spot_img
Wednesday, August 10, 2022
spot_img

နွေဦးဂုရုလေးများရဲ့ ပညာရေးစင်တာ အပတ်စဉ် ( ၂ ) သင်တန်းဆင်း

spot_imgspot_imgspot_imgspot_img

ကန္တာရဝတီတိုင်း ( မ် )

ကရင်နီပြည် ဒီးမော့ဆို အရှေ့ဘက်ခြမ်းတစ်နေရာမှာ နွေဦးဂုရုလေးများရဲ့ ပညာရေးစင်တာ အပတ်စဉ် ( ၂ ) သင်တန်းဆင်းပွဲကို ယမန်နေ့ ( ဇူလိုင်လ ၈ ရက်နေ့) မှာ ပြုလုပ်ခဲ့ပါတယ်။

အပတ်စဉ် ( ၂ )သင်တန်းမှာ ကျောင်းသား ၅၈ ဦး သင်တန်းပြီးမြောက်ခဲ့ပြီး နောက်ထပ် အပတ်စဉ်တွေ ဆက်လက် ဖွင့်လှစ်သွားဖို့လည်း ရှိတယ်လို့ သိရပါတယ်။ သင်တန်းပြီးမြောက်ခဲ့တဲ့ သင်တန်းသား တစ်ဦးက ဘာသာစကားတွေ ဂီတတွေကိုပါ သင်ယူခဲ့ရတယ်လို့ ပြောပါတယ်။

“ကျနော့်အတွက် အများကြီး အကျိုးရှိပါတယ်။ ဒီကို မလာသေးခင်ဆို အင်္ဂလိပ်စကား တစ်လုံးမှတောင် မပြောတတ်ဘူး။ ဒီကို ရောက်လာတော့ အင်္ဂလိပ်စကားတွေ ပြောတတ်လာတယ်။ ပြီးတော့ လူရှေ့ထွက်ရဲတဲ့ သင်ကြားမှုတွေ ဆရာမတွေ သင်ပေးတဲ့အတွက် ကျနော် လူရှေ့ထွက်ရဲလာတယ်။ နောက်တစ်ခုက ကျနော်တို့ရဲ့ မိခင်ဘာသာစကား ဒီစာကို ကျနော်တို့ ဒီမှာ မလာဖြစ်ခင်မှာ ဘာမှမသိဘူး ဘာမှ မတတ်ဘူး။ ဒီကို ရောက်တော့ ကရင်နီစာတွေကို နည်းနည်းပါးပါး ကျွမ်းကျင်သလောက်တော့ ကျနော် ရေးတတ်လာတယ်။ ဖတ်တတ်လာတယ်။ ဂီတ musicပိုင်းမှာလည်း ကျနော်ဂီတာတွေ နည်းနည်း တီးတတ်လာတယ်။” လို့ သင်တန်းသား တစ်ဦးက ပြောပါတယ်။

နှစ်လတာ သင်တန်းကြားပေးတာဖြစ်ပြီး အပတ်စဉ် ( ၁ ) သင်တန်းမှာလည်း ၅၄ဦး သင်တန်းပြီးမြောက်ခဲ့ပါတယ်။ သင်တန်းပြီးမြောက်ခဲ့တဲ့ သူတွေ လက်ရှိမှာ စစ်ရှောင်စခန်းရဲ့ သင်ကြားရေးအပိုင်းမှာ ဝင်ရောက်ကူညီတာတွေ၊ နွေဦးဂုရုမှာ ဆက်လက် ပါဝင်ကူညီတာတွေ ပြုလုပ်နေပါတယ်။

စစ်ရှောင်တစ်နေရာမှာ ကျောင်းဖွင့်လှစ်ပြီး သင်ကြားပေးနေရပြီး မိုးရာသီဖြစ်တဲ့အတွက် ရေနှောက်တာတွေ၊ ဆိုလာမီး မနိုင်လို့ ဖယောင်းတိုင်နဲ့ စာကြည့်ရတာတွေ စတဲ့ အခက်အခဲ တွေရှိတယ်လို့ ကျောင်းဆရာမ တစ်ဦးက ပြောပါတယ်။

“ Batch 1 နဲ့ Batch 2 ဘယ်လို ကွာခြားလဲဆိုတော့ Batch 1တုန်းက စစချင်း ဖြစ်တော့ ပစ္စည်း အဲ့လောက် စုံစုံလင်လင် မရှိဘူးပေါ့။ အခု Batch 2မှာတော့ ပြင်ဆင်မှုတွေ ရှိလာတယ်။ ပြီးရင် လူသိများလာတယ်။ အလှူရှင်တွေလည်း များလာတယ်ဆိုတော့ ပစ္စည်းတွေ ပိုစုံလင်တယ်။ ပြီးရင် သင်ကြားရေးပိုင်းမှာ ပိုပြီးတော့ အထောက်အကူ ဖြစ်တာ ပိုများတာပေါ့ ” လို့ နွေဦးဂုရုလေးများ ပညာရေးစင်တာ ဆရာမ တစ်ဦးက ပြောပါတယ်။

နွေဦးဂုရုများရဲ့ ပညာရေးစင်တာဟာ ကရင်နီပြည်တွင်းက စစ်ဘေးရှောင်လူငယ်တွေအတွက် ရည်ရွယ်ပြီးဖွင့်လှစ်ခဲ့တာ ဖြစ်ပါတယ်။ ကရင်နီစာပေ၊ အင်္ဂလိပ်စာဘာသာရပ်ကို အဓိက သင်ကြားပေးပြီး ပန်းချီ၊ ဂီတ၊ လက်မှုပညာ၊ တခြားသောဘာသာရပ်တွေကိုလည်း သင်ကြားပေးပါတယ်။

spot_imgspot_imgspot_imgspot_img

More from the blog

ကရင်နီအမျိုးသားခုခံတော်လှန်ရေး​နေ့မှာ (KNPP) အမြဲတမ်း ပါတီ ဗဟိုကော်မတီဝင် ရီမာန်ထူးနဲ့ တွေဆုံမေးမြန်းခြင်း

https://youtu.be/RCXetUa48n4 ဒီကနေ့ ဩဂုတ်လ (၉)ရက်နေ့မှာ ကျရောက်တဲ့ ကရင်နီအမျိုးသား ခုခံတော်လှန်ရေး (၇၄)နှစ်ပြည့်မှာ ကရင်နီအမျိုးသား တိုးတက်ရေးပါတီ (KNPP) အမြဲတမ်း ပါတီ ဗဟိုကော်မတီဝင် တစ်ဦး ဖြစ်တဲ့ ဆရာကြီး ရီမာန်ထူး နဲ့ ကန္တာရဝတီတိုင်း(မ်) ကတွေ့ ဆုံမေးမြန်းထား ဖြစ်ပါတယ်။ ကရင်နီအမျိုးသားခုခံတော်လှန်ရေးဆိုတာ ဘာလဲ၊ ဘယ်လိုကြောင့်...

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

ကရင်နီအမျိုးသား ခုခံတော်လှန်ရေးနေ့ အပေါ် မှာ KNDF ရဲ့ အတွင်းရေးမှူး ၃ ခူးရီးဒူနဲ့ တွေ့ဆုံမေးမြန်းခြင်း

https://youtu.be/v7JwtpK3p80 ဩဂုတ်လ (၉)ရက်နေ့မှာ ကျရောက်မယ့် (၇၄) နှစ်ပြည့် ကရင်နီအမျိုးသားခုခံတော်လှန်ရေးနေ့ နဲ့ ပတ်သက်ပြီး လက်ရှိတော်လှန်ရေးမှာပါဝင်နေတဲ့ ကရင်နီအမျိုးသားများကာကွယ်ရေးတပ် (KNDF) ရဲ့ အတွင်းရေးမှူး (၃) ဖြစ်တဲ့ ခူးရီးဒူ နဲ့ ကန္တာရဝတီတိုင်း(မ်) က တွေ့ဆုံ မေးမြန်းထားတာ ဖြစ်ပါတယ်။ တွေ့ဆုံမေးမြန်းမှုမှာ - နှစ်ပေါင်း...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...