spot_img
Monday, November 28, 2022
spot_img

နေရပ်ပြန် နေထိုင်သူ အရပ်သားတစ်ဦး မိုင်းနင်းမိပြီး သေဆုံး

spot_imgspot_imgspot_imgspot_img

ကန္တရဝတီတိုင်း( မ် )

ကရင်နီပြည် ဒီးမော့ဆိုမြို့ သေးဆူလဲရွာသစ်ကျေးရွာမှာ နိုဝင်ဘာလ ၁၆ရက်နေ့ နေ့လည်ပိုင်းကအသက် ၃၉နှစ်အရွယ် ဦးဖဲဘူး မိုင်းနင်းမိပြီးနောက် လွိုင်ကော်ဆေးရုံကို ပို့ဆောင်ခဲ့ပေမယ့် ဆေးရုံရောက်တဲ့အချိန် သေဆုံးသွားခဲ့တယ်လို့ မိသားစုဝင်တစ်ဦးက ပြောပါတယ်။

ဦးဖဲဘူးဟာ နေရပ်ပြန်နေတာ သုံးရက်ရှိပြီဖြစ်ပြီး နေအိမ်တွေခြုံထူနေတဲ့အတွက် သန့်ရှင်းရေးတွေ ပြုလုပ်နေရင်း မိုင်းနင်းမိသွားတာဖြစ်ပါတယ်။

“သူနင်းမိတဲ့ မိုင်းအမျိုးအစားကတော့ သူများနဲ့မတူဘူး။ ခါတိုင်းသူများနင်းမိရင် သူများခြေတောက်ပြတ်တာလောက်ပဲ နည်းနည်းပါးပါးပွန်းပဲ့တာတွေတော့ရှိတယ်လေ။ အခုခါကျတော့ သူနင်းမိတဲ့ မိုင်းအမျိုးအစားကတော့ သူ့ခြေတောက်လည်း ပြတ်သွားတယ်ပေါ့နော။ ပြီးမျက်နှာတွေကလည်း တစ်ဖက်က လုံးဝပျက်သွားတယ်။ နောက်ဒီ ရင်ဘတ်ကိုလည်း လုံးဝထိသွားတာ။ ရင်ဘတ်ကလည်း ဝင်ပြီးတော့ ဘယ်ဘက်ကနေ ပေါက်သွားတာ သူ့သူငယ်ချင်းတွေက ပြောပြတာပေါ့နော။ လက်ရှိ သူ့ကို စစချင်းတွေ့တဲ့ သူတွေပေါ့နော။” လို့ မိသားစုဝင် တစ်ဦးက ပြောပါတယ်။

သေးဆူလဲရွာသစ်ကျေးရွာဟာ ပြီးခဲ့တဲ့ ၂၀၂၁ ခုနှစ် မေလအတွင်း ကရင်နီပြည်မှာ တိုက်ပွဲစတင်ဖြစ်ပွားခဲ့တဲ့ အချိန်ကစပြီး အနီးအနားက ရွာတွေဆီ စစ်ရှောင်လိုက် ကျေးရွာပြန်လိုက်နဲ့ လယ်ယာလုပ်ငန်းတွေကို လုပ်ကိုင်ခဲ့ကြပါတယ်။

စစ်ကောင်စီတပ်သားတွေဟာ ရွာထဲမှာ တပ်စွဲထားတာ ရှိသလို အဲဒီကျေးရွာရှိ နေအိမ် တစ်ဝက်ကျော်ကိုလည်း မီးရှို့ဖျက်ဆီးခဲ့ပါတယ်။ လက်ရှိမှာတော့ လက်နက်ကိုင် အဖွဲ့အစည်းတချို့က နေရပ်ပြန်နေထိုင်ဖို့ တိုက်တွန်းနေတဲ့အတွက် ဒေသခံတချို့ နေရပ်ပြန်နေကြတာဖြစ်ပါတယ်။

၂၀၂၂ ခုနှစ် ဇန်နဝါရီလ အတွင်း မိုးဗြဲကနေ နန်းမယ်ခုံတကြော စစ်ကောင်စီ စစ်ကြောင်းထိုးလာတဲ့ အချိန်ကစပြီး ကျေးရွာမှာ နေထိုင်လို့မရတော့ဘဲ ရွာလုံးကျွတ် စစ်ဘေးရှောင်ခဲ့ကြရတာ လက်ရှိအချိန်ထိဖြစ်ပါတယ်။

မိုင်းနင်းမိသူ ဦးဖဲဘူးရဲ့ ရုပ်အလောင်းကို ၁၇ရက်နေ့မှာ သင်္ဂြိုလ်ခဲ့တယ်လို့ ဆိုပါတယ်။ ဦးဖဲဘူးမှာ ၈နှစ်အရွယ် သမီးတစ်ယောက်နဲ့ ၄နှစ်အရွယ် သားတစ်ယောက်ရှိပါတယ်။ သူ့ရဲ့ ဇနီးဟာလည်း လွန်ခဲ့တဲ့ လေးနှစ်မှာ သေဆုံးသွားခဲ့ပါတယ်။

spot_imgspot_imgspot_imgspot_img

More from the blog

လွိုင်ကော်မြို့ပေါ်မှာ လျှပ်စစ်မီးပြတ်တောက်ပါက မီတာခဆောင်မှသာ ပြန်လည်ပြင်ဆင်ပေးနေ

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ပေါ်မှာ အိမ်သုံးလျှပ်စစ်မီးတွေ အကြောင်းအမျိုးမျိုးကြောင့်ပြတ်တောက်သွားရင် လျှပ်စစ်မီတာခ ဆောင်ပြီးမှ ပြန်ပြင်ပေးနေတာတွေ ရှိတယ်လို့ လွိုင်ကော်မြို့ ဒေသခံ တစ်ဦးက ပြောပါတယ်။ “မီးပျက်ရင် မီတာခတွေ ဆောင်ပြီးမှ ပြင်ပေးတယ်။ ကိုယ့်အိမ်က ပြတ်လို့ သွားပြင်ခိုင်းရင် မီတာခဆောင်ခိုင်းတာမျိုးပေါ့။” လို့ သူက ပြောပါတယ်။ ၂၀၂၁ခုနှစ်...

စေတနာ့ဝန်ထမ်းတွေနဲ့ အလယ်တန်းအထိ တိုးချဲ့ဖွင့်လှစ်တဲ့ ကိုယ်ထူကိုယ်ထကျောင်း

ကန္တာရဝတီတိုင်း(မ်) ကရင်နီပြည်၊ ဒီးမော့ဆိုမြို့နယ်အနောက်ဖက်ခြမ်းရှိ ရွာတစ်ရွာက ကျောင်းတစ်ကျောင်းမှာ ဒေသခံကလေးတွေနဲ့ စစ်ရှောင်ကလေးတွေ ပညာဆက်ပြီးဆည်းပူးနိုင်ဖို့ လက်ရှိပညာသင်နှစ်မှာ ကျောင်းဖွင့် ထားတာ ၅ လ လောက်ရှိပြီလို့ ဆိုပါတယ်။ KG အတန်းကနေ ရှစ်တန်းအထိ ဖွင့်လှစ်ထားတဲ့ အဲ့ဒီကျောင်းမှာ ကျောင်းသူ၊သား ၁၅၀ ကျော် ပညာသင်ယူဆည်းပူး နေကြတာပါ။ အဆိုပါကိုယ်ထူကိုယ်ထကျောင်းမှာ စေတနာ့ဝန်ထမ်း...

မိုးဗြဲမှာ ကလေး ၃ဦး တောထဲသွားရင်း မိုင်းနင်းမိခဲ့၊ တစ်ဦးစိုးရိမ်ဒဏ်ရာရ

ကန္တာရဝတီတိုင်း(မ်) မိုးဗြဲမှာ ယမန်နေ့ (နိုဝင်ဘာလ ၂၇ရက်) မွန်းလွဲ ၁၂နာရီအချိန် တောထဲသွားလည်နေတဲ့ ကလေးငယ် ၃ဦး မိုင်းနင်းမိခဲ့ပြီး တစ်ဦးမှာ စိုးရိမ်ရတဲ့ ဦးခေါင်း ဒဏ်ရာရရှိခဲ့တယ်လို့ မိုးဗြဲပြည်သူ့ကာကွယ်ရေးတပ် ပြန်ကြားရေးတာဝန်ရှိသူတစ်ဦးက ဆိုပါတယ်။ “ တစ်ယောက်ကတော့ စိုးရိမ်ရတဲ့ အနေအထားမှာရှိတယ်။ ကျန်တဲ့သူကတော့ ပေါင်တစ်ချက်ထိတယ်။ ပေါင်ရယ် ၊...

ဖရူဆိုမြို့နယ် က စစ်ဘေးရှောင်စခန်းတစ်ခုမှာ လူဦးရေရဲ့ တစ်ဝက်ခန့် ဖျားနာနေ၊

CJ (ကန္တာရဝတီတိုင်း(မ်)) ကရင်နီပြည် ၊ ဖရူဆိုမြို့နယ်တောင်ဘက် ဆိုသယ် စစ်ဘေးရှောင်စခန်းမှာ ရာသီအကူးအပြောင်းကြောင့် စစ်ရှောင်ပြည်သူတွေ တစ်ဝက်ခန့် ဖျားနာနေပြီး လူဦးရေ ၃၀၀ ခန့်က ရောဂါပြင်းထန်တယ်လို့ စေတနာဝန်ထမ်း သူနာပြု တစ်ဦးကပြောပါတယ်။ အဆိုပါ ဆိုသယ် စစ်ရှောင်စခန်းမှာ လူဦးရေ ၁၇၀၀ ရှိနေတာပါ။ " ကလေးတွေဆို...