spot_img
Monday, November 28, 2022
spot_img

နာနတ်တောရပ်ကွက်အတွင်း အဝင်အထွက်လမ်းများကို ကိုဗစ် စိစစ်ရေးဂိတ်ပြုလုပ်ထား

spot_imgspot_imgspot_imgspot_img
ဓါတ်ပုံ – CJ

ကန္တာရဝတီတိုင်း(မ်)

ကရင်နီပြည်နယ်၊ လွိုင်ကော်မြို့ပေါ်ရှိ နာနတ်တောရပ်ကွက်နေ ပြည်သူတို့မှ ရပ်ကွက်အဝင်အထွက်ရှိ လမ်းနေရာများကို ကိုဗစ်ရောဂါ မဖြစ်ပွားရေး ကြိုတင်ကာကွယ်ဖို့အတွက် ကိုယ်ထူကိုယ်ထ ကိုဗစ်စိစစ်ရေးဂိတ်ပြုလုပ်ပြီး လမ်းသွားပြည်သူကို ကိုယ်အပူချိန်တိုင်းပေးခြင်းကို ဇူလိုင်လ ၁၆ ရက်နေ့မှ စတင်ပြီး ပြုလုပ်နေတယ်လို့ သိရပါတယ်။

“ပြောမယ်ဆိုရင် နာနတ်တောရပ်ကွက်ကိုဖြတ်တဲ့လမ်းကလည်း မြို့ရှောင်လမ်းကြီး ဖြစ်နေတယ်ပေါ့။ အဓိကဖြစ်နေတဲ့အတွက်ကြောင့်မလို့ ရပ်ကွက်ကနေ ကျော်သွားလို့ရှိရင်လည်း မြို့ထဲရောက်ကုန်မယ် အခြားရပ်ကွက်ရောက်ကုန်မှာပေါ့နော အဲ့ဒါကြောင့်မလို့ ကျတော်တို့ ဒီရည်ရွယ်ချက်နဲ့ လုပ်ရခြင်းဖြစ်တယ်ပေါ့။ နောက်တစ်ခုက ကျတော်တို့ ရပ်ကွက်နေ စစ်ရှောင်သွားတဲ့သူ အများကြီးရှိတယ်ပေါ့နော တခြားနေရာဒေသမှာစစ်ရှောင်သွားနေတဲ့သူ လနဲ့ချီပြီး နေတဲ့သူအများကြီးရှိတယ်ပေါ့။ အဲ့လူတွေကလည်း ပြန်လာမယ်ဆိုရင်လည်း ဘုမသိ ဘမသိဘဲဆိုရင် အပြင်ကနေ အဖျားတွေပါလာမလား ကိုဗစ်ရှိမလား ဒါလေး သံသယဖြစ်စရာ ဖြစ်တယ်ပေါ့။ အဲ့ဒါကြောင့်မလို့ ဒီဟာကို ကြိုတင်ကာကွယ်ထိန်းချုပ်ချင်လို့ ကျတော်တို့ရပ်ကွက် အဝင်အထွက်ပေါက်တွေကို စိစစ်ရေးဂိတ် ပြုလုပ်ခြင်းဖြစ်တယ်ပေါ့နော။” လို့ နာနတ်တောဒေသခံတစ်ဦးက ပြောပါတယ်။

လွိုင်ကော်မြို့မှာ ကိုဗစ်ပိုးတွေ့ရှိသူ များလာတဲ့အတွက် ထပ်မံမဖြစ်ပွားအောင် ကြိုတင်ကာကွယ်ပြင်ဆင်တဲ့အနေနဲ့ ဆောင်ရွက်ထားတာဖြစ်ပြီး ဇူလိုင်လ ၁၆ရက်နေ့ကနေစပြီး နာနတ်တောရပ်ကွက်အတွက် အရေးပေါ်ကျန်းမာရေးကိစ္စမှလွှဲ၍ ကိုဗစ်-၁၉ စစ်ဆေးရေးဂိတ်ကို ည (၁၀း၀၀)နာရီမှ နံနက် (၄း၀၀)အထိ ဖြတ်သန်းသွားလာခွင့် ပိတ်ပင်ထားမယ်လို့ သိရပါတယ်။

နာနတ်တောရပ်ကွက် အဝင်အထွက် ဂိတ်ပေါက် ၇ ခုမှာ ကျန်းမာရေးအကူ နှစ်ဦး၊ လူငယ်နှစ်ဦး၊ ရပ်မိရပ်ဖလူကြီးတစ်ဦး စသဖြင့် ဂိတ်တစ်ခုမှာ လူဦးရေ ၅ယောက်နဲ့ ဆောင်ရွက်သွားမှာဖြစ်ပြီး
အပူချိန်တိုင်းတာပြီး သံသယရှိတဲ့ သူတွေကို သက်ဆိုင်ရာအဖွဲ့အစည်းနဲ့ ဆက်လက်ချိတ်ဆက် ဆောင်ရွက်သွားမယ်လို့ သိရပါတယ်။

“ကျတော်တစ်ခုပြောချင်တာကတော့ အခုမှ လုပ်တတ်တဲ့သူ စီမံတတ်တဲ့သူ ကျွမ်းကျင်တဲ့ ပညာရှင်တွေမပါဘဲ ကိုယ့်ဘာသာကိုယ် လုပ်မှရမယ်ဆိုတဲ့ အတွေးနဲ့ လုပ်တဲ့ခါကျတော့ နည်းနည်းလွဲချော်မှုတွေ ဖြစ်နေတယ်ပေါ့နော။”လို့ သူက ဆက်ပြောပါတယ်။

ဝါးတားဂိတ်ဟာ ရပ်ကွက်အတွင်း ကိုယ်ထူကိုယ်ထ လုပ်ဆောင်တာဖြစ်တဲ့အတွက် လိုအပ်တဲ့ ကျန်းမာရေးအကာအကွယ်ဝတ်စုံ၊ လက်အိတ်၊ ခြေအိတ်၊ လက်သန့်ဆေးရည်၊ Mask(နှာခေါင်းစည်း) လုံလုံလောက်လောက်မရှိဘူးလို့ စေတနာ့ဝန်ထမ်းလူငယ်တွေက ပြောပါတယ်။

“Mask ကမ်ပိန်းလည်းလုပ်တယ် အပူချိန်တိုင်းတာလည်းလုပ်ရတဲ့အခါမှာ ပြည်သူတွေကို တားပြီးမှလုပ်ရတဲ့အတွက် တချို့ပြည်သူတွေ သိပ်နားလည်မှုမရှိဘူးပေါ့နော။ တစ်ခါတလေဆို ဘားမှပြန်မပြောဘဲနဲ့ စိတ်တိုတိုနဲ့ ပြောသွားတဲ့ဟာမျိုးတွေ အခက်အခဲမျိုးတွေနဲ့ ကြုံတွေ့နေရတယ်ပေါ့နော။ တကယ်တမ်း မလုပ်တော့ဘူးဆိုတော့လည်း လုပ်သင့်တယ်ပေါ့နော။ အခုကိုဗစ်ကလည်း အရမ်းဆိုးနေတဲ့အတွက် လုပ်ကိုလုပ်သင့်တယ် ပြည်သူဖက်နေကြည့်ရင်လည်း ပြောစရာတော့ ဖြစ်တယ်ပေါ့နော မြို့အစွန်မဟုတ်ဘဲ ရပ်ကွက်ထဲလုပ်နေတဲ့ အတွက်ကြောင့်ပေါ့နော။” လို့ လူငယ်တစ်ဦးက ပြောပါတယ်။

ဇွန်လ ၂၉ ရက်နေ့မှ ဇူလိုင်လ ၁၅ရက်နေ့အထိ ကိုဗစ်ပိုးတွေ့ရှိသူ လွိုင်ကော်မြို့မှ ( ၁၂၃)ဦး၊ ဖရူဆိုမြို့မှ ၅ ဦး၊ ဘောလခဲမြို့မှ ၈ ဦး၊ ဖားဆောင်းမြို့မှ တစ်ဦး၊ စုစုပေါင်း ပိုးတွေ့ရှိသူ (၁၃၇) ဦးရှိပြီး သေဆုံးသူ ၄ ဦးထိ ရှိလာပြီ ဖြစ်ပါတယ်။

spot_imgspot_imgspot_imgspot_img

More from the blog

ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်မရောက်ရှိတာ ၃လကျော်ရှိနေ

ကန္တာရဝတီတိုင်း( မ် ) ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်တွေ မရောက်တာ ၃လကျော်ရှိနေပြီး စားဝတ်နေရေးအတွက် အခက်အခဲကြုံတွေ့နေရတယ်လို့ အဲဒီစစ်ရှောင်စခန်းနေ အမျိုးသမီးတစ်ဦးဖြစ်တဲ့ ချယ်ရီမိုးက ပြောပါတယ်။ “အစပိုင်း စစ်စရှောင်တုန်းက အလှူရှင်တွေ တော်တော်လေးကို ဝင်လာကြတယ်ပေါ့နော။ တော်တော်လေးကိုရတယ်။ မိုးကာတို့ ဆန်၊ဆီ၊ဆားတို့ အကုန်ပေးတယ်။ ဒါပေမယ့် အခုနောက်ပိုင်းတော့...

စစ်ကောင်စီရဲ့ လက်နက်ကြီး ပစ်ခတ်မှုကြောင့် လူနေအိမ် တစ်လုံး မီးလောင်ပျက်စီးခဲ့

ကန္တာရဝတီတိုင်း(မ်) ဒီးမော့ဆိုမြို့နယ်အတွင်းရှိ ကျေးရွာတွေကို ယမန်နေ့ (နိုဝင်ဘာလ ၂၅ရက်) ည ၇ နာရီ ခွဲဝန်းကျင်လောက်မှာစစ်ကောင်စီတပ်က လက်နက်ကြီး ၁၀ လုံး ထက်မနည်း ပစ်ခတ်ခဲ့ပြီး လူနေအိမ် တစ်လုံး ထိမှန် မီးလောင်ပျက်စီးသွားခဲ့ပါတယ်။ ဒီးမော့ဆို အခြေစိုက် ၁၀၂ တပ်က ပစ်ခတ်တာ ဖြစ်နိုင်ပြီး လူအထိအခိုက်တော့...

ကရင်နီပြည်သူ့ရင်ခွင်မှာ အဓိကအသုံးပြုမယ့် သေနတ် ၃လက် ကမ်ပိန်းပြည့်ဖို့ ၇၉ရာခိုင်နှုန်းလိုအပ်နေသေး

ကန္တာရဝတီတိုင်း(မ်) ကရင်နီပြည်သူ့ရင်ခွင်ကနေ “ ပြည်သူ ဘက်သို့ရပ်တည်ပေးသော CDMစစ်သားများအား ကူညီပေး” ဆိုတဲ့ M4 သေနတ် ၃လက်ရရှိဖို့အတွက် ပထမဆုံးကမ်ပိန်းတစ်ခုကို ပြုလုပ်ခဲ့ပြီး ကမ်ပိန်း ၂၆ရက်အထိ ၇၉ရာခိုင်နှုန်းလိုအပ်သေးတယ်လို့ ကရင်နီပြည်သူ့ရင်ခွင်တာဝန်ခံ ကိုယုန်လေးက နိုဝင်ဘာလ ၂၅ရက်နေ့မှာ ကန္တာရဝတီတိုင်း(မ်)ကို ဖြေကြားပါတယ်။ “ ကျနော်တို့ အမှန်ဆို တစ်လပဲ...

တော်လှန်ရေးအကြောင်းပြပြီး ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာတယ်လို့ KNDF ဆို

ကန္တာရဝတီတိုင်း( မ် ) ကရင်နီပြည် မှာ နွေဦးတော်လှန်ရေးကာလအတွင်း တော်လှန်ရေးကို အကြောင်းပြပြီး လူထုတွေဆီ ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာနေတယ်လို့ ကရင်နီအမျိုးသားများ ကာကွယ်ရေးတပ် ဗဟိုစုံစမ်းစစ်ဆေးရေး လုပ်ငန်းအဖွဲ့ ( ITF ) မှ တာဝန်ရှိသူ တစ်ဦးက ပြောပါတယ်။ “ လူတွေအများစု ကြုံရတာကတော့ အဖွဲ့စည်းတစ်ခုခုပေါ့လေ။...