ပြည်နယ်အတွင်း တရားမဝင်နေထိုင်သူတွေကို စစ်ဆေးသွားမယ်လို့ ပြည်နယ် လဝက ဝန်ကြီးပြော

နော်ဒွေးအယ်ခူ

ကယားပြည်နယ်အတွင်း တရားမဝင်တဲ့ နိုင်ငံခြားသားဝင်ရောက်နေထိုင်မှုကို အဓိက ကိုင်တွယ်သွားမယ်လို့ ပြည်နယ် လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီး ဦးခင်မောင်ဖြူက ကန္တာရဝတီတိုင်း(မ်)ကို ပြောပါတယ်။

“အဓိက အရေးကြီးတာက တရားမဝင်တဲ့ နိုင်ငံခြားသားတွေဝင်ရောက်တဲ့ကိစ္စပေါ့နော အဝင်အထွက် အသွားအလာတွေကြားနေရတယ်။ နေထိုင်တာလည်းကြားနေရတယ် ။ဒါတွေကိုဘယ်လိုအရေးယူမလဲ ဘယ်လိုဖော်ထုတ်မလဲပေါ့နော ဒါတွေကို လောလောဆယ်မှာကိုင်တွယ်ဖို့စဉ်းစားထားတယ်” လို့ ဝန်ကြီးဦးခင်မောင်ဖြူက ပြောပါတယ်။

ကယားပြည်နယ်အစိုးရအဖွဲ့ လမ်းပန်းဆက်သွယ်ရေးနှင့် လျှပ်စစ်ဝန်ကြီးဌာန ဝန်ကြီးဦးခင်မောင်ဖြူ ကို ကယားပြည်နယ်အစိုးရအဖွဲ့ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီးအဖြစ် နိုင်ငံတော်သမ္မတရုံး၏ အမိန့်အမှတ် ၇/၂၀၂၀အရ ဖေဖော်ဝါရီလ ၁၇ ရက်မှာ ခန့်အပ်အတည်ပြုလိုက်ပြီးနောက် ဝန်ကြီးက ၎င်း၏ ပထမ လုပ်ငန်းစဉ်ကို ပြောကြားသွားတာဖြစ်ပါတယ်။

ဝန်ကြီးဦးခင်မောင်ဖြူကို ကယားပြည်နယ်အစိုးရအဖွဲ့ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီးအဖြစ် ပူးတွဲတာဝန်ပေးအပ်ဖို့ ပြည်နယ်ဝန်ကြီးချုပ်က ဖေဖော်ဝါရီလ ၁၃ရက်နေ့မှာ ကျင်းပခဲ့တဲ့ ဒုတိယအကြိမ် ကယားပြည်နယ်လွှတ်တော် (၁၆)ကြိမ်မြောက်ပုံမှန်အစည်းအဝေး ပထမနေ့မှာ အဆိုပြု တင်သွင်းထားခဲ့တာဖြစ်ပါတယ်။

လူဝင်မှုကြီးကြပ်ရေးနှင့်လူ့စွမ်းအားအရင်းအမြစ်ဝန်ကြီးဌာနနဲ့ပတ်သက်ပြီး ပြည်နယ်လွှတ်တော်ကိုယ်စားလှယ်တွေက ကန့်ကွက်ဆွေးနွေးတာမရှိတဲ့အတွက် ပြည်နယ်လွှတ်တော်ဥက္ကဌက လွှတ်တော်အစည်းအဝေး ဒုတိယနေ့မှာ သဘောတူကြောင်း အတည်ပြု ကြေညာခဲ့ပါတယ်။

“ဝန်ကြီးဌာနအသစ်ဆိုတော့ စပြီးလေ့လာရမယ် ပိုပြီးကြိုးစားရမှာပေါ့နော များများလေ့လာမှ ဒီဌာနကို ကွပ်ကဲနိုင်မှာပေါ့နော။ ခု နေ့တိုင်းစလေ့လာနေပါပြီ။ ကျတော် ဌာနနဲ့တွေ့ပြီးရင် တွေ့သင့်တွေ့ထိုက်တဲ့ မြို့မိမြိုဖတွေ ရပ်ကွက်တွေ ဒါတွေနဲ့သီးခြားပေါ့ ခေါ်ပြီးတော့ ဆွေးနွေးမယ် အချက်အလက်တွေယူမယ် စဉ်းစားထားတာပေါ့။” လို့ ဝန်ကြီးကဆက်ပြောပါတယ်။

ပြီးခဲ့တဲ့ ဒုတိယအကြိမ် ကယားပြည်နယ်လွှတ်တော် (၁၅)ကြိမ်မြောက်ပုံမှန်အစည်းအဝေးမှာ ဦးတင်ဌေးဆိုသူကို ပြည်နယ်လူဝင်မှုကြီးကြပ်ရေးနှင့်လူ့စွမ်းအား အရင်းအမြစ်ဝန်ကြီးဌာန ဝန်ကြီးအဖြစ် ဝန်ကြီးချုပ် အဆိုတင်သွင်းခဲ့ပေမယ့်လည်း လွှတ်တော်ကိုယ်စားလှယ်တွေရဲ့ ကန့်ကွက်မှုကြောင့် ခန့်အပ်နိုင်ခဲ့ခြင်း မရှိပါဘူး။

ကယားပြည်နယ်အတွင်း အဓိက ခဲသတ္တုတူးဖော်ရေးလုပ်ငန်းတွေမှာ တရုတ်နိုင်ငံခြားသားတွေကနေပြီး အများစု ဝင်ထွက်သွားလာနေကြတာဖြစ်ပါတယ်။

Comments

comments

Next Post

ဒေသန္တရအမိန့်က ပြည်နယ်ကိုကျဆုံးအောင်ပြုလုပ်နေခြင်းဟုဆို

Thu Feb 20 , 2020
နော်ဒွေးအယ်ခူ ပြည်နယ်အစိုးရ သတ်မှတ်ထားတဲ့ ဒေသန္တရအမိန့်ထုတ်ပြန်ထားခြင်းက ကယား(ကရင်နီ)ပြည်နယ် ကျဆုံးအောင် ပြုလုပ်နေခြင်းဖြစ်တယ်လို့ Karenni MATA အဖွဲ့မှ တာဝန်ခံဖြစ်တဲ့ ခွန်းအန်းဂျလိုက ပြောပါတယ်။ ခွန်းအန်းဂျလိုက “အစိုးရကို တိုက်ခိုက်ဖို့အမြင်ဖွင့်တာမဟုတ်ဘူး။ လူထုတွေ သိထိုက်သိအပ်တဲ့အရာတွေ ကျတော်တို့က အမြင်ဖွင့်ပေးတယ် လိုက်ပြီး ဆော်သြပေးတာကို သူတို့က အဆိုးမြင်ဝါဒနဲ့ ဒေသန္တရအမိန့်ထုတ်ပြန်တာက ပြည်နယ်ကျဆုံးအောင်လုပ်တာပဲ ကျတော်တို့မြင်တယ်” လို့ ပြောဆိုထားပါတယ်။ ကယားပြည်နယ်တွင်း ဆောင်ရွက်နေတဲ့ သတ္တုစီမံကိန်းတွေမှာ ပတ်ဝန်းကျင်ထိန်းသိမ်းရေး စုံစမ်းစစ်ဆေးရေးတွေ (EIA/IEE) ပြုလုပ်ထားခြင်း ရှိမရှိ စတာတွေကို ဒေသခံတွေ အသိပညာ ချပြဆွေးနွေးချင်ပေမယ့်လည်း ဒေသန္တရအမိန့်ကြောင့် လူထုတွေမှာ ပူးပေါင်းပါဝင်လာမှု အပိုင်းအားနည်းလာတယ်လို့ ဆိုပါတယ်။ Karenni MATA အဖွဲ့ဟာဆိုလျှင် ပြည်နယ်အတွင်း […]