spot_imgspot_imgspot_imgspot_img
Thursday, May 23, 2024
spot_imgspot_imgspot_imgspot_img

ပင်လောင်းက ကရင်နီ စစ်ရှောင်တွေအတွက် စားနပ်ရိက္ခာ အရေးပေါ်လိုအပ်နေ

Author

Date

Category

ကန္တာရဝတီတိုင်း(မ်)

ရှမ်းပြည်နယ်၊ ပင်လောင်းမြို့ တောင်ဘက်မှာရှိနေတဲ့ ကရင်နီစစ်ဘေးရှောင်တွေဟာ ပြီးခဲ့တဲ့ ၂၀၂၄ ဆန်းက စပြီး အလှူရှင်တွေ မရောက်ရှိတာကြောင့် ဆန်၊ ဆီ၊ ဆားစတဲ့ ရိက္ခာတွေ အရေးပေါ်လိုအပ်နေတယ်လို့ သိရပါတယ်။

လတ်တလောမှာတော့ အဆိုပါ စစ်ရှောင်တွေဟာ အသိမိတ်ဆွေတွေဆီမှာ ချေးယူစားသောက်နေရပြီး အလုပ်မရှိတာကြောင့်လည်း အခက်ခဲ တွေ့နေကြတယ်လို့ စစ်ရှောင်ကူညီသူတစ်ဦးက ပြောပါတယ်။

“ စားစရာ ဆင်မပြေဘူးဗျာ။ အလှူရှင်တွေလဲ မရှိတော့လို့ အလုပ်လဲ မရှိတော့ စားဖို့သောက်ဖို့က တော်တော်ခက်ခဲနေကြတယ်။ အလှူရှင်လဲ မရှိတာကြာပြီး ၂၀၂၄ စဝင်ထဲက မရှိတော့တာ ခုထိပဲ “လို့ သူကပြောပါတယ်။

အဆိုပါကရင်နီစစ်ရှောင်တွေဟာ အာဏာသိမ်းကာလ တိုက်ပွဲစတင်ချိန်ကတည်းက စစ်ရှောင်နေသူတွေပါဝင်သလို အသစ်ထပ်မံရောက်လာတဲ့ စစ်ရှောင်တွေလည်း ရှိနေတယ်လို့ သိရပါတယ်။

“စာဝတ်နေရေးက ဘယ်ပြေလည်မလဲ။ ခက်ခဲတော့ ရှိတာပေါ့နော်။ ကိုယ်ရပ်ကိုယ်ရွာ မဟုတ်တဲ့ ခါကျတော့ပေါ့နော်။ အလုပ်လဲမရှိ ခက်ခဲတာပဲ အကုန်လုံး ကိုယ်တစ်ယောက်တည်းလည်း မဟုတ်ဘူးပေါ့နော်။ စစ်ရှောင်လာတဲ့လူတွေက ကုန်လုံး ခက်ခဲကြတယ်။” လို့သူကပြောပါတယ်။

အဆိုပါ ကရင်နီစစ်ရှောင်တွေဟာ လွိုင်ကော်၊ မိုးဗြဲ၊ ဖယ်ခုံ၊ နန်းမယ်ခုံ ဘက်ကနေရောက်လာကြတာဖြစ်ပြီး လူဦးရေ ၃,၀၀၀ ကျော်ရှိနေတယ်လို့ သိရပါတယ်။

spot_img
spot_img

Recent posts