရီကနေ ၇နာရီကြားထဲ ဆီးနှင်းကျပြီးရေခဲမှုအများဆုံးဖြစ်တာပါ။ ရေကို ထိရင်လည်း လက်ကျဥ်သွားတဲ့ထိ အေးနေတတ်ပါတယ်။ တောင်ပေါ်ဒေသဖြစ်လို့ အအေးဒဏ်က မြေပြန့်ဒေသထက် လွန်ကဲပါတယ်။

ရာသီဥတုအအေးဒဏ်ကြောင့် စောင်မလုံလောက်မှုပိုဖြစ်လာသလို အအေးဒဏ်ကိုမခံနိုင်တဲ့ သက်ကြီးရွယ်အို ၊နာတာရှည်ရောဂါသည် တချို့ကတော့ ညဖက် အိပ်မပျော်တာ ထုံကျင်ကိုက်ခဲတာတွေဖြစ်ကြတယ်လို့ နာတာရှည်ရောဂါရှိသူ စစ်ရှောင် ဒေါ်ခရစ္စတင်းက အခုလိုပြောပါတယ်။

” နှင်းတအားကျလို့ တအားအေးတယ် နောက် ထုံကျင် တယ်။ အေးပြီးတော့ အသားထဲ အဲ့လိုမျိုး ကျင်တယ်။ ကိုယ့်ရပ်ရွာဒေသမှာနေရင် အဲ့လိုမျိုး မဖြစ်ပါဘူးထင်တယ်။ ကိုယ့်ကိုယ်ကိုယ် နွေးနွေးထွေးထွေးနေရတယ်။ အမျိုးမျိုးစဉ်းစားပြီးတော့မှ ကြောက်စိတ်ဝင်လာတယ်။ ကျန်းမာရေးဘယ်လို ဆက်ဖြစ်မလဲ။ အမျိုးမျိုးစဉ်းစားပြီးတော့မှ ကြောက်တယ်ပေါ့။ “ လို့ ဒေါ်ခရစ္စတင်းက ပြောပါတယ်။

ဒေါရောက်ခူကျေးရွာအတွင်း ယခင်နှစ်ထက် ယခုနှစ်မှာ ဆီးနှင်းကျပြီးရေခဲတာတွေ ပိုဖြစ်တယ်လို့လည်း ဒေါရောက်ခူမှာ နေထိုင်သူတွေက ဆိုကြပါတယ်။ ဒေါရောက်ခူ မှာဆိုရင် ဇန်နဝါရီလ (၁၀)ရက်နောက်ပိုင်း (၁၆) ရက်နေ့အထိ ဆီးနှင်းကျပြီး ရေခဲတာတွေ ရှိနေတယ်လို့ ဆိုကြပါတယ်။

ကရင်နီပြည် ဖရူဆိုမြို့တစ်နေရာမှာလည်း ပြီးခဲ့တဲ့ ဇန်နဝါရီလ ၁၃ရက်နေ့ ဝန်းကျင်တွေမှာ အဲဒီလို ဆီးနှင်းကျပြီး ရေခဲတာတွေဖြစ်ပေါ်ခဲ့ပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...